في تطور لاحداث محاولات قوات الشرطة فض اعتصام ميدان التحرير اليوم, وصل عدد المصابين من الجانبين الشرطة والمتظاهرين الي ما يفوق 450 مصاب ومازالت الاعداد في قابلية للتزايد,

مصر الان تشهد وقتا عصيبا يرجعنا الي وقت اندلاع الثورة حيث يقوم المتظاهرون برشق قوات الامن بالحجارة وترد عليهم قوات الامن المركزي بالقنابل المسيلة للدموع في محاولة لتفريق المعتصمين, وقد حاول المعتصمون الذهاب الي مقر وزارة الداخلية للهجوم عليها ولكن تم منعهم بالقوة,

في الوقت نفسه شدد مساعد اول وزير الداخلي اللواء سامي سيدهم علي انه سيتم معاقبة كل خارج عن القانون, حيث ان الغرض الاول لمثيري الشغب هو اظهار ان قوات الامن غير قادرة علي الحفاظ علي الناخبين في الانتخابات القادمة وهذا غير صحيح وسيتم الضربة بيد من حديد علي كل مثير للشغب علي حد قوله.

-------------

ملحوظة: نظرا لتزايد اعداد المصابين لحظيا فيرجي متابعة الردود للوقوف علي اخر الاخبار وادق الاحصائيات

الاعداد وصلت الان الي 676 مصابا

الحكومه مش عايزه تلايمها مع الشعب وهتخلي الشعب يثور ثاني وربنا يستر

اقسم بالله واقر واعترف ابشع انظمه في العالم هي الانظمه والحكومات العربيه

نفسي اعرف بقي لنا حوالي عشرة اشهر والحكومه والمجلس قاعدين عملوا ايه بوجودهم الدنيا تذيد سوء لا حققوا بعض المطالب المهمه للثوار ولا ريحوا الشعب بل نيلوا الدنيا بالدستور الخربان ودخول الفلول في الانتخابات

الاعداد في تزايد مستمر ووصلت الان الي 676 مصابا منهم عدد من المجندين

يارب سلم

عدد الجنود المصابين تجاوز ال40 جندي حتي الان

وعدد المتظاهرين في الميدان يتجاوز المائة ألف علي حد قل الشهود العيان

استفدنا ايه من النزول مانسيب كل حاجة تمشى والامور تاخد وقتها كفاينا خسارة فى الارواح والمال العام اللى اصلا عايزين نعاقب مبارك ونظامه عليه