في خطبة العيد اليوم في بلدة كفر عنان التابعة لمدينة زفتي محافظة الغربية, قال الخطيب ان التصويت للمرشحين ذوي المرجعية الاسلامية واجب شرعي, وان من يخالف ذلك فهو آثم لان هذه امانة (يقصد صوتك الانتخابي) ثم استشهد بالاية: (وردوا الامانات الي اهلها) ثم استشهد ايضا بالاية: (ولينصرن الله من ينصره)

واكد الخطيب ان الشريعة الاسلامية مثل سفينة سيدنا نوح عليه السلام, من يركبها ينجو ومن يتركها يغرق, فيجب علي المسلمين ان ينتخبوا من يطبق الشريعة ويضع الله حق نصب عينه.

--------

تعليق شخصي: انا متفق تماما مع الخطيب اذا لم يحدد جهة معينة بذاتها, فليس من المعقول ان اتمني رضا الله وانتخب من لا يرضي الله, لكن المشكلة تكمن في من يتخذ من الدين حكرا له, وكأن السلفيين او الاخوان هم فقط الاسلاميون وكأنه لا يجوز ان يكون مسلم صادق في حزب الوفد او في مرشح فردي,


عموما الخطيب صدق في كلمة قالها: الصوت الانتخابي امانة, فلا تنتخب من يضر الناس بشئ ولا تنتخب من يقوم علي مصلحتك الشخصية دون مصالح الناس

و ده مش مخالف لقوانين الانتخابات اللى بتقول ما نستغلش المنابر و الجوامع و الكنائس فى السياسه؟ و الانتخابات؟
ده كده مش يطبق عليه القانون و يتشطبوا كل الاحزاب اللى بيدافع عنهم و بيستغل الدين علشان يوصلوا للسلطه؟
هو ما فيش رقابه ليه من الاوقاف على الجوامع و ليه ما فيش رقابه من امن الدوله او اللى بقى اسمه امن قومى دلوقتى على كل دول؟ الامور دى خطيره يا جماعه ما يصحش يتسكت عليها

خطبة العيد اليوم في بلدة كفر عنان التابعة لمدينة زفتي محافظة الغربية ..... لهذه الدرجة هناك عيون تتصيد الخطب فى المساجد .... ولماذا لا تتصيد تلك العيون (أعماها الله دنيا واخرة) صلوات المسيحيين فى الكنائس

علي فكرة الراجل ما غلطش يا بديعة, هو بينصح الناس انهم ينتخبوا اللي يطبق الشريعة الاسلامية ودي مش قضية فعلا لاني بصفتي مسلم لا اقبل ان تطبق شريعة غير اسلامية في بلد مسلم, مش معقول اكون مسلم وانتخب واحد عاوز يطبق القوانين اللي ممكن تهدم الاسلام,

لكن زي ماقلت طالما ماقالش علي جهة معينة يبقي تمام والمشكلة تيجي بس في حالة انه بيدعم جهة معينة زي السلفيين او الاخوان او حزب كذا او حزب كذا

وطبعا القانون اللي بيمنع استخدام دور العبادة للانتخابات انا متفق معاه جدا ولو امام مسجد قال للناس انتخبوا المرشح الفلاني عشان ده هيطبق الشريعة الاسلامية يبقي لازم يتحقق معاه, انما الشيخ ده ماعملش كده لانه اعطي نصيحة عامة

شكرا لردك نورتي الموضوع
-----------------

m2512 : سهل اوي ان اي حد يجيب خبر ويرفعه علي النت او يبعته لجرنال ويتنشر لان ده زمن انتشار المعلومات الجيدة والردئية للاسف, لكن عموما الجريدة عاملة الخبر عشان تهاجم امام المسجد لكن انا ناشره بهدف اثبات ان الاسلام دين يحث علي الصواب ولا ينحاز لاشخاص, وربنا يرد كيد اعداء الدين علي نحورهم خاسرين

(انا ولا سلفي ولا اخواني ولا ليا توجه سياسي معين انما بقي يصعب عليا اوي ان كل شخص يهاجم الاسلام عمال علي بطال ولا كأنه بقي له رجال يحموه)

