الرئيس السابق - المخلوع - محمد حسني مبارك يدلي بصوته في الانتخابات البرلمانية القادمة من اسرائيل :
في مفاجأة من العيار الثقيل جدا, كشفت جريدة التحرير ان كشوف الانتخابات للمصريين المقيمين في الخارج قد ايدت الرئيس السابق محمد حسني مبارك لديها بعد ان قام شخص بتسجيل بيانات الرئيس السابق من اسرائيل,
وقد قال موقع التحرير ان المواطن محمد حسني السيد مبارك قام بتسجيل نفسه في الكشوف الانتخابية علي موقع الهيئة القضائية العليا وقد ادخل كافة بياناته ومن ضمنها ارقام بطاقته التي طابق تاريخ ميلاده نفس تاريخ الميلاد الموجود في رقم البطاقة من الشمال,
ومن ضمن البيانات التي ادخلها ان محل الاقامة هو نفسه محل الاقامة في مصر ألا وهو مصر الجديدة والتي اختار ان تكون هي الدائرة التي سيصوت عليها, وغيرها من المعلومات السرية والتي من المفترض ان لا يعرفها الا الشخص نفسه او اقرب المقربين اليه.

واقعة التسجيل الغريبة هذه تؤكد ان هناك من يملك كافة المعلومات عن الرئيس السابق, او علي الاقل يملك صورة بطاقته وقام بالتسجيل من اسرائيل حتي يبعث رسالة الي المصريين تتعدد في فهم مغزاها.




---------------------

ياجماعة حاولوا تدخلوا علي موقع الانتخابات وتحطوا الرقم القومي الموجود في بطاقة الرئيس السابق دي :

وشوفوا هيطلعلكم ايه

المصدر: موقع جريدة التحرير الالكتروني

-----------

تنبيه هام

اثبتت تعليقاتكم الكريمة ان الكثير لا يقرأ سوي العنوان الخاص بالموضوع فقط ولا يقرأ الموضوع كاملا,

الموضوع لا يقول ان مبارك سافر الي اسرائيل, ولكن يقول ان هناك احد الاشخاص ادخل اسم مبارك ورقم بطاقته من دولة اخري وذكر انه مقيم في اسرائيل, وانا نقلت الخبر هنا حتي يعلم الناس ان التسجيل في الكشوف الانتخابية مازال به بعض الاخطاء, لكن الناس لم يفهموا ذلك واصروا علي ان الخبر يعني ان مبارك ذهب لاسرائيل لذلك لزم توضيح الامر هنا

شكرا لكم علي ردودكم

حرام عليكوا بلاش اشتغالات وتهييج فى الناس هوا لو كان هرب لاسرائيل هيكشف نفسه يا اخوانا البلد موش ناقصه ازا كان المجلس اخطا فى ادارته للبلاد وانتم طالبتم بخروجه دا كويس انما نقلب الناس عالجيش والمجلس باخبار كازبه ممكن تولع الدنيا لا

لا يا صاحبي اقرا الخبر كويس هتلاقيهم بيقولوا ان في حد سجل باسم الرئيس السابق من اسرائيل, مش قصدهم ان مبارك راح اسرائيل

شكرا علي ردك صديقي الزائر

كفايه تشويش علي الناس بقه ---------------------------------------

شكرا للاخ ايلي جاء بهذا الخبر وبجد شاكرين افضاله بس الحقيقه الاكثر اننا مستغنيين عن خدماته ايلى تخرب البلد الله الغنى يا اخى عن اخبارك وياريت منشوفش اخبارك مره تلنيه على الشاشه

ههههههههههههه وكأن انا السبب في تشويش الناس او انا اللي جبت خبر خاطئ

الخبر منقول من مصدر معروف فليه تنكرون الحقيقة؟؟؟؟؟؟؟؟؟؟

الرئيس السابق له علاقات بناس من اسرائيل او جايز حد من مخابرات اسرائيل عمل كده مخصوص عشان يستفزكم زي مانتو مستفزين دلوقتي,

انا بالنسبة لي لا انقل الا الاخبار الموجودة علي مواقع او صحف معروفة وليس ذنبي ان كان الخبر استفزك او لا ,

واخيرا لن تجد من يضع لك اخبارا علي كيفك, كافة الاخبار حاليا مستفزة, واحنا مش بعيد عن اخبار علياء المهدي او اخبار التحرش الجنسي في التحرير او اخبار الرئيس المخلوع اللي بيعامل معاملة سبع نجوم, اشمعني الخبر ده اللي استفزك اوي كده؟؟؟

-----------

شكرا للردود المحترمة

يا ترى كان حينتخب مين؟
عكاشه و الا المشير
حسبى الله و نعم الوكيل فيك انت سبب كل اللى احنا فيه
يا ريتنا كنا عملنا فيك زى ما عملت ليبيا فى القذافى و خلصنا

اصلا مفروض رقم بطاقة الرقم