بسم الله الرحمن الرحيم



بالأمس فى يوم جمعة الفرصة الأخيرة أنقسم الشعب بالتحرير معارض للحكم العسكرى والشعب الأخر بالعباسية التى تؤيد المجلس العسكرى
حيث أظهرت اليوم جوجل أرث عن طريق الأقمار الصناعية كمية من فى التحرير وكمية من فى العباسية وبالطبع ظهرت من فى التحرير أكثر بكثير بمن فى العباسية
وتداولت هذه بشكل كبير اليوم على مواقع التواصل الأجتماعى
شاهد ماذا فعلت شركه googleاليوم واعداد من فى ميدان التحرير الرهيبه وشاهد الاعداد فى العباسيه

الصور مضلله لأنها أظهرت ميدان التحرير مضافا أيه الشوارع المحيطه به فى حين أظهر ميدان العباسيه بدون الشوارع المحيطه به مش أول شارع الخليفه المأمون وأول وأخر شارع رمسيس ....الخلاصه .. مضلله

الفرق بين ميدان التحرير وميدان العباسية
جميع من كان فى ميدان التحرير مستعد ان يضحى بنفسة وروحة فداء لهذا البلد
لذا تجدة هو من يقدم الشهداء
اما ميدان العباسية ومن ة ميدان مصطفى محمود
فجميع من فية فى تفكيرهم مبداء واحد ايام المخلوع وحتى الان(اخترناك وبيعناك واحنا معاك لمشاء اللة)
ومستعدين بالتضحية باى من المصريين من ميدان التحرير لبقاء سيدهم فى السلطة
ولن تجد فيهم حتى جريح واحد لانهم الاتباع

اتقى الله يا اخ كامل اتقى الله

لو كانوا اللى في التحرير بيحبوا مصر كانو بنوا مع البانيين مش بس الكلام هو اللي عندهم

هههههههههه
هما بس نسيوا يكملوا التظليل على نهر النيل على أساس انه الامتداد الطبيعى و جزء لا يتجزأ من التحرير و أكيد فيه على الأقل 4 مليون و لا 5 مليون متظاهر.............

ميدان التحرير اكبر بكتير
وده دليل على توحد معظم اهداف الشعب

انا مش هعلق على
انا هقول اننى اثق ان هناك الكثير فى ميدان التحرير مخلصين بالفعل وايضا فى ميدان العباسبة
بس من الواضح فى رايئ انا الشخصى ان الكل يلعب ضد مصر بدون قصد وبتهور ملحوظ وديه نتيجة للاسف لمحاولات المقسدين فى ايجاد الاسباب والمبررات لكل من المظاهرتين فى اشعال مصر انها لصالح مصر وليس العكس
ليه كل ده هناك فاسدين فى الشرطة اكيد هتاك فاسدين فى الجيش اكيد هناك فاسدين فى الشعب اكيد
طب نعمل ايه هى ديه سنة الحياة ان يكون هناك مفسد وصالح دائما لابد من وجود طرفين للصراع لاظهار الحق
فلابد من العقلاء والمخلصين لربنا ووبلدهم ان يتحركوا مش بالمظاهرات لاء فى طرق كتير
من منا عنده شك ان يكون طنطاوى مع كل الاحترام له قد اخذ من كعكة مصر لان ديه سياسة مبارك لكن هو عمود الخيمة اللى فاضل اه معوج شوية بس اصبر لحد لما اجد عمود غيره وبعدين فى ديه لكن اشيله من غير ميكون معاى واحد غيره ايه اللى ممكن بحصل اكيد الخيمة هتقع على فيها والكل خاسر بسبب ايه ؟؟؟؟

ياستاز خالد نسيت تقول انى مستشفى الامراض النفسية كمان ولا هم كانو فى ميدان العباسية

خليكوا خونوا فى ميدان التحرير حتي يسيطر العسكري والايام بيننا وستندمون اشد الندم حيث لن ينفع لاندم ولابكاء ولن يرحمكم التاريخ

الفرق بين ميدان التحرير وميدان العباسية
جميع من كان فى ميدان التحرير مستعد ان يضحى بنفسة وروحة فداء لهذا البلد
لذا تجدة هو من يقدم الشهداء
اما ميدان العباسية ومن ة ميدان مصطفى محمود
فجميع من فية فى تفكيرهم مبداء واحد ايام المخلوع وحتى الان(اخترناك وبيعناك واحنا معاك لمشاء اللة)
ومستعدين بالتضحية باى من المصريين من ميدان التحرير لبقاء سيدهم فى السلطة
ولن تجد فيهم حتى جريح واحد لانهم الاتباع

تصور تحليلك فعلا مضبوط كامل
وانا كنت باتكلم معايا وبقولى اشمعنى الناس دى بالذات سليمة وبعافية وتهلل وترقص فقط

شكرا شيماء

اتقى الله يا اخ كامل اتقى الله

ليه ابنى كامل يتقى الله

انا نفسى كنت متعجبة

انت ليه زعلان من كامل ومش بتوع روكسى والعباسية ابنى بتوع آسفين ياريس

احنا بنتحاور وممكن تقنعنا بوجهة نظرك

العسكرى لن يترك الحكم افهموا بقى
هو حسنى فوضهم لية
عشان عارف انهم انصاره
حاولوا جاهدين ان يقضوا على الثورة الا ان التحرير كانت لهم بالمرصاد
اما بتوع العباسية فهم يخافون من الفوضى وليسوا خونة للثورة طبعا
مش فاهمين ال ليس الا

المجلس افكاره خبيثه هي ناس تعودت علي التخطيط .. عملت علي نظام فرق تـسـود

نظرة المستفيد اثناء المخلوع بلا مشاعر بالمره تجاه الثوار وميدان التحرير لانه اتعود علي انه ياخذ بلا رحمه ولا يعطي ومع ذلك ربنا مع الثوار لانها ثوره ربانيه ربنا اراد بها تطهير الانفس التي فسدت وان شاء الله هتكمل بفضل الله

ياجماعة كل الناس عارفة حجم التحرير ايه وميدان مصطفي محمود منا ليس ببعيد مانتو فاكرين احنا بتوع اسفين ياريس كانوا حاسين ان هما كتير برده لكن مش هية دي القضية المسألة مش خناقة اعداد انا عايز كل واحد من الناس يفكر ويحسبها بالورقة والقلم ويسال نفسه سؤال اللي مات ده لو كان اخويا او ابني كان هايبقي موقفي ايه ويسال نفسه ويعد انجازات المجلس العسكري في ال10 شهور اللي فاتوا لو لاقوا ان البلد راحت لقدام انا معاك ياريس من بكرة قصدي يامجلس ياعسكري ماهي مش فارقة كتير هو صحيح مش حسني مبارك كان القائد الاعلي للقوات المسلحة امال بيتحاكم في المحاكم المدنية ليه والباقي مدنين وبيتحاكموا عسكري مش حاجة تجنن بردهز اه انا نسيت ده المجلس هو راعي الشرعية في مصرزوسلملي علي العدالة ياريس قصدي يامجلس معلش اصل انا نساي

حسبى الله ونعم الوكيل فى كل ظالم وفى كل انسان ينكر اى حقيقه

يارب احمى مصر من كل الفاسدين والطماعين والأكلين لحقوق الغير والناكرين للجميل والناكرين للحقيقه يارب اعطينى كل ماتمنيته وكل مااتمناه عاجله واجله يارب

لماذا جوجل مهتم الى هذه الدرجة بالمقارنة بين ميدان التحرير وميدان العباسية افيقوا يا من تخافون على مصر اليس جوجل هذا مؤسسه اليهود ؟ وكذلك لماذا هذا المسمى محمود سعد الخبيث الذى يتقاضى فى عقده الجديد اثنى عشر مليون فى السنة يتابع ما يقوله جوجل . . . انا فقط اردت ان اوضح وجهة نظرى وانا استمع الى كل صوت يريد مصلحة مصر ولا يشعل الفتنة . . . اليس هذا الجيش هو من انحاز الى جانب الثورة فى 25 يناير واليس هو ايضا فى السابق لمن لا يعرف ايام احداث الامن المركزى عام 1986 وكانت البلد فى ايدى الجيش وكان يستطيع ان يستولى على البلد ولكنه سلمها الى المخلوع مرة اخرى وليته ما فعل وتاريخ الجيش يشهد بما قدمه لمصر طوال عمره ومازال

المجلس العسكرى طلب الغاء المظاهرات التى تؤيد المجلس العسكرى وطلب منا حماية النشأت وبعدين ياريت جوجل صور باقى الناس اللى كانت بتحمى منشات البلد من اقسام ومدريات ومناطق حيوية خوفا عليها من بلطجية يناير

اللى فى العباسيه قائدهم و مجمعهم و منظمهم هو الادمن بتاع صفحه اسفين يا ريس على الفيس بوك
ولد متخلف عقليا و كل هدفه قله الادب
شفته امبارح فى الاون تى فى مع شاب من الثوار و شوفوا بقى الفرق فى الاخلاق و العقليه
بتاع العباسيه بيتكلم بغطرسه و قله ادب و لما سألته المذيعه عملت ايه لخدمه الشعب او الكادحين او الفقرا؟ طبعا و لا حاجه كل اللى بيعمله حملات توعيه للشعب علشان يقولوا اسفين يا ريس و علشان ما يعتصموش
لكن شباب الثوره بيدوروا على الناس اللى محتاجه علاج و اللى محتاد خدمات و يقدموهالهم و بتوسطوا لهم و يعلنوا قضاياهم و بيخدموا الشعب
حاجه تكسف المجلس العسكرى وشه فى الارض ان اللى بيدافعوا عنه من هذه النوعيات اللى (عباسيه بجد)
و انا متأكده ان المجلس العسكرى اول من يتجاهلهم لانهم منافقين و منفسنين و ليس لهم قضيه الا النفاق
و الخريطه دى لازم تنزل فى الاستفتاء لان هو ده الاستفتاء الحقيقى فى الشارع مش على النت تحت رحمه جيوش الداخليه و امن الدوله الالكترونى
و الثوره حتقول كلمتها و حتتسمع ان شاء الله
منصوره يا مصر و منصوره يا ثوره مصر

اتقى الله يا اخ كامل اتقى الله

شكرا لك يا اخى على التنبية لى بتقوى اللة
لكن استحلفك باللة
فى كل مرة تخرج مظاهرات ومليونية فى ميدان التحرير
الا ويقابلها مليونية ومظاهرات فى ميدان مصطفى محمود او العباسية
لاكن تجد الشرطة تفرق المتظاهرين فى التحرير بزعم انهم يعطلون عجلة الانتاج
ولا تجد شرطى واحد يفرق المتظاهرين فى ميدان العباسية
لماذا
هل لان عجلة الانتاج موجودة فى ميدان التحرير
طيب ما ينقلو عجلة الانتاج اى حتة ثانية

ليه ابنى كامل يتقى الله

انا نفسى كنت متعجبة

انت ليه زعلان من كامل ومش بتوع روكسى والعباسية ابنى بتوع آسفين ياريس

احنا بنتحاور وممكن تقنعنا بوجهة نظرك

شكرا جزيلا جدتى الغالية
على المساندة
ولاكن بعض الاشخاص ما زالو مغيبين
ولا يعلمون ما يحاك للوطن من حولهم
ندعو اللة لهم بالهداية

كامل شرف
اتقي الله. اتقي الله. اتقي الله. اتقو الله جميعا . مهو لازم جوجل تعمل كده لأن اهدافهم واضحة ومعروفة وكفاية ان فيها الحقير وائل غنيم. حسبنا الله ونعم الوكيل. حتى لو الى في العباسية الف واحد بس. يكفي انهم جميعا اشراف. يكفي انهم نزلو باحترامهم وعادو باحترامهم دون حدوث اى حالة شغب او بلطجة واحدة. وهم ليسوا وحدهم. هم يعبرون عن الاغلبية الموجودة في البيوت والتي لا تستطيع النزول. انا واحدة من الناس كان نفسي لو في القاهرة اقسم بالله كنت نزلت معاهم وكذلك اهلى واصدقائي وجميع من اعرفهم يؤيدوهم اما بتوع التحرير خلاص احتقرناهم تماما ودة رأي اغلب الشعب. والدليل انكو رافضين الاستفتاء لأن عارفين انكو هتكشفو وان اغلب الناس هتقول نعم للمجلس. كفاية بقا ضحك علينا. وبعدين العباسية اصغر من التحرير ودة شيء معروف طبعا يعنى هما كانو لقو مكان اكبر ومراحوش؟ ولا انتو بتقيسوها بالاماكن؟ ولو هنتكلم ع الكثرة روحو عدو عدد البلطجية الى في التحرير الاول واطفال المدارس والشباب العواطلية الى رايحين عشان يتفرجو ويعاكسو البنات بعدين ابقا اتكلم

يا شياب عيب اووووى اننا نقول تحرير وعباسية واللى فى التحرير يقول على العباسية متخلفين واللى فى العباسية يقولوا على اللى فى التحرير خونة كده البلد بتنقسم الى اقسام يعنى اللى الناس الفاسدة عاوزها احنا بنعمله بالضبط والله المنظر بيفكرنى بلبنان وبدايات الانقسام الرهيبة ياريت اللى فى التحرير يروحوا واللى فى العباسية يروحوا ونشوف حقوقنا بطريقة صح وشرعية وافكر الجميع وخاصة الاخت بديعة لما قلت انه لابد من الصبر علشان المرحلة تعدى وساعتها هنقدر نعدى ونحاسب كل اللى نهبوا البلد بما فيهم المشير نفسه بس نتعامل بذكاء مع الفترة ديه

بردوا دخلنا اسفين يازفت , وابناء المخلوع !!

مش عارف مين اللى كانوا فى العابسية ؟؟ ولا مين اللى حشدهم ؟؟

لكن حكاية انها تبقى تحرير ضد انصار مبارك , فيها ظلم لناس كتيرة !!!

ومش هتكلم على الناس اللى مش عجبها اللى بيحصل , وسكتين !!

لكن مثلا , الاخوان , مش موفقين المعتصمين , فهل هم فجاء اصبحوا من انصار مبارك ؟؟

فى ناس كتير مش راضية على اللى بيحصل , وبردوا معرفش مين اللى كانوا فى العباسية !!

ولكن تحويل الموضوع لتحرير وعباسية, مش حقيقى , وفيه ظلم لناس كتير !!

اعتقد لو استمر الحال على كده , فسيكون الانسب عمل استفتاء على ارض الواقع , والناس تحدد اى طريق ليهم !!!

يارب الكلام يوصل صح !!

ماشاء الله على الاعضاء وعلى ردودهم بس انا ليا تعليق على كلام الاخ كامل شرف انا مقتنعة بكلام حضرتك جدا وفى النهاية كلنا مصريين وربنا يولى علينا الصالح مع انى مش مع بقاء المجلس العسكرى فى السلطة

الفرق الوحيد والمنطقى بين الموجودين فى ميدان التحرير و الموجودين فى ميدان العباسية هو أن ميدان التحرير هم المتضررين من النظام القديم ومن استمرار بقاياه وميدانالعباسية هم المستفيدين من النظام القديم ومن استمرار بقاياه .

يا جماعه اللى اللى ف العباسيه مش مؤيدى مبارك ولا حاجة انا عايز اقول حاجة واحده بس فوقو ليه بيحصل ف مصر الكلام ده دى ليبيا اللى اتحررت بالدم استقرت وكمان تونس مصر ليه لسه ؟! علشان مصر هى كل العرب ولو وقعت هيبقى كل العرب وقعو ..... انا عندى حل بسيط جدا ينهى الخلاف ده ...... صناديق الانتخابات اللى مختار سلفى ولا علمانى ولا ليبرالى يقول رايه ف الصندوق ......... وبالنسبه للمجلس صبرنا 30 سنه على حكم مبارك نصبر لحد معاد انتخابات الرئاسه ويا ريت نبقى هاديين علشان ميبقالهمش حجة ولو محصلش ساعتها هتنزل مليونيات مصر باكملها هتنزل شفتو سهله ازاى ؟؟؟؟؟؟؟؟

اتقو الله فى شعب مصر الغلابة اللى فى التحرير دول نصهم واخدين فلوس والنص التانى رايح يدور مين اللى بيدفع الفلوس البلطجية والصيع اللى بيتحرشو ببنات الناس هما اللى فى التحرير فعلا العدد قليل جدا فى العباسية بس كلهم ناس مخلصة بتحب مصر واوعدك بعد دى كلنا حنروح العباسية اذا كانت تتقاس بالشبر كلنا حنروح لكن فى رائئ تتقاس بالاخلاص والنوايا الصافية وعيب عليك لما تقول اسفين يا زفت الراجل ده اد جدك ولا كلنا بقينا بلطجية والمشكلة لو واحد زيك مات فى التحرير بيقولو عليه شهيد واضحكى يا ثورة بلا خيبة