شكرا لردك نورت الموضوع

انا مش عارف الناس دي ماكنتش تقول الكلام ده ايام مبارك ليه
اكيد دول عملاء له او اعضاء من جهاز مباحث امن الدوله
لانه شمغنى الوطنيه نقحت عليهم قوي الايام دي
هو عصر مبارك كان عصر الجاهلية وماكنش الاسلام لسه ظاهر

سؤال برئ جداً والله ....... هل فى أحكام شريعة الله سبحانه وتعالى ما يعيب؟ .......
ما هى الشريعة؟ .. وما هو القانون؟ .. القانون أما أن يكون تطبيق ما أمر الله به ........ أو اختيار ما وضعه بشر .......... ترى أيهما الواجب اتباعه؟.......

وبرؤية موضوعية .. هل فى هذه النقطة اختيار؟ ........ أى الاختيار ما بين قانون الله تعالى ...... وقانون البشر ....... هل يجوز الاختيار هنا أو المقارنة.

قانون الله ثابت ... واحد ... نافذ .... شئنا أم أبينا ...... فهو سبحانه يسمع ويرى .. بمعنى أننا نفعل ما نريد وهو يفعل ما يشاء ...
وبشكل أخر ...... إذا ضمنا لأنفسنا حياة مديدة فهل هى مؤبدة أم منتهية فى النهاية ........ هل سنحاسب على فعل أشياء وترك أخرى؟ ....... أم ماذا؟ .......
ـ إذا لم نطبق ونفعل شرع الله تعالى .... أو بالأحرى .... إذا لم نطبق قانون الله تعالى؟ فلماذا نعبده؟
ـ هل الله تعالى فصل ما بين السجود له فى الصلاة ...... وما بين المعاملات على المستوى الفردى والجماعى وما بين الدول ...........
ـ والسؤال الأخير .... إذا كان هذا الحال ونحن فى القرن العشرين بما فيه من تطور علمى وثقافى ... واقتصادى ...الخ .... لماذا انتصر المسلمون الأوائل فى غزوات ومعارك كثيرة وكان عددهم قليل؟ ...... ألم تفتح مصر بـ 4000 جندى .. هل يعقل ذلك؟. دولة تحكمها امبراطورية مثل امبراطورية الرومان ...... تقتح بهذا العدد من الجند .... وأعتقد الأمثلة كثيرة جداً فى التاريخ ......... ولكن كيف فعلوا ذلك ........ ألقربهم من الله سبحانه وتعالى وتطبيق قانونه الألهى ......... أم لماذا؟

زهير: الخوف ممكن يمنعهم من انهم يتكلموا, بس ماينعفش نعيب واحد علي انه قال حاجة كويسة دلوقتي بحجة انه ماقالهاش زمان, وخاصة انه ماقالش حاجة بدافع مصلحة شخصية انما هو قال كلام عام بغرض النصيحة فجزاه الله خيرا عنها, انما الناس اللي عاوزين يرشحوا نفسهم وبيتكلموا باسم الدين فدول طبعا كلامك صحيح عنهم,

وبعدين هل يعيب المسلمين ان يرجعوا الي دينهم بعد زوال رئيس فاسد منعهم عنه؟؟

للعلم عاوز ااكد اني لا احب تنظيمات الاخوان او السلفيين ولكنهما ليسا بوكلاء عن الدين الاسلامي, فانا مسلم ايضا وهناك مسلمون افضل من الاخوان وليسوا في الجماعة او لم يدخلوا حزب النور

شكرا علي ردك يازهير
--------------------------------

عمر: اسئلتك البريئة جدا في محلها يا عمر, رد رائع تسلم عليه

ملحوظة: كل كلامي في حالة ان الشيخ لم يؤيد جهة معينة او ينتسب لها, اما اذا حدث العكس فمع نفسه ولينضم لقطيع الباحثين عن السلطة

