عايزين نعرف راى الاعضاء وكل واحد منهم مؤيد مين واذا كنت مؤيد احد الطرفين قول ليه انت مؤيده ؟
التحرير
العباسيه
عايزين نعرف راى الاعضاء وكل واحد منهم مؤيد مين واذا كنت مؤيد احد الطرفين قول ليه انت مؤيده ؟
التحرير العباسيه |
مؤيد التحرير طبعا لان المجلس العسكرى انتهك حقوق المصريين وقتل 41 شهيد والاف المصابين ده غير القنابل المحرمة دوليا يبقى حأيدة ازاى ده؟
|
العباسية طبعا لان المجلس العسكرى حدد جدول زمنى لنقل السلطة
|
.
تصميم المجلس العسكري على الانتظار حتى تسليم رئيس جديد يوضح انهم يريدوا ان يختاروا رئيس مفصل حتى يكمل مسيرتهم والدفاع عن النظام الفاسد وحمايتهم وحمايه كل الفاسدين من المحاكمات لابد من تسليم شئون البلاد لحكومه مدنيه شبابيه حتى نبتعد عن النظام وروائحه الكريهه التي ارهقتنا . |
هى هتبقى كده !!
انت مع التحرير ولا العباسية ؟؟؟ والا انت مسلم ولا مسيحى !!! انا مع مصر !!! احنا بندمر البلد !!! ايه اللى احنا عوزينه يريت نسال نفسنا السوال ده ؟؟؟ احنا بنتكلم على ايام ويكون عندنا انتخابات حرة لاول مرة من 30 سنة , وبعدها بكم شهر هيكون عندنا رائيس منتخب بشكل حرة من الشعب ,وبرده لاول مرة فى تاريخ مصر . عوزينا نعين مجلس مدنى يحكم كم سنه كمان ؟؟؟ وتتاجل انتخابات الشعب والرئاسة وحال البلد معاها !!! عوزين الجيش يسيب الحكم , ويرجع المعسكرات وبلدك مفهاش حاجه وحده ثابته ؟؟؟ عندك رائيس ؟؟ عند مجلس شعب ؟؟ عند حتى اى موسسة حكومية تقدر تدير البلد ؟؟؟ عندك ايه ولسه عوزين تخربوها؟؟؟ واللهى صدقى مصطفى بكرى اللى امامى فى الحياة وهو بتكلم على البلد !! عوز تجيب واحد ولا اتناين من دول ولا دولا , والكل يولع فى بعضه ؟؟؟ كده انت بتحب بلدك ؟؟؟؟ بجد عيب وحرام عليكم بلدكم هتضيع !!! يالله ارحمنا وارحم كل المسلمين والمصرين يارحم الرحمين اعفوا عنا واهدينا الى الطريق الصواب يالله بحق لا الله الا هو الواحد الاحد . |
العباسية
تفويض المجلس العسكرى لحين انتهاء الانتخابات الرئاسية وتسليم السلطة لرئيس منتخب |
مع التحرير باذن الله لان صوت الحق يعلو علي جميع الاصوات والمجلس لازال يدير البلاد بغموض ويوجد لديه اسرار كما يقول ويحاول طول الفتره الماضيه يضع امام الشعب يا هو يا الفوضي كما كان يفعل مبارك والاجندات الخارجيه ولو فعلا فيه ايادي خارجيه تريد بمصر الضرر وكلنا نعلم ذلك ولكن لابد من الوضوح ودون الالتفاف حول اغراض لانعلمها و هل هو يريد البقاء في السلطه حتي يخرج مبارك ومن معه من السجون كما وعده عند خروجه هل هو ذلك كان شرط مبارك لتركه للسلطه وهم يحاولون الحفاظ علي عهدهم مع مبارك ان لا يلحقه ضرر هل هذا ما لم يعلمه الشعب ان المجلس العسكري والمشير طنطاوي مع مبارك اما التحرير يريد مصر دون اغراض يريد حريه وكرامه وعداله دون مصلحه
|
نعم مع العباسية
انا عايزة اعرف حاجة المجلس هيسيب البلد لمين لبتوع التحرير و لا مين بالظبط |
طبعا مع التحرير لانه الشرعيه من التحرير
الرسميه الان لمن في التحرير عن طريق الفيس بوك انشرها انت كمان وعرف الاعلام الكدب امثال عكاشا قول لو انت حجمك اد ايه |
انا مع كل محب لارض الوطن انا مع كل عاقل رشيد لاينساق ورا الاقاويل الرنانه انا مع من يصلح حال البلد انا بحب مصر اوى 000اوى0ومافيش بايدي غير الدعا لها ((يارب ياكريم ولي من يصلح ولاتشمت فيناالاعدا))
|
لا التحرير و تشدده و تهريجه .. ولا العباسية و الانحياز الاعمى .... انا مع مصرنا الغالية مش كام الف فى التحرير و يقولوا مليونيات .. و كام الف فى العباسية و برضه يقولوا مليونيات .. بلانا خيبى بقى و نشوف اقتصادنا اللى بقى زفت و الدولار اللى زاد عن 6 جنيهات منذ اكثر من 4 سنوات لم يزيد .. و البورصة و غيرها .. و نعرف احنا رايحين فين .. الحكاية بقت ميادين و الا ايه .. ياخيبتنا يا مصريين ؟؟؟؟؟؟؟؟
و خير الختام ذكر النبى عليه الصلاة و السلام ***** |
بلا شك مع التحرير ومش ممكن اكون مع نظام رجع فلول النظام ودخلوا الانتخابات تاني عشان يقضي علي البلد نهائي مش ممكن اقف مع نظام شهد شهاده زور وهو متأكد من ادانة مبارك واعوانه واعطي اوامر للقضاه ان يتراخوا في حكم اللي فسدوا البلد مش ممكن اقف مع نظام ضرب بمطالب الثوار والشعب عرض الحائط لحماية الخائن واعوانه وامر بضرب الثوار في التحرير في شهر 11 /2011 مش هقف مع نظام حبس 12 الف من الثوار . وذاد من سوء حال البلد وفضل مصلحته
الشخصيه ومصلحة امريكا علي مصلحة البلد اللي مش عايزها تقوم وتنهض ... كل الشعب مع التحرير واذا قلت غير ذلك ابقي انسانه منافقه وكاذبه وخائنه للبلد .. وعشان لا اظلم المجلس الحاجه الوحيده الكويسه اللي عملها انه لم يطلق علي الشعب الرصاص اثناء ثورة 25 وفتح لنا المراكز الطبيه ووفر لنا اشياء بسيطه ولكن هذا لاشيء بجانب مطالب الشعب الجوهريه اللي كانت هتنقل البلد من دمارها وخرابها الي احيائها |
اقتصاد ايه اقتصادنا اكلوا الحرميه وضاع من زمان مش لسه هيضيع اقتصادنا تحت ايدي الحرميه اللي في البلد اللي سابين الشعب يموت وحاله يسؤ من اسوء الي اسوء وعمالين يتفرجوا علي الشعب وهو بيموت وليس لهم غير ان يتشدقوا بالكلام وينفوا التهم عن انفسهم وهما اتعرفوا المنافقين وفلول النظام في كل مكان وفي اي موقع وواضحين وضوح الشمس
|
يا ريت بالفعل نعرف ربنا علي حق ونتكلم لصالح الشعب وليس لمصالحنا الشخصيه . . كثرة النفاق والكذب هو دمر هذا البلد
|
مش عارف تعليقى ليه منزلش , يارب يكون الناس مشغولين , ربنا يكون فى العون !!!
