نجوم مصرية
منتديات نجوم مصرية المنتدى العام أخبار مصرية



تابع نجوم مصرية على أخبار جوجل




عاجل : انتخاب رئيس الجمهورية الانتقالي و رئيس الحكومة الانتقالية يوم الجمعة 18 نوفمبر 2011 !!

 

استعدادات جمعة المطلب الواحد.. وتسليم السلطة يوم الجمعة 18 نوفمبر 2011 وانتخاب رئيسا للحكومة الانتقالية ورئيس انتقالي للجمهورية لتيسير امور البلاد ويعد المرشحين لتولي منصب رئيس الجمهورية هم اربعة مستشارين مرشحين لمنصب رئيس المحكمة الدستورية وهم محمود الخضيري وهشام البسطاويسي المرشح المحتمل للرئاسة و أشرف البارودي وزكريا عبدالعزيز على ان يتنافس 5 افراد اخرين على منصب رئيس الحكومة الانتقالية كلهم من مرشحي الرئاسة وهم : حازم صلاح أبو إسماعيل ومحمد سليم العوا وعبدالمنعم أبوالفتوح وحمدين صباحي ومحمد البرادعي على ان يتولى الفائز في الانتخابات مهمة تشكيل حكومة جديدة وتعيين وزراء جدد خلال 7 ايام فقط .






جاء هذا حسب تصريحات لائتلاف شباب الثورة والذي اكد انعقاد الانتخابات في ميدان التحرير يوم الجمعة على ان ينتهي التصويت الساعة السادسة ومن ثم يتم الفرز امام الشعب ومن الشعب لضمان النزاهة والشفافية .


تابع نجوم مصرية على أخبار جوجل



واكد المرشح المحتمل لرئاسة الجمهورية حازم ابو اسماعيل ان يوم 18 نوفمير هو يوم العزة و الكرامة وانه لابديل عن النزول في هذا اليوم مشددا على انه لابد من وضع تاريخ انتقالي للسلطة بحيث لايتخطى 30 ابريل القادم داعيا جميع الطوائف السياسية للمشاركة والخروج من المساجد والكنائس من اجل هذا اليوم

وقد اكد العديد من القوى السياسية مشاركتهم في هذا اليوم وهم : جماعة الاخوان المسلمين والجماعة الاسلامية والتحالف الديمقراطي وأحزاب النور والأصالة والبناء والتنمية و الغد والجماعات السلفية

بيتما اعلنت الكتلة المصرية عن عدم مشاركتها في هذه المسيرة وتضم الكتلة المصرية احزاب مثل : أحزاب المصريين الأحرار والمصري الديمقراطي والتجمع والناصري والتحرير الصوفي والجمعية الوطنية للتغيير والتحالف الشعبي الاشتراكي والتحالف الاشتراكي المصري









المقال "عاجل : انتخاب رئيس الجمهورية الانتقالي و رئيس الحكومة الانتقالية يوم الجمعة 18 نوفمبر 2011 !!" نشر بواسطة: بتاريخ:
ahmedalmasry