الخوف من مبارك منعهم انهم يتكلموا قبل الثوره؟
و بيقولوا انهم خايفين من ربنا و لا يخشوا فى الحق لومه لائم؟
لا ده الخوف من امن الدوله اللى كان لهم بالمرصاد و من الاوقاف اللى كانت بتتابع الكلام و تراقبه قبل ما يتقال

شريعه الله كلنا عايزينها طبعا ما فيش حد يقول لا لشريعه الله سبحانه و تعالى لا مسلم و لا مسيحى
و شريعه الله مطبقه فى مصر و مصر اسلاميه بلد الازهر و ألاف المساجد و المنابر و الصالحين البلد المحروسه اللى حارسها ربنا و جعلها كنانته على الارض

كل ده بديهيات لكن ربنا يديهم على قد نيتهم لما يستخدموا الحق و كلامه الحق علشان انتخابات و سياسه و مصالح دنيويه
و ماتقوليش ما قالوش اسم حزب (عد غنمك يا جحا ... قال واحده قايمه و واحده نايمه) هم كام حزب اللى بيستغلوا الدين و كلام الله و مساجده و بيحاولوا يسخروا عباد الله لخدمتهم؟ هم معروفين

و برضه حننتخب اللى حيطبق شريعه الله بلا ارهاب و لا تعصب و لا تزمت و لا تكفير و لا جناح عسكرى ولا يدعونا لغزو بعضنا بعضا علشان نسبى نساء و اطفال و نرجع بكام راس و لا اللى يرميلنا حته لحمه علشان ياكل لحمنا حى بعد كده تحت اسم و رايه تطبيق شريعه الله

ايه عد غنماتك يا جحا دي؟؟ قصدك ان اللي هيطبقوا الشريعة هما الاخوان والسلفيين بس؟؟ لا طبعا في غيرهم كتير يا اخت بديعة,

وفيها ايه لما الواحد يخاف يا بديعة وبعدين لما يجي ينصح ينصح بالحق؟؟

انا عاوز اعرف مشكلتك فين وهجومك علي مين دلوقتي؟؟ علي الشيخ عشان قال للناس انتخبوا اللي هيطبق الشريعة ولا علي اي حد بيدعي انه عاوز يطبق الشريعة ولا علي الناس اللي كانت ساكتة وبعدين اتكلمت؟؟

بالنسبة للناس اللي كانت ساكتة واتكلمت فدي بتنطبق علي الكل يا بديعة حتي العلمانيين كانوا ساكتين غصب عنهم, فاشمعني بقي ماسكين الشيوخ دلوقتي مع انهم بيتكلموا بالحق زي الخطيب بتاع زفتي ده؟؟


بلاش الهجوم الغير مبرر علي كل ماهو اسلامي يا بديعة, انا زيك مش باحب شغل الاخوان والسلفيين في السياسة ومش هانتخبهم لكن ماينفعش اهاجم كل الكلام اللي بيقال ولازم نفرق بين الصح والغلط

يتشطبوا من كل الاحزاب ويتطبق عليه القانون؟؟؟؟؟!!!! وليه بردو بنقول ما كنش ليهم صوت ايام مبارك؟؟؟؟!!! هو حضرتك كان ليك صوت؟؟؟!!! وعموما هما كانوا فى السجون والمعتقلات ويرون ابشع انواع التعذيب من اجل نصره الحق اللى بتهاجموه انتوا دلؤتى......... والناس ليه ماطالبتش بتطبيق القانون على من سبوا ولعنوا فى الاسلام وفى المحافظين وغيرهم وغيرهم وساعتها كان ردنا بلااااااااش نعمل فتنه ياجماعه ونطبطب وندادى؟؟؟؟؟؟؟؟؟؟؟؟؟؟ ربنا يهدى الجميع ويشيل الغمامه اللى على اعينهم وحسبنااااااااااااا الله هو نعم الوكيل

