أجامل الناس
رغم الألم أضحك وفي داخلي جور
أجامل الناس والصدرضايق
لاتقول كيف الحال لاتقول ماجور
الحال يرثي حالتي بالدقايق
أخفي حزن وأضحك وأناحيل مقهور
من شاف ضحكي قال بالحيل رايق
حزن وأسى وهموم وطعون وكسور
ماني برايق لاولاني بفايق
لاتغرك الضحكات ماني بمسرور
أجامل وربي وفيني حرايق
مجروح قلبي محترق مثل دافور
يفورقلبي والحزن صارعايق
مثلي تعودبالحزن صار مجبور
لاالحزن لايق ولاني بطايق
قاعدعلى حالي من سنين وشهور
من عقب موته صارحزني حقايق
تمرضحكاتي واناعايش الدور
غصب(ن)علي والحزن ماهوبلايق
شفت الحزن في ناظري شبه مأسور
وعلوم شينه تجيني سبايق
هدت عيوني من عقب هدت السور
وأضحت عيوني من حزنهافرايق
صارالحزن صاحب ولافاددكتور
كل(ن)تفلسف في علاج الخلايق
مسكين من عنده أراضي وهي بور
مهمازرع مافادزرع الحدايق
يبطي على حاله ولاجاه عصفور
الأرض قفره مات زرعه علايق
واللي بلى نورلاياحش النور
النورنورالقلب لاصاررايق