من لا يملك اعطى لمن لا يستحق ؟

من اعطى لكم الحق فى ان تتسلموا السلطه و من ولاكم على الشعب

الشعب خلع المخلوع فالمخلوع الان ليس له الحق فى ان يصدر قرارات

لانه ليست له شرعيه


من اعطى لكم الحق ان تتسلموا السلط فى مصر

من اعطى لكم الحق فى ان تتدخلوا فيما بيننا

و لذلك من لا يملك اعطى لمن لا يستحق

الم يكون ما حدثا فى مصر ثورة

و تعهد الجيش ان يكون وكيلا على الثورة

اذا المخلوع لا يملك اعطاء السلطه لاحد و المجلس قام بدور وكيلا للثورة

اذا الشعب هو قائد الثورة و هو يقوم المفروض بتنفيذ اوامر الثورة

أليس المجلس الاعلى لتصفيت

أليس المحكمات هى دحك على الدقون

أليس المجلس العسكرى سيبقا حاكما على مصر سواء فوق الطاوله ام تحتها


عمليت دفن الثورة

لم يقم المجلس العسكرى فى كنس النظام القديم

الا تحت ضغط شعبى بمليونيات فى ميدان التحرير

و هذا المجلس يعتبر الثورة عمليت نهب و كيف نستعيد القوه التى نهبت منهم


و هو يعمل كمجلس قيادة الثورة المضاده

و من ساعة سقوط الامن فى جمعة الغضب كان يعمل لتكفير الثورة يقف متفرجا لا يفعل شئ

و كان ينشر الفزع فى كل مكان فى مصر حتى يطالب الشعب بالانقلاب على الثورة

و لم ينجح

حتى موقعت الجمل و انا شاهدتها بعينى الجمال تدخل بين الدبابات يا حامى الثورة

و انا قلتها بعلوا حسى الجمال غلبت الدبابات

و هناك كانت توجد قناصه فوق المتحف المصرى و لما جائت الجمال كان يشاور لها بالدخول

و هناك فديوهات بذلك

فقرر السطو على الثورة علشان يقدر يكون حامى للنظام القديم و حتى لا ينكشف القناع

الزائف للحكم

و المحاكمه التى ضغط الثوار على المجلس لكى يحاكم المخلوع

بعد ما الثوار قعدوا فى ميدان التحرير ثلاثة اسابيع فى الشارع يطالبوا بمحاكمة المخلوع

فأخذ بالامر ان يقرر اقامة محاكمه هزليه و تمثليه سخيفه على الثوار و على الشعب


و هناك بلطجيه تعرفوهم بالاسم و لا تقبضوا عليهم

و اكثر من 12 الف يحاكمون محاكمات عسكرية و الاغلبيه العظمى من الثوار

اذا هم لم يعترفوا بالثورة لانهم يعتقلوا الثوار

و السطو المسلح على القنوات الفضائيه هو هو مثل النظام القديم

ونحن كلنا شاهدنا قوات كثير حدثت معها هذا

و ايضا مصادرة الصحافة و اغلاق الصحف

فكل هذا ليس بأن النظام القديم يملك زمام الامور و يتحكم فى السلطه

حتى الان و لاكن فى ثوب جديد ثوب المجلس العسكرى

و انه ليس بجديد فهو يؤدى عمل النظام القديم على اكمل وجه

و لذلك المجلس فشل فشل زريع فى ادارة شؤن البلاد

لانه يحمى النظام القديم لا يحمى الثورة

و نحن من قام بالثورة و هناك رجال كثيرين

يقدرون على تحمل مسؤلية ادارة شؤن البلاد فمصر ولاده و بها رجال

بسم الله الرحمن الرحيم

{مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا

تَبْدِيلاً }الأحزاب23

صدق الله العظيم



و عاشة الثورة المصريه و الثورات العربية المجيده حره ابيه من البحر الى البحر و من الصحره الى

الصحره

و عاشة مصر حره مستقله

و الله اكبر و الله اكبر و ليخسأ الخاسؤن



نونا الجميلة
وكأنك تتكلم بلسانى

اوافقك تماما فى كل كلمة قلتها

اللهم احمى مصر وثورتها من الغاصبين
عبد الرحمن 2011

الواحد بجد احتار واتلخبط ومش عارف يعلق يقول ايه
بس بصرف النظر عن اي شئ انا بصراحه خايف من الجمعة دي ومع انني متفائل خير بالشيخ حازم الا انني اراه متشدد جدا في على العسكر وفيها اخوان وسلفيين وهتكون جمعة مش سهله .
يا رب تكون جمعة سلميه وايجابيه لكي يا مصر وخاليه من اي فتن وبلطجه .