ياجماعة الكلام ده فعلا مظبوط وحتى لو كان مفيش غير جماعة واحده ومتشدده ( دا على اسوء افتراض) هي طبعا اولى بالحكم من اي حزب تاني حتى لو اللي فيه مسلمين هما مسلمين اه لكن مننساش ان تركيا مسلمه وتونس كانت مسلمة والوضع عندنا دلوقت اختلف وبقى الخيار بين اسلاميه او علمانية او لبراليه او شيوعية وبعدين هما الاسلاميين كخه دي ناس مابتتكلمش الا من خلال كتاب الله وسنة رسوله والا الكلام ده دلوقتي مبقاش يعجبنا ياريت نكون صادقين مع انفسنا الاسلام مش بس كلمه في البطاقه او انا بصلي يبقى خلاص لا في تبعات كتير قوي لكونك مسلم والا علشان مش على مزاجنا هنقول دول متشددين بجد والله مهما كانوا متشددين ميقدروش يأمروا بحاجة ربنا مأمرش بيها او ينهو عن حاجه ربنا منهاش عنها يعني لما يقفلو الخمارات نزعل لما التلفزيون يحترم نفسه شويه من العرايا اللي فيه نزعل لما نطبق حدود ربنا على المجرم نزعل بالعكس هو ده الحل لكل اللي احنا فيه النهارده وقال تعالى وما النصر الا من عند الله يبقى لو عاوزين نتفوق ويبقى لينا كلمه ومكانه وهيبة بين الدول مش هنقدر غير بنصر الله لينا طيب ربنا مبينصرناش ليه علشان ليها شرط اللي هو ان تنصرو الله ينصركم .. سهله اهه طب مننصر ربنا ونطيعه ونلزم حدوده اللي فرضها علينا لان ده لمصلحتنا زي مقال الشعراوي اللي صنع الغساله عملها كتالوج لازم اتبع تعليماته علشان احافظ عليها سليمة والا مازعلش لو استخدمتها على مزاجي وبعدين عطلت او اتدمرت كذلك ربنا خلق الانسان وارسل معاه كتالوجه اللي يحافظ عليه لو الانسان اتبع تعليمات ربه اكيد هيرتاح وهيتنصر ومحدش هيقدر عليه والا هتبقى الفوضى والضلال اللي احنا عايشين فيه وصدقونى كتير مننا مسلم لكن ميعرف حاجه عن الاسلام بيقول لا اله الا الله وميعرفش معناها لا اله الا الله وراها التزامات كتير يعني عرفت ان مفيش اله غير الله يبقى اعتمد عليه واتوكل عليه واطيعة واطلب منه بس كل اللي انا عايزه مش من حد تاني الموضوع طويل لاكن الخلاصه الايمان جميل والواحد لما يعرف فعلا ان ليه رب قادر على كل شيء ويحبه ويطيعه ويخلص في عبادته اكيد ربنا هيوفقه وينصره ومحدش يقدر عليه قال تعالى الا ان اولياء الله لا خوف عليهم ولاهم يحزنون .. مش احنا مسلمين وبنأمن بالقرءان يبقى سهله اهو ياريت نكون من اولياء الله وبكده منخافش ولا نحزظن ونتأكد ان محدش هيقدر علينا دا كلام ربنا واضح مفهوش هزار ياريت نلتزم ونقول اسلاميه وصدقوني انا م من المتشددين ولا انتمي لاي جماعة اسلاميه او غيرها واقسم على ذلك لكن فعلا الوضع دلوقتي يخوف لان المرحله حرجه ولو تهاونا مش بعيد يتحط دستور علماني او شيوعي ويقولق انفتاح بقى ونلاقي نفسنا ضيعنا الدين وساعتها لانلومن الا انفسنا ولا نجد بين ايدينا ما نرجو الله به ولا ننسى ان السيئة تعم لان هيبقى التقصير من الاغلبيه والا فالنخرج منها خشيه غضب الله على من ضيع دينه وعن رأي الشخصى لو حتى بقت مع المتشددين مع اني م شايف تشدد ولا حاجة هيبقى اهون من المنحرفين والتزام مشدد اهون من انحراف معتدل عذرا على الاطاله واتمنى من الله الهدى والتوفيق والدعاء لله يولي من يصلح ,,, شكرا

كلامى واضح و صريح
و لو قريته كويس حتلاقى ما فيش اختلاف بين اللى بقوله و اللى انت بتقوله
وانا لا اهاجم شريعه ولا اسلام كلنا مسلمين و يا ريت تطبق الشريعه
انا باهاجم فكر يستغل الشريعه لمطامع سياسيه
واضحه جدا بس فكر كويس
و بكره هم بنفسهم حيقولوا كلامى ده
لما ينضجوا سياسيا شويه و يشوفوا الحقيقه
رجال الدين لا تدخلوا خماره السياسه و خليكوا اطهار
رجال السياسه لا تلبسوا عمامه الدين و تنجسوها فهى اطهر منكم
و اللى عايز يمسك العصايه من النص و ماله مابقى داعيه اسلامى و سياسى يفكر كويس قوى قبل ما ياخد مثل هذه الخطوه لانه حيخسر فى السياسه و حيخسر دينه و نفسه

"دي ناس مابتتكلمش الا من خلال كتاب الله وسنة رسوله"
دي لو كانت تتكلم فعلا بالحاجات دي
لكن المصيبة ان كلامها حاجه ووراء الكواليس حاجه تانيه
اللي اعرفه الشرع تعلمناها من الازهر
مش من مدارس تانيه

للأسف في مصر الاحزاب السياسيه التي ترتدي عباءة الدين وتستغل كلام ربنا وشرعه هدفها السلطه ودخولهم الانتخابات سيكون لمره واحده فقط فليس عندنا الان عمر بن عبد العزيز وانما افكار القاعده وطلبان والوهابيه وتكميم أفواه وحبس للحريات وذلك ليس لتطبيق شرع الله ولكن للسيطره علي الحكم وهناك الأمثلة كثيره في المنطقه فهم يطبقون شرع الله ظاهريا فهم دول غنيه في حين ان هناك مسلمين في الصومال يموتون من الفقر وهي دول امنه في حين سمحوا لأمريكا ان تغزوا العراق من اراضيهم وغير ذلك الكثير ولاحول ولاقوه الا بالله

للأسف في مصر الاحزاب السياسيه التي ترتدي عباءة الدين وتستغل كلام ربنا وشرعه هدفها السلطه ودخولهم الانتخابات سيكون لمره واحده فقط فليس عندنا الان عمر بن عبد العزيز وانما افكار القاعده وطلبان والوهابيه وتكميم أفواه وحبس للحريات وذلك ليس لتطبيق شرع الله ولكن للسيطره علي الحكم وهناك الأمثلة كثيره في المنطقه فهم يطبقون شرع الله ظاهريا فهم دول غنيه في حين ان هناك مسلمين في الصومال يموتون من الفقر وهي دول امنه في حين سمحوا لأمريكا ان تغزوا العراق من اراضيهم وغير ذلك الكثير ولاحول ولاقوه الا بالله

عندك حق يا ديرا
و ازيدك من الشعر بيت
اللى بيموتوا من الجوع فى الصومال بيموتوا بسبب جماعات الشباب الاسلاميه اللى باسم الاسلام بتقتل و تغزو و بتجوع الناس و اكتر من كده بتهجم على اللى بيموتوا من الجوع و تسرق منهم المعونات اللى بتروح لهم علشان هم ياكلوا و يقتلوا خلق الله و الام اللى شايله ابنها الرضيع مش عارفه تعلم له ايه غير انها تساعده على الموت السريع علشان ما يتعذبش و هى عارفه انها حتحصله كمان كام يوم
هو الشرع و الاسلام بيقول كده؟
حكموا عقولكم يا شعب مضر احنا مش الصومال و لا افغانستان و لا باكستان و لا طالبان احنا شعب مصر
دوله الحضاره و العراقه اكبر بلد و اعرق بلد المحروسه بعون الله من كل الفتن
الدين لله و الوطن للجميع

يا استاذه بديعه الدين الاسلامى دين منهج وشريعه يعنى منه بنستمد شريعتنا وكل ما يخص حياتنا من احكام وفتاوى هنلاقيه فيه واعلم الناس بهذه الفتاوى والشريعه هم علماء وائمه وشيوخ المسلمين يعنى مش مغلط انهم يتكلموا فى السياسه بل هم احق واعلم الناس بها ولا تنسى الاهم وهم بشرا مثلنا يعيشون على هذه الارض ولهم فيها مثل ما لنا يعنى تجيبيها كده تجيلها كده بردو مستحيييييييييييل فصل الدين عن السياسه او العكس

ومين قالك يا استاذه بديعه ان الجماعات الاسلاميه هى اللى بتعمل كدا فى الشعب الصومالى؟؟؟؟؟؟؟؟؟؟؟؟؟؟؟ اثبتى لو سمحتى بالادله علشان نصدق واتقى الله فى كلامك واتهاماتك وكفايه مهاجمه بدون وجه حق للمسلمين ...هو انتى مش مسلمه ولا ايييييييييييه؟؟؟؟؟؟؟؟؟؟

يا اخى الزائر مصر اسلاميه و القوانين فيها مستمده من الشريعه الاسلاميه
و بعدين الاقباط قبل المسلمين مش عايزين خمارات فى البلد
الاقباط قبل المسلمين مش عايزين شذوذ و لا شواطىء عراه و لا اى حاجه غلط من دى
و مش محتاجين جماعه اسلاميه علشان نقفل الخمارات و الا نطهر البلد من اى حاجه غلط اخلاقيا
الاخلاقيات متفق عليها من مجتمع كامل بتربطه اخلاقيات و مبادىء واحده سواء كان مسلم او مسيحى

لكن اللى بينادوا بيه ابعد من كده الفن حرام و السياحه حرام و الست بره البيت حرام (و قرن فى بيوتكن) و الموكيت حرام و الستاير حرام و المسلم يحق له يغزو على الكافر (القبطى) و يأسر حريمه و اولاده و نقلبها مصرستان و الدم يبقى للركب
اتقوا الله فى مصر
و اتقوا الله فى الاسلام
و اتقوا الله فى الشريعه
و اتقوا الله فى خلق الله
ما فيش عندنا حزب دينى وسطى
مالناش مرجع فى الدين الا الازهر الشريف الوسطى المعتدل
و لانه فاهم فى الدين كويس مش حيقلب حزب سياسى

العيد فرحة يا سلام واجمل فرحة يا سلام

سعدنا بيها بيخليها ذكرى جميلة لبعد العيد

غنوا معايا غنوا

قولوا ورايا قولوا

كتر يا رب اعيادنا وكمان اجازتنا جانا العيد اهو جانا العيد

تطبيق الشريعه امر واجب وما حدش يلوم حد انه ما كان بتكلم ايام المخلوع ولا تعايرنى ولا عايرك ياللي الهم طيلنى وطايلك ياريت بس نتكلم مظبوط لا السلفيين ولا الاخوان الدين حكر عليهم انا معاك فى دى وممكن واحد عادي يكون افضل من واحد من السلفيين او الاخوان وكل المسلمين اخوان فى الاسلام كما قال سلفنا الصالح ووالله ان السلفيين او الاخوان فاهمين ان هما جماعه منفصلين عن الناس المسلمين فى معتقدهم فما يصحش يسموا نفسهم بالاسماء الطيبه هذه اما ان يتخذ العلمانيين ومن لا خلاق لهم فى الاخره المصطلحات للفزاعه انصحهم يتلمو لا ن والله سنة الله لا تتغير ولا تتبدل ولينصرن الله من ينصره كما قال الخطيب ودى ليست دعايه لشخص بعينه اللى سيأخذ تطبيق الشريعه على عتقه واجب من المسلمين انتخابه والله المسدد

