هذا و قد سقط العشرات من المتظاهرين فى حالات إغماء وقامت مجموعات شبابية بحملهم إلى المستشفيات الميدانية في حين تدافع ألاف آخرون الى خارج ميدان التحرير هربا من رائحة الغاز
|
فى مداخلة هاتفية على قناة النيل للأخبار أكد الدكتور ياسر حلمى من مستشفى الميدانى فى ميدان التحرير أن قوات الأمن تستخدم غاز أر سي المحرم دوليا فى ضرب المتظاهرين وأكد الطبيب أن هذا الغاز يقوم بالتأثير على الجهاز التنفسى وعلى عضلات العين والوجه ويؤدى إلى تشنجات عضلية وقد أكد الطبيب أن المتظاهرين والأطباء فى ميدان التحرير يتعرضون بذلك لإبادة جماعية بإستخدام غازات كيماوية محرمة دوليا
هذا و قد سقط العشرات من المتظاهرين فى حالات إغماء وقامت مجموعات شبابية بحملهم إلى المستشفيات الميدانية في حين تدافع ألاف آخرون الى خارج ميدان التحرير هربا من رائحة الغاز |
|
شكرا لك على الخبر....................
|
|
طيب مايروح كل واحد بيته ابرك ليه ولينا ونشوف اخرتها ايه الانتخابات خلاص خلونا نشم نفسنا والبلد يتصلح حالها
|
|
يعني الموضوع كده اكيد يعني الشرطه بتستخدم غاز كيماوي .. واضح ان العمليه هتتصعد وتنقلب علي رأس الشرطه والداخليه ان شاء الله وطبعا اكيد اوامر من المشير هم متصورين ان بهذا الشكل هيلموا الموضوع هينقلب للعكس لان هذا يذيد
من غضب الثوار وجميع افراد الشعب والكل هيقوم علي الحكومه والمجلس والداخليه والشرطه وربنا يستر في هذه اللحظه لان العنف لا يقابله الا عنف |
|
ولو افتكر المشير موقف الشعب بعد الخطاب الاخير لمبارك للشعب لما لغي عملية التنحي الكل ذهب الي قصر القبه
ربنا يستر ويجبها للبر المشير مع الشعب هو صحيح هو عسكري بس مش امام الشعب |
|
ربنا يقضي علي المجلس العسكري مثل ما بيقضي علي ثروة بلدنا وهم الشباب اللي هيحموا من عدوه بعد كده
|
|
انا لازلت عند رايى
لو كان المشير يعلم فتلك مصيبة ولو كان لا يعلم فالمصيبة اكبر وفى كلا الحالتين تسليم السلطة احسن لانة سيواجة بتهمة قتل المتظاهرين عقب تنحية مباشرة |
|
ياشباب الداخليه مش هتبطل ضرب طالما شايفه فين ناس ادامهافالشارع ده خوفا منهم
وكذلك الى فالتحرير خايفه من الداخليه تيجى تضرب الى فالنص بينهم بيولع الدنيا هما الدول المشكله الحل الجيش يحط اسلاك شائكه على اول محمد محمود واللجان بتاعه الميدان تمنع اى حد يتسرب من الحوار ده وهكذا كل الطرق المؤديه الى يبقى فالوسط يتمك ويطلع عينه والداخليه تقف على مسافه وادامها اسلاك ايضا والجيش فالنص |
|
المجلس العسكري لابد من سرعة انتقال السلطه لمجلس وطني انتم هدمروا الدنيا والبلد بسكوتكم مستني ايه يا مشير لما الناس تطلع كلها من بيوتها في التحرير ايه حكايتكم يا عسكر هي امريكا ولا اسرائيل مهدداكوا بشيء
اتقوا الله في مصر هتروحوا من ربنا فين المشير بيمشي باسلوب مبارك الخائن كما لو كان هو ولو مش حاسس الشعب حاسس بكل تصرفاته عيب عليكم انتم ستدمرون سمعة الجيش العريق |
|
واضح ان المجلس لا يدري بما يسبب من دمار واضح انه في غيبوبه هو ومن حوله الله يخربيت ابو الكرسي اللي هيدمر الدنيا
|
|
للمجلس ارحم البلد واعمل مجلس وطني واشرف عليه متوديش البلد في داهيه
|
|
الله يأخذك يا مبارك انتي السبب وحزبك القذر والعادلي اللي معندوش ذره من العدل انتم السبب لما وصلت اليه البلاد من فساد ونفاق وتدهور
|
|
شكرررررررراااااااااا استاذ على الخبر
|
|
لما المشير يبقي الكبير....لما شرف يبقي الأمير......
بأمارة اية فية تغيير لما الشيطان يبقي الضمير.....لما الفلول ترجع تدير.....لما الفقير يفضل فقير... بأمارة اية فية تغيير لما الكبار ياخدوا الفلوس....لما البوليس يرجع يدوس...لما عكاشة يرجع يبوس... ... بأمارة اية فية تغيير لما المحامي يبقي ديب.......لما القانون يفضل بغيب.....لما الجروح ترفض تطيب ...... بأمارة اية فية تغيير لما الطريق يبقى ضباب....لما اللأمل يبقى سراب......لما الحمل تكله الذئاب.... بأمارة اية فية تغيير لما الكنايس تتحرق......لما كلامى يتخنق....لما الأمانى تتسرق...... بأمارة اية فية تغيير لما الفتن تبدأ تشيع....لما السفيه يرجع يذيع.....وإحنا وراه زى القطيع.... بأمارة اية فية تغيير لما القانون يبقى كفيف....لما الشيطان يبقى حليف...لما جمال يبقى شريف..... بأمارة اية فية تغيير |
|
انا انهارده استنشقت غاز يكفى عمل اكبر 10 مصانع كيماويات فى الشرق الاوسط
|
|
بجد الامور متلخبطة والوضع بقا مقرف ومفزع واليوم اعتقد ان الكلمة المناسبة
البقاء لله مصر توفت اليوم والعزاء قى فى ميدان التحرير سابقا اعتقد الان كثيرون قد يموتوا فرحا لقتل مصر والاسف اغلبية الشعب واقف يتفرج ويتحسر على مصر بجد انا اليوم ابكى بشدة ولا اعلم هل تجف الدموع فينتهى الم الفراق اما ماذا يحدث لى حبيبتى يامصر حبيبتى يامصر حبيبتى يامصر حبيبتى يامصر حبيبتى يامصر |
|
العسكر لن يسلم السلطه للمدنيين فهم يمسكون بمفاصل الدوله وهم فى مواقع حساسه كتير وهذه مكتسبات ٥٢ فكيف يقدموا ذلك للمدنيين ده غير الفساد
|
|
العادلى لسة فى الداخلية ومبارك لسة فى الحكم ولكن المرة دى الدايرة اتسعت واللى هيتشال مش رؤوس ولكن نظام بأكملة
النهااااااااااااااااااااااااااية قربت خالص لمبارك ومجلسة واعوانة والبلد هتنضف اخيرا الثورة الحقيقية ابتدت وكلنا معاها |