ღprincêŝŝ ϻѻϻѻღ
سبحان الله بجد يعني انا من ساعت ما ثوره خلصت
وانا حسه بكده ان رئيس مصر حسني مبارك قاعد دلوقتي
مفيش تغيرات حصلت !!!!!!!!!
حسبي الله ونعم الوكيل
دم الشهداء راح كده والثوره الي حصلت دي ولا كئنها حصلت
مفيش ضمير ولا اخلاص ومبدئ
يارب تقوم ثوره حق وثوره لمسح الفاسد والمنحط
الاعلام شغال يلمع في ناس حقوده وفاسده
ربنا يرحمنا وينصر الشعب المصري المسكين علي الفساد والطاغي
يارب كل الشعب ينزل الثوره دي وبارك في الشعب المصري الكريم
Dera
يجب ان ترجع ذمام الامور الي الشعب فهو صاحب الثوره والمجلس العسكري رأيه استشاري والمفروض كان يكون في مجلس رئاسي منتخب يدير المرحله الانتقاليه بدل الاستفتاء المهزله
omar19-3
..
********** ربنا يجعله خير ************
%u0632%u0627%u0626%u0631
ابدا لن نسلمها للعملاء والخونة ومش هيحكنا واحد من الشارع
ابوأياد
كل شىء فى مصر الان فى يد المجلس العسكرى
وهو نفسه الذى تخاذل عننا وعن ثورتنا بأعاده نفس نظام حكم المخلوع
هل قمنا بهذه الثوره لكى يتم حبس المخلوع وحاشيته (هذا اذا كانوا محبوسين اصلا)
الثوره قامت لتغيير شامل لهذا النظام وجاء المجلس العسكرى ليقف حائلا اما هذا المطلب
واعتقد انه حان الوقت لتحقيق احلامنا بأيدينا ولا ننتظر شىء من اى سلطه او اى شخص خذلنا عده مرات
وان شاء الله تكون جمعه مباركه وفاصله فى مستقبلنا جميعا
%u0632%u0627%u0626%u0631
لايمكن للمجلس العسكري ان يسارع في ذلك الا اذا كان هناك امر خطير الهم احفظ بلدنا الحبيبة مصر من كل سوء ومن كيد كائد ومن بطش عدو ظالم برحمتك امنحها الامن والسلام يا ارحم الراحمين
بديعه أحمد على
الاول حرموا الثوره و قالوا انها خروج عن الحاكم
بعدين بقت الثوره حلال و هم اللى عملوها و هم اللى حموها و هم اللى كلوها و هم اللى ركبوها
بعدين عايزين يستعجلوا الانتخابات البرلمانيه و لو المجلس اجلها هددوا بتقديم شهداء و توليع البلد
بعدين قالوا خلوا بقى مطالب الثوره دى على جنب كده مش مهم دلوقت و خلوها مطلب واحد
و هو سلمونا السلطه قبل ما الناس تكشفنا اكتر من كده و الفلوس اللى دفعناها و اللحمه اللى اتفرقت تروح على الفاضى
ياله يا شعب مصر الجميل فى نفس واحد قولوا ورايا
ولعوا فى المجلس و الجيش و سلموا السلطه لحازم صلاح
ليه حازم صلاح يا حلوين؟
اهو منه اخوان طول عمره و منه سلفى و منه مدنى
طب و الثوره؟
ثوره ايه يا راجل طفحناهم المطالب و بقت مطلب واحد
طب و بقيت الاحزاب و القوى السياسيه اللى مش موافقه على كده؟
فى داهيه الاحزاب و الشعب احنا حنقدم شهداء و نحكم مصرستان
زيزو الاسكندرانى
الاول حرموا الثوره و قالوا انها خروج عن الحاكم
بعدين بقت الثوره حلال و هم اللى عملوها و هم اللى حموها و هم اللى كلوها و هم اللى ركبوها
بعدين عايزين يستعجلوا الانتخابات البرلمانيه و لو المجلس اجلها هددوا بتقديم شهداء و توليع البلد
بعدين قالوا خلوا بقى مطالب الثوره دى على جنب كده مش مهم دلوقت و خلوها مطلب واحد
و هو سلمونا السلطه قبل ما الناس تكشفنا اكتر من كده و الفلوس اللى دفعناها و اللحمه اللى اتفرقت تروح على الفاضى
ياله يا شعب مصر الجميل فى نفس واحد قولوا ورايا
ولعوا فى المجلس و الجيش و سلموا السلطه لحازم صلاح
ليه حازم صلاح يا حلوين؟
اهو منه اخوان طول عمره و منه سلفى و منه مدنى
طب و الثوره؟
ثوره ايه يا راجل طفحناهم المطالب و بقت مطلب واحد
طب و بقيت الاحزاب و القوى السياسيه اللى مش موافقه على كده؟
فى داهيه الاحزاب و الشعب احنا حنقدم شهداء و نحكم مصرستان
فى منتهى الصراحه لا اجد تعليق يتناسب مع هذا الخبر اكثر مما كتب بمعرفة الاخت الفاضله بديعه فقد كتبت فاوجزت كل ما يدور الان فى وجدان الشعب الغلبان . رحم الله الثوره والثوريين وكله يهبش يا جدعان
om masreya
الاول حرموا الثوره و قالوا انها خروج عن الحاكم

