|
أعرب رجل الأعمال المصري عن تخوفه على المستقبل المصري خائفا أن تتحول مصر إلى إيران و ذلك بعد التهديدات بالقتل التي جاءته خصوصا بعد أن وضع الكاريكاتير الذي أغضب كثير من الشعب المصري على حسابه على تويتر منذ فترة ولا نعلم عما إذا كانت هذه التهديدات من إسلاميين أم لا كما هو لا يعلم أيضا .
و جدير بالذكر أن ساويسرس سيخسر الكثير إذا جائت حكومة إسلامية و لذلك أعلن أنه في حال أن جاءت حكومة إسلامية متشددة سيغادر مصر لما سيلقاه الشعب من قهر . و قد قال ساويسرس عن الحزب الذي أنشأه إبريل الماضي حزب المصريين الأحرار أن سياسة الحزب أن توجهاته ليبرالية علمانية رأسمالية و عليه دعى إلى إنشاء شركة قابضة لتدير الممتلكات الخاصة بالدولة . |
|
فين المحامى بتاعه ؟؟
اكيد لسه مقرتش الخبر هتيجى وتقول ساويرس ده كريزه وسط تورته ميسبش مصر مصر تخرج من مصر وساويرس لاء |
|
براحتك يا ياسر و الله اعلم بالغرض من ده كله ايه
عايز فرقعه و خلاص و الناس تولع و تاكل بعض؟ انا مش حادافع عن سويرس لانى بجد حاسه انى ماشيه ضد التيار فى المنتدى ده اللى بيحث على الفتنه بشكل غير عادى مع ان قوانين المنتدى بتقول مش عايزين اخبار تحث على فتنه و تمييز و عنصريه و طائفيه لكن اللى انا شايفاه غير كده خالص الاخبار كلها يا مسلمين بيعادوا مسلمين يا بيعادوا اقباط يا اقباط بيسيئوا لمسلمين نفسى اشوف خبر بره الاطار ده علشان تقولوا عليا كويسه و تحبونى انا باقول لكم ان سويرس ده غبى و المفروض يمشى و يسيب البلد بجد يسحب كل فلوسه و تولع البورصه و ايه يعنى و يولع الاقتصاد و فيها ايه؟ و يقفل بيوت اللى بيشتغلوا عنده كلهم يعنى ايه اربعين الف مسلم يتخرب بيوتهم مش مشكله فى داهيه كلها 15% من استثماراتك يا راجل يعنى مش خسران حاجه ما تسيبها تولع انت مستنى لما يقتلوك بجد؟ و هو خايف من ايران ليه؟ ما تبقى مصر زى ايران و الا افغانستان و الا باكستان و الا يبقى اسمها مصرستان و ماله متشددين ايه يا راجل ده حتى الاسلام حث على طرد الغير مسلم من ارضه و حث على الهجوم عليه و سبه و سب كل من يحامى له و الافضل فعلا ان الاقباط ياخدوا المنيا دوله قبطيه مستقله و المسلمين يشوفوا بقى كل طائفه عايزه ايه مثلا المتشددين فى سينا تبقى دوله خلافه و الوسطين فى القاهره و كل طائفه تاخد لها حته و تبقى مصر سبع تمن دول و اللى عايز دوله امبابه المستقله اهه فرصه البلد و العه و لسه فى كنيسه والعه فى اسوان و بيمنعوا الاقباط من الاحتفال بدينهم عادى هذا ما يحث عليه الاسلام الفرقه و التجزئه و كل حاجه حلوه ارجو ان يكون ردى ده مرضى لكل مسلم حر |
|
هو مش لكونه مسيحي يطلق هذا الكلام
هناك كثير من المسلمين من الساسه بمصر صراحو اكثر من مرة بهذا الكلام لماذا يوضع هذا الرجل فقط بهذا المنظار.....! هو حاله كحال اي مواطن مصري يعرض راي |
|
يا بديعة هو قال الكلام ده
احنا مش بنطلع اشاعات عليه و الخبر لجريدة في حوار معها يعني مش مفبرك ولا حاجة و منشور على مواقع الاخبار كلها يعني منتدانا مش بيطلع اشاعات ولا بيحث على الفتنة ابدا الفتنة يعني احرض على شخص او على جماعة لكن نقل الخبر يبين سلوك شخص يوضح اتجاه جماعة و هو الهدف لكن انا مقولناش كلام الراجل نفاه او مقالهوش |
|
ما الدكتور عبد المنعم سعيد قال نفس العباره
اخشى ان تحول مصر الى ايران ثانيه ليه ما طلعتوش التصريح ده؟ علشان عبد المنعم سعيد مسلم يقول اللى هو عايزه دى حريه رأى لكن القبطى لا يحق له ان يبدى رأيه لانه لا يعامل كمصرى بل كقبطى و كل كلمه تطلع منه تبقى معاداه لمصر و المسلمين الواقع انه لازم يحارب سياسيا بكرت دينى لاسقاط حزب المصرين الاحرار اطلع على ا لفيس بوك و شوف كام مسلم قال نفس الكلمه اخشى ان تحول مصر الى ايران تانيه او باكستان تانيه او دوله خليجيه حتى كل التصريحات دى موجوده لكن لا تنشر فى المنتدى لو قالها مسلم تنشر لو قالها قبطى بس |
|