العيد فرحة يا سلام واجمل فرحة يا سلام

سعدنا بيها بيخليها ذكرى جميلة لبعد العيد

غنوا معايا غنوا

قولوا ورايا قولوا

كتر يا رب اعيادنا وكمان اجازتنا جانا العيد اهو جانا العيد

كل سنة وانت طيب يا ريبيل
على رأيك حا اغنى معاك وامشى على كلامك


التعليق على الردود

ردود استفدت منها كتير و شكرا لكم جميعا

وشكر خاص لكرم صاحب الخبر ونقاشاته الرائعة

العفو جدتنا الغالية علي ردك, تسلمي يارب

-------------

ريبل: دمااااااااااااااااااااااغ بس برده لازم نعرف رأيك لما بتتكلم جد بيكون ازاي

-------------

بديعة: الخوف من فهم الدين الخاطئ هو مشكلة عندك وعندي انا كمان, لان لو واحد فاهم الدين بشكل خاطئ هيضيع الاسلام والمسلمين, واحنا برده متفقين علي ان استغلال الدين لتحقيق مكسب سياسي شئ مرفوض,

انما الخلاف القائم بيننا يكمن في كيفية التصنيف, يعني هل كل واحد مرشح نفسه او بيتكلم في السياسة من منظور ديني نعتبره بيستغل الدين ولا لا؟ اعتقد ان دي القضية, انا رأيي ان مش كل اللي بيتكلموا في الدين من ناحية السياسة بيكونوا عاوزين يستغلوه عشان السلطة, لكن رأيك ان كلهم كده لان المفروض نفصل الدين عن السياسة,

اعتقد اننا كده فصلنا المشكلة ووضحت وجهات النظر وشكرا علي النقاش الثري يا اخت بديعة, مش المهم مين الصح والغلط لكن المهم ان البلد دي توصل للصح باذن الله حتي لو كان كلامي انا غلط, شكرا ليكي

-----------------

اميرة87: التعبير عن وجهة نطرك يستحق التقدير, متفق معك في معظم ما قلتيه, شكرا علي ردودك

-----------------

الاخوة الزوار: اخشي من الفتن لان ضررها يلحق كل الطوائف المتصارعة, لا يوجد كاسب في الفتنة فكلنا خاسرون, يارب اعمل الصالح لمصر, وشكرا علي ردودكم في انتظاركم للتسجيل في المنتدي كاعضاء لعرض وجهات نظركم لنناقشها معا

----------------

ديرا: متفق مع كلامك ولكن ما يحدث في الصومال ليس بسبب الاسلاميين, لكن بسبب التخلف عموما, فالصوماليون شعب -للاسف- متخلف جدا, ونحن اقل من بنسبة قليلة في التخلف, وان استمرينا في تعليم اولادنا بالطرق الخاطئة فسيكبرون وهم يحملون افكار الطائفية والقبلية والعصبية والكرامة المكذوبة وب يتصارعون حول قوت يومهم كما يحدث في الصومال او في الغابة, العلم السليم يمكن ان يخرج الشعب من اعتي الصراعات كما اخرج الاوروبيين من العصور المظلمة التي تملكتهم بسبب الفهم الخاطئ للدين والدنيا, شكرا لردك

كل سنة وانتى طيبة يا جدة

كل سنة وانت طيب يا كرم باشا

بص يا عم كرم انا هوضحلك مثال بسيط اوى هتفهم منة انا رأيى اية

انا دلوقتى ماشى فى الشارع ولقيت طوبة كبيرة فى وسط الشارع روحت شايلها من الطريق هل اللى هيشوفنى هيقول اللى شال الطوبة دا مسلم ولا مسيحى ولا آثم ولا لا ولا هيقول الراجل دا عمل الصح ؟؟؟؟؟؟؟؟؟؟؟؟؟

كل سنة وانتى طيبة يا جدة

كل سنة وانت طيب يا كرم باشا

بص يا عم كرم انا هوضحلك مثال بسيط اوى هتفهم منة انا رأيى اية

انا دلوقتى ماشى فى الشارع ولقيت طوبة كبيرة فى وسط الشارع روحت شايلها من الطريق هل اللى هيشوفنى هيقول اللى شال الطوبة دا مسلم ولا مسيحى ولا آثم ولا لا ولا هيقول الراجل دا عمل الصح ؟؟؟؟؟؟؟؟؟؟؟؟؟

طبعا حيقول الراجل ده عمل عمل صح

يا سلام يا ريبيل على كلامك الموزون

انا فاهماك يا ريبل و معاك حتى و انت بتهزر فاهمه قصدك و بتسعدنى دايما تعليقاتك

اخى كرم ما فيش خلاف ان شاء الله و زى ما قلت الاختلاف فى الرأى لا يفسد للود قضيه و كلنا عايزين مصلحه مصر فى النهايه و كمان مصلحه الدين الاسلامى السمح اللى يحمل كل مكارم الاخلاق و من منطلق الغيره على الدين و الحرص على الحفاظ على قدسيته و مكارم اخلاقه بادعو و اناشد و اكرر

الى كل رجل دين شريف طاهر ان يحافظ على طهارته و قدسيته و لا يتوضى فى مجارى السياسه او يدخل خماره السياسه

و الى كل رجل سياسه خليك فى السياسه و لا ترتدى عمامه الدين فتنجسها

و كل اللى ماسك العصايه من النص بابشره انه لا يحطول بلح الشام و لا عنب اليمن و حيخسر فى السياسه و حيخسر دينه و حيخسر نفسه و حيخسر وطنيه و بلده

و باكرر شعار ثوره 52 اللى هتف به كل المصرين مسلمين و مسيحين و شيوخ ازهر و قسيسين و رهبان

الدين لله و الوطن للجميع

كلامك سليم جدا ياريبل, بس المشكلة هنا انهم بدل ما بيبصوا علي اللي شال الطوبة ويقولوا ده عمل الصح بيشوفوا مين اللي حط الطوبة ويعرفوا اذا كان مسلم ولا مسيحي,

بمعني تاني, ان اللي بيعمل الحاجة الكويسة بيتغاضوا عنه وبيدوروا عن اللي بيعمل الحاجة الوحشة عشان يتهموه هو وطائفته كلها بانهم وحشين,

تسلم ياريس علي الرد وربنا يهدي المصريين للخير

للاسف اتاخرت فى المشاركة معكم فى الراى ولكن الحمد لله انى لحقت اقول رايى_ بصراحة انا شايف ان البلد بقى بداخلها انقسامات وحالة تربص كل فئة او حزب للاخر وتسرع فى الحكم على كتير من القرارات بلا وعى او ثقافة لمصلحة البلد .... الحكم بالعاطفة والتفكير السطحى سيؤثر على الانتخابات القادمة لان اغلب الشعب الذى سينتخب لا يملك الوعى الكافى او المعرفة الكاملة لتحديد من يصلح للمرحلة القادمة ولذلك اعتقد ان المرحلة القادمة ستكون مرحلة تجربة وتعلم _ وربنا يسترها ويحفظ مصر وشرفاء مصر

للاسف اتاخرت فى المشاركة معكم فى الراى ولكن الحمد لله انى لحقت اقول رايى_ بصراحة انا شايف ان البلد بقى بداخلها انقسامات وحالة تربص كل فئة او حزب للاخر وتسرع فى الحكم على كتير من القرارات بلا وعى او ثقافة لمصلحة البلد .... الحكم بالعاطفة والتفكير السطحى سيؤثر على الانتخابات القادمة لان اغلب الشعب الذى سينتخب لا يملك الوعى الكافى او المعرفة الكاملة لتحديد من يصلح للمرحلة القادمة ولذلك اعتقد ان المرحلة القادمة ستكون مرحلة تجربة وتعلم _ وربنا يسترها ويحفظ مصر وشرفاء مصر

اعتقد ان المرحلة القادمة ستكون مرحلة تجربة وتعلم

أى نعم ابوسيف اصبت فى القول
فعلا نحن نمر بتجربة ولأول مرة نحن شعب مصر ولابد من التعثر فى البداية
وبعد ذلك سنتعلم
نحن الآن فى كى جى وان سياسة وديمقراطية
تحياتى لك ابو سيف

تمام يا ابا سيف, ردك في الجون بصراحة,

واعذروني فعلا لو قلت انا كل قلقي الفترة القادمة ناتج من قلة ثقتي في وعي المصريين (مش كلهم طبعا لكن زي مانت قلت معظمهم تفكيره سطحي للامور الا من رحم ربي)