تعميم في غير محله .. من العلماء كثير شجع على النزول و الاعتصام
حتى الإخوان تركوا الحرية لمن يريد المشاركة و كلنا يعلم ما الذي كان سيحدث ان اعلنوا تبنيهم لها

http://www.youtube.com/watch?v=avh_t...layer_embedded
مرفوع 23 يناير

بعدين بقت الثوره حلال و هم اللى عملوها و هم اللى حموها و هم اللى كلوها و هم اللى ركبوها
بعدين عايزين يستعجلوا الانتخابات البرلمانيه و لو المجلس اجلها هددوا بتقديم شهداء و توليع البلد
بعدين قالوا خلوا بقى مطالب الثوره دى على جنب كده مش مهم دلوقت و خلوها مطلب واحد
و هو سلمونا السلطه

أليس هذا اهم مطلب؟؟؟؟؟؟؟؟؟
هل يعقل ان نظل نطالب سلطة انتقالية غير منتخبة بتنفيذ مطالب الثورة؟؟؟؟؟؟؟
خاصة و هي مؤسسة محافظة لا يمكن ان تكون ثورية
بل و انها ليست جهة حكم بل مفترض ان تلتزم بتوجيهات الرئيس و البرلمان المنتخبين


قبل ما الناس تكشفنا اكتر من كده و الفلوس اللى دفعناها و اللحمه اللى اتفرقت تروح على الفاضى

بالمناسبة .. اللحمة ما اتوزعتش بالمجان "رغم ان عمل لخير مش غلط" .. تم توزيعها بسعر التكلفة
ياله يا شعب مصر الجميل فى نفس واحد قولوا ورايا
ولعوا فى المجلس و الجيش و سلموا السلطه لحازم صلاح

الخبر نفسه قال امنتخابات بين العوا و حازم و حمدين و ابو الفتوح

و بالمناسبة .. هذه الدعوة لم يتم التأكد منها و قرات ان لا احد يعرف مصدرها و ليس عليها اتفاق

ليه حازم صلاح يا حلوين؟
اهو منه اخوان طول عمره و منه سلفى و منه مدنى
طب و الثوره؟
ثوره ايه يا راجل طفحناهم المطالب و بقت مطلب واحد
طب و بقيت الاحزاب و القوى السياسيه اللى مش موافقه على كده؟
فى داهيه الاحزاب و الشعب احنا حنقدم شهداء و نحكم مصرستان
فقط قليل من الإنصاف
و لا داعي للتفتيش في النوايا
REBEL
الجمعية الوطنية للتغيير مش نازلة