ياجماعه ساويرس كان عامل لقاء مع لميس واتكلم كويس جدا والذي يشاهد اللقاء اذا لم يكن يعرف انه قبطى لن يستطيع ان يفرق بينه وبين اى مصرى اخر وقد قال انه رغم ان معظم اعماله فى الخارج ويمتلك العديد من المنازل فى معظم بلاد العالم الا انه لايعرف غير مصر وطن له
|
|
شكرررررررررااااااااا يا ياسر على الخبر
وكما قالت او قال ديرا ومع الاعتذار لعدم تأكدى من نوع الجنس فكلام ديرا مضبوط وأأويده ولأننى شاهدت اللقاء |
|
للصدفه , انا شفت الخبر ده على مواقع مسيحية معروفه
يعنى ياسر ماجبش الخبر من عنده ومش معنى انه الكلام اتقال قبل كده من مسلم يبقى عادى لما اى حد يقوله وخصوصا فى الوقت الحالى . والدفاع الغير مبرر عن شخص معين يخلى الواحد يشك فى مصدقة الى بيتكلم . وخصوصا لما يكون ليه مواقف اكثر تشدد مع جهات اخره !!! دينيا وسياسة , وحتى مع افردا , وانا مش هاسمى حد فى المنتدى لعدم الحرج . على العموم . هى نوع من الحرب النفسيه المستخدمه مع المسحيين لاخافتهم ولتشجعهم على التصويت لصالحه . بل وحتى اخافة بعض "المسلمين " ذو الانتمائة والافكار الغربية , المناهضة لوجود دين من الاصل . وبالتالى سوف يشعرو بالخوف والحل هو الاحزاب اللا دينية , او المتدينه بدين لا يطبق عليهم . شــــكـــــراااا يــــاســــــر . . |
|
ياجماعه ساويرس كان عامل لقاء مع لميس واتكلم كويس جدا والذي يشاهد اللقاء اذا لم يكن يعرف انه قبطى لن يستطيع ان يفرق بينه وبين اى مصرى اخر وقد قال انه رغم ان معظم اعماله فى الخارج ويمتلك العديد من المنازل فى معظم بلاد العالم الا انه لايعرف غير مصر وطن له
و ياسر ساب الحوار ده كله و مسك فى كلمه قالها (مصر فوضى) و قعد يزيد و يعيد فيها علشان يقول ان سويرس قال ان مصر فوضى و شعب همجى و مش فاهمه سياسه السقطه و اللقطه دى و الهجوم ده كله على سويرس مع انه بيقول كلام كلنا بنقوله و بنقول اكتر منه أه خايفين مصر تكون ايران تانيه حد عايزها ايران؟ |
|
شكرررررررررااااااااا يا ياسر على الخبر
وكما قالت او قال ديرا ومع الاعتذار لعدم تأكدى من نوع الجنس فكلام ديرا مضبوط وأأويده ولأننى شاهدت اللقاء انتى فين من زمان سايبانى اتبهدل لوحدى انتى اللى فاهمانى ما تغيبيش عنى كدا باقلق عليكى يا ست الكل |
|
يا ريت يا جماعة طالما إن الخبر صحيح يبقى نفرق زي ما قولت قبل كدة
بين من يدعو للفتنة و بين من ينقل الخبر الصحيح وليس المفبرك انا لم ادعي على الرجل بالباطل بل قال هذا الكلام و يحسب عليه هو يخوف الناس من الإسلاميين و ينبغي التحذير منها هو يدعو الناس بهذه الطريقة لعدم الإلتفات و عدم الإحتكاك و تهميش السلفيين و كل ما هو إسلامي لذا يبنغي التحذير من هذه الأفعال المشينة التي تدث وسط عسل الكلام و الله أعلى و أعلم |
|
و هو لو قال يا ياسر انه خايف ان مصر تبقى ايران بالرغم ان مسلمين كتير قالوها يبقى بيهمش كل ما هو سلفى و كل ما هو اسلامى؟
ايران شيعه و ضد السنه بكل طوائفها سلقى و صوفى و كله مين عايزها تبقى ايران مين عايزها شيعه ده ماقالش مش عايزها تبقى تركيا مثلا علشان تركيه سنه مع انه قال فى نفس الكلام يا ريت مصر تبقى زى تركيه شريعه اسلاميه فى دوله لا تربط الدين بالسياسه (دى وجهه نظر) لكن عمره ما رفض الاسلام بالعكس قال انا بانادى بالشريعه الاسلاميه لانها حتحمينى كقبطى و الكلام ده موجود و مسجل لكن لازم ننقى رز و احنا بنسمع كلامه الكويس نرميه و نشوف ايه اللى ممكن يتحط و نقلب البلد عليه و لما قلت ده باس ايد شيخ الازهر قلتوا طبعا يبوس رجله كمان بس اللى فى القلب فى القلب؟ قلت لكم اعتذر و لقيت مين اللى بيقول يعتذر براحته ده كافر و اعتذاره مش مقبول؟ لما قلت ما المسلمين بيقولوا برضه مش عايزين مصر تبقى ايران قلتوا مش معنى الكلام طلع من مسلم يبقى مقبول؟؟ هو انتوا ركزتوا فى الكلام الاول (ايران = شيعه) ما حدش يقول لى دى مش حرب سياسيه بكرت دينى واضحه للاعمى بلاش مكابره يا ياسر و النبى انا عارفاك عاقل و بتوزن الكلام يابنى و فاهم القصد و را كل كلمه اللهم اجعلنا ممن يستمعون القول فيتبعون احسنه |
