أنت ليه مش بتمسك إيدي وإحنا ماشيين في الشارع؟
رد عليها وقال لها
- لأ بلاش...افرضي حد من قرايبك شافنا؟ والا حد من أصحاب أخوكي في الكليه؟
ان شاء الله يا حبيبتي بكره نتخطب امسك إيديكي ادام الدنيا كلها.
جت بتقول له في فترة الخطوبة
أنت ليه مش بتمسك إيدي وإحنا ماشيين في الشارع؟
رد عليها وقال لها
- علشان مش عاوز حد يفتكر إننا علشان اتخطبنا هنصيع بقى ونعيش
حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي
حبيبتي
بعد الجواز
أنت ليه مش بتمسك إيدي وإحنا ماشيين في الشارع؟
رد عليها
يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين
متجوزين ومحترمين
بعد الجواز بفترة طووويلة
بتقوله
أنت ليه مش بتمسك إيدي وإحنا ماشيين في الشارع؟
قال لها
- يعني امسك إيدك والا امسك إيد البنت والا اشيل الأكياس دي كلها؟
بعد يجي عشرين سنة كدا
بتقوله
أنت ليه مش بتمسك إيدي وإحنا ماشيين في الشارع؟
قال لها
- إيدك إيه بس اللي هامسكها دلوقتي! إنتي عاوزه جوز بنتك يشوفنا يقول خلاص كبرنا وخرفنا