طيب لية يا برادعى

حد عارف لية ؟؟؟؟؟؟؟؟؟؟؟؟؟؟؟؟؟؟
Nile Son
انا مش عارف ياريبيل

والله

كلامكم ف الجووووووووووووووون
بنت المنوفية

كلامك سليم احمد المصرى ومعاك تماما

وعايزة اعرف حاجة يعنى الكلام ده بموافقه المجاس العسكرى ولا الجماعة دولا من نفسهم قرروا يعملوا الليله دى

غير كده مصر 85 مليون وقليل جدا اللى هيحضر الكلام ده واللى من المحافظات التانيه مش هيحضروا بردو غير قليل

اللى متأكده منه ان الاسلاميين من كل مكان هيتجمعوا لانهم احسن تخطيط حاليا واللى هيختاروة سواء الشيخ حازم او العوا او ابو الفتوح هيكسبوا

والباقى ابقى قابلنى الانتخابات دى قليل اللى هينتخب فيها وباقى الشعب فى البيت

اللى مرعوبه منه اللى هيكسب مش هيعجب الخسران وربنا يستر ومتولعش

ناس ماشيه من دماغها واللى عايزينه هياخدوه بالقوة

شكرا ع الموضوع وربنا يحمى مصر
Nile Son
اقتبس كلمة بنت المنوفية ربنا يحميكي يامصر
%u0632%u0627%u0626%u0631
ما حصل في مصر بالاجماع هو انقلاب عسكري للخلافات المعروفة للجميع
والجيش سرق الثورة وانا لله وانا اليه راجعون
اين الستة اشهر
واين سوزان وطنطاوي وغيرهم كلهم بيضحكوا علينا
بديعه أحمد على
أختى الفاضله ام مصريه
لم تفهمى ما وراء كلامى و لكن الاخ زيزو الاسكندرانى فهمنى
انا اتكلم عن صوره شامله لسيناريو بدون تحديد اشخاص و لكن رموز و اسماء
الاصل فى الموضوع شعب مصر ثار كله مش فئه واحده علشان تحتكر الثوره و تقفز عليها و تعزل باقى الاحزاب (تسعين حزب فى مصر) و اللى طالعين فى الجمعه دى بس الاحزاب الدينيه (ده فى حد ذاته ما يخلكيش تفكرى و تسألى نفسك ليه؟ و فى ايه؟) من ضمن جمل الماده التاسعه المرفوضه و المعترض عليها انه لا يحق لاى حزب او فئه التسلح .. و الاخوان عندهم جناح عسكرى ما حدش عايز يجيب سيرته لدلوقت تحبى نستنى لما نبقى زى لبنان و ندور على اللى ينزع سلاح الاخوان؟

المجلس العسكرى و الشعب بصراحه كله متوجس من الحروب اللى بتحصل بين الاحزاب و التيارات المختلفه و الشعب متوجس من المجلس العسكرى و الخوف من انه يمسك السلطه

هو احنا دايما لازم نختار بين كاسين احلا ما فيهم مر؟ يا حسنى مبارك يا حكم عسكر يا حكم متشدد و متعصب يقصى غيره لمصالحه و مطامعه السياسيه؟

كتير علينا يحكمنا واحد منا؟ مسلم مسامح مسالم سياسى دبلوماسى عالم فاهم يحتوى الجميع و لا يقصى احدا؟
كتير علينا عيش حريه و عداله اجتماعيه
يعنى ايه تقصى متطلبات الثوره لانها مش مهمه و المهم ان واحد منهم يمسك دلوقتى بسرعه حالا؟؟؟؟ ليه؟؟؟؟
ده احنا مصر و شعب مصر
نستاهل دايما الاحسن و الافضل
و لن نرضى ان الافضل بديلا
و ان شاء الله ربنا ينصر الثوره و شعب مصر



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
من هو غسان هيتو رئيس الحكومة الانتقالية السورية مارس 2013
استغاثة للسيد رئيس الجمهورية و رئيس الحكومة
اللواء ممدوح شاهين : اصدرنا قانون انتخاب رئيس الجمهورية قبل مجلس الشعب + تفاصيل قانون انتخاب الرئاسة

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية