قصيدة " مكملين " للشاعر هشام الجخ شاعر الهويس قصيدة رائعة جدا

كلمات القصيدة

للى مش فاهمين نقول .. للى مش فاهمين نزولنا .. للى معاشوش ظلمنا ولا قهرنا وحسوش نزول
للى مداقوش مر جوعنا .. اللى ماناموش فى الشوارع كالدبايح
كملوا بالليل عشاهم بالصفايح ..
للى مش فاهمين مهانة الرجال
قهر الرجال ..
للى بيقولوا علينا حبة عيال ..
احنــا مش حبة عيال.
للى مش فاهمين نزولنا .. للى معاشوش ظلمنا ولا قهرنا وحسوش نزول
للى مداقوش مر جوعنا .. اللى ماناموش فى الشوارع كالدبايح
كملوا بالليل عشاهم بالصفايح ..
للى مش فاهمين مهانة الرجال
قهر الرجال ..
للى بيقولوا علينا اننـا حبة عيال ..
احنــا مش حبة عيال.
احنا شوفنا النيل بينشف فى البيوت
واما يجرى …
يتفرش حمام سباحة فى قصر باشا
مستكترين فيا الغضب ..
مانا كنت غرقان فى البشاشه
كنت راضى ببوق مايه واقول دى هنا
كنت ببكى فى القصايد ..
كنت بشتم فى القصايد..
تتقطع ايدى اما قولت حبيبتى ماتت
للى مش فهمين نزولنا فى الشوارع ..
احنا بندور على الحلم اللى ضايع ..
احنا جرينا النفق فى عروق عيالنــا
يكبروا فاهمين حاجات مافهمنهاش..
ا انى اعيش عشان حلم وقضيه
بس ماشى انى عمرى يضيع بلاش
مااحنا سيبنلكوا البلد مانصفتوهاش
ماتلوموش على اللى اتعجبن فى المعجنه واللى اتظلم
واذا كنتوا فاكرينا غنمـ .. على حظكم أنا جِدْى فاق
فاكرين زمان حذرتكم
مستنى ايه من طفل رَبُّوه بالزعاق
لَذَا كنتوا فاكرينا غنم
على رزقكم أنا جِدْى فاق
أرزاق..
للى مش فاهمين نزولنا فى الشورع ..
لحكومة عودتنا على الشوارع
بيتتنا فى الشوارع
نيمتنا فى الشوارع
الحكومة قفلت على نفسها كل البيبان
خوفتنا من البيبان ..
فاترمينا كلنا فى حضن الشوارع
اكتر مكان لقيناه امان ..
للى خايفين على البلد لحسن تموت
ماتخافووووش
الموت سكوت ..
واحنا مش فى الخطه اصلا ان بكرة يكون سكوت ..
احنا شايلين حملنا ومكملين ..
بكرة بيشاور علينا واحنا مش مستعجلين
مااحنا لينا كام سنه متكتفين
صابحين فى طين .. نايمين فى طين
احنا بنأسس بلد تسمع شكاوى المظلومين
نشتغل نلقى عرقنا لينا
مش فى جيب النصابين
نشتكى نلقى اللى يسمع شكوة الناس الغلابه الطيبين
احنا بنشكل بلد لاهى خايفة من صوت الاذان ولا خايفة من ان الكنائس تتبنى
احنا بنشكل وطن عافيان غنى
مش وطن يخدم 15 نفر ويبات جعان
احنا مش عاوزين وطن مزلول مهان
“المصرى مش لايقة عليه كلمة مهان”
يقولك احنا عملنا فوضى
احنا بردوا عملنا فوضى !!
احنا كنا بنتجلد ونعيش ونرضى
واحنا كنا بنتسرق ونعيش ونرضى
كانت الاسعار بتغلى وكنت برضى
والشرطة بتفتشنى عااادى
فى اى وقت فى اى حته وبدون مناسبة
وكنت برضى
والانتخاب من سن كام لسن كام “معرفشى ليه”
وكنت برضى
جاى انهردة تقولى احنا عملنا فوضى
ماسورة الغاز بتقفلها لصعيد بلدك وتل ابيب بتفتحها
مسورة الغاز بتقفلها على ولادك وللاعداء بتفتحها
وناس شقيانه طول الليل عشان لقمه ..
وغالى ياخدها على الجاهز .. اللهى يارب يطفحهــا
وناس تسكن قصور بتدور .. وناس الجوع بيدبحها
وناس بتموت فى الميادين فدى الثوره …
وناس خايفة على مشاعره لنجرحهاااا
ياخى …
“هو مش قال بس طبعا كلنا بنحب احمد مكى وفاهمين ”
احنا هانكمل وهانزق البيبان
يارب انت المستعان
واللى بيقولوا علينا مغيبين ومسطحين ومجوفين وبوابين ومعفنين ومنتنين وبلطيه وماجورين
خليهم براحتهم .. احنا بردوا مؤدبين
ومسالمين

بس احنا بردوا “مكملين”

اناا ميعجبنيش فى الوادة الا طريقة القاءوة للشعر

وغير كدة مبينزليش من زور ................. زى العادة الجخ اتشهر على قفا الثورة كدة ولاكنا نعرفة

في شعرا كثير يستاهلو اكثر منة بس هنقول اية
على راى المثل بتاعى : "بتيجى مع الهبل دوبل "

هل هذا شعرا أم أنه خواطر لا أظنه شعرا لانه لايستخدم أي بحر من بحور الشعر كما أنه لايهتم بالوزن أو القافية والله أعلم

الله عليك يا هشام الله عليك
دايما جاى على الوجع
كلامك من القلب للقلب
يا ريت الناس تفهم و توعى و تفتح عيونها
و مصر ان شاء الله منصوره بثورتها
مكملين يا هشام مكملين

والله هو قصيدة جميلة وحلوة ولكن اخرها ثورة 25 لكن بعد كده المفروض ملهاش لازمه مكطمليين ايه مكملين فوضى وبلطجة وسرقة وقلة قدب احكم انته يا صعيدى وقلى الى ملهوش كبير او اب يحميه حتى لو كان اب قاسى عليه بيقدر يعيش او يحس انه موجود فى امان

اولا هشام الجخ مش واد وبعدين انا عاوز ارد على الاخ ده لان هشام الجخ اجمد شاعر فى بلدك حاليا برغم انى مش معاه فى القصيده دى ... ميدو السعدى

هشام بيقول احلى كلم من الثوره بزمان بس احنا مفهمناش كلمه ال بعد الثوره
ابو مازن
من عشاق هشام الجخ

الله عليك يا هشام يا جخ الله


واحنا معاك ومكملين ثورتنا الي النور

القصيده ىحلوه بس لحد اخر 25 يناير بس دلؤتى انا مش معاه الاول كنت معاك اسقاط نظام لكن دلؤتى انتوا بتعملوا اسقاط دوله بجد ده اسقاط دوله باكملها كفايه بكى على القهر والظلم خلينا نعمل لبكره
بدل مانبقى عراق تانى ارحمونا بقى حافظوا على الباقى من مصر الله يهديكم بقى
ارحموووووووووووووووووووووووووووووونا وارحموا مصر وارحموا العمال والفلاحين والبسطاء من الشعب اللى بيحلموا بالامان

تسلم والله مصرى وشعرك مصرى وروحك مصرية الله عليكربنا يحفظك فأنت رائع

هوده وقت قصائد ادعو لااخوانكم فى التحرير ان الله ينصرهم على الذين نهبو الدوله

الى المعجبين بالشعرور هشام الجخ
الاخ هشام الحخ يساعد بقصد او بدون قصد في هدم اللغة العربية بمثل هذا الشعر ان صحت تسميته بهذا الاسم فرحم الله العقاد لو عاش وسمع مثل هذا الهراء لكان قد حجر عليه ومن لا يصدقني يقرا كتاب الدكتورة نفوسة زكريا وهو رسالة جامعية قيمة واسمها تاريخ الدعوة الى العامية

اناا ميعجبنيش فى الوادة الا طريقة القاءوة للشعر

وغير كدة مبينزليش من زور ................. زى العادة الجخ اتشهر على قفا الثورة كدة ولاكنا نعرفة

في شعرا كثير يستاهلو اكثر منة بس هنقول اية
على راى المثل بتاعى : "بتيجى مع الهبل دوبل "

شوف تاريخ الفيديو دة واسمع القصيدة دى كويس وانت هتعرف مين هشام الجخ