على العموم , طلما لم اصبح عضو فعال , فربنا معايه , ومع مصر , من الكلام اللى امامى وانشاء الله يكون مع البلد !! ولله وحده الحكم , يارب بكلمة كن فيكون بدل الظلام بالنور يانور السموات والارض اكرمنا بنور نشوف الطريق ويهدينا السبيل يارب . |
انا مع اللى يطالب بحريه و عداله و كرامه للشعب المصرى
التحرير هو صوت مصر و شعب مصر الواعى الحر الشريف بأماره ان كل الاحزاب و القوى السياسيه و الازهر معاهم تحيا الثوره و منتصره بأذن الله تعالى |
المنظر ده بيفكرنى بثوار اليمن اللى واخدين اليمن من اولها لاخرها و شويه مؤيدى صالح اللى فرحان بيهم
و بثوار ليبيا و مؤيدى القذافى فى النهايه الثوره منصوره ان شاء الله |
العباسية طبعا
لان عصام شرف كان اختيار التحرير وبعدين قالوا لا مش عيال هما اللي يمشونا |
انا مش عارف انا مع مين بس اللي اعرفه اني ضد اي حاجه فيها خراب لمصر وكمان علشان ما يحصلش في مصر زي ما حصل في باقي البلدان لازم نعرف ان مظاهرات العباسيه لتاييد المجلس العسكري فقط في البقاء الي نهاية الفتره المحدد والتي كنا جميعا نطال بها وهي تحديد موعد زمني لتسليم السلطه يعني ما فيش بينه وبين بتوع العباسيه خلاف كبير هم مش خونه ولا تابعين لاحنا اسفين ياريس |
ياريت نصبر شويه ونشوف الجنزورى هيعمل ايه فى المرحله دى والانتخابات ونصبر ونعرف ربنا ونتقى الله حرام عليكو احنا فى البيوت خايفين من بكره خايفين من كل حاجه ربنا يسترها علينا ياريت نتقى ربنا ونفهم بعض شويه ونفكر فى مستنا ومشت الاجيال اللى جيه حررررررررررررررررررررررام بقه بجد انا عندى 18 سنه وبنت ياريت تحسوا بينا وكفايه مظاهرات خلى البلد تمشى والانتاج يستمر
|
قعد الاعلام 30 سنة يطبل لمبارك ودلوقتى بقاله 11 شهر يطبل ويزرغد وناقس يلبس بدلة رقص عشان بتوع التحرير ارحمونا بقى انتم ناس مغرر بيكم والله وصعبانين على بس صعبانة على البلد اكتر ارجو من كل ام وكل اب يلم عياله وكفاية كدة مع اننى متاكد انه محدش هيقدر لان الادب الله يرحمه ابو مازن
|
اللهم انصر الثوار في التحرير وفي كل مكان يا رب العالمين الثوار عندهم حق في كل شيء والذي قام بالثوره هو حاميها ان شاء الله كفاينا ظلم وقتل عايزين تعملوا ايه تاني في البلد يا ظلمه .. الشعب جاب آخره حسبي الله ونعم الوكيل فيكم .. يا رب اللهم انصر الثوار والشعب بفضلك العظيم هذه هي ثورتك يا رب علي كل ظالم في مصر اللهم اكمل ثورتنا بعدلك وكرمك يا اكرم من سؤل اني ادعوك .. الواحد . الذات .الواحد . اللهم لاتخذل ثورتك التي اردها
لنا ولاهل مصر اللهم عجل بنصر الثوار في كل مكان في سوريا ومصر واليمن وباقي الدول العربيه فهم علي حق اللهم طهر هذه البلاد من اجل اعلاء كلمتك واعلاء دين الحق وتطهير القدس الشريف اللهم ت من عبد فقير اليك اللهم ت لاجل حبيبك ونبيك محمد صلي الله عليه وسلم آمين ان شاء الله ربنا |
الثوره منصوره ان شاء الله منصورين يا شرفاء البلد ان شاء ... لو رفع العبد يديه الي الله لا يردها الله خائبه يا رب انت المنتصر بمشئتك
|
كلمة.. ت .. لا تظهر في موقعكم وظاهره في المواقع التي اعلق فيها لماذا تأكلون الحروف في موقكم
|
لو في عيب في مواقع التعليق عندكم صلحوها
|
لو المجلس نيته سليمه مكنش قال اعملوا استفتاء عشان بقائه في الحكم
|
اصبحت مصر قسمين تحرير وعباسية بعد ان كنا شعب واحد
اللهم كل من ارادوا بمصر سوءا فعليك بهم ...اللهم زلزل الارض من تحت اقدامهم واجعل الدائرة عليهم ....اللهم اجعل تد بيرهم تدميرهم ورد كيدهم في نحرهم ....اللهم اجعل مصر امانا ووحد شعبها وسائر بلاد المسلمين |
أنا مع المصريين
وربنا يحفظ مصر من كل سوء وأتمنى من كل صاحب رأى أن لا يتعصب ويعقل الأمور فكثيراً ما تعصبنا لأراء ثبت أنها خطأ بعد ذلك |
أناااااااااا مع مصر
شكرا ايجى |
تحرير رير رير رير رير رير رير رير رير رير رير رير رير
|
مواضيع مشابهة: | ||||
› بالصور : دعوات لمظاهره من اهالي العباسيه لدعم التحرير تحت اسم " العباسيه مش تكيه " | ||||
› المسيحيات يقطعن طريق العباسيه للحصول على حق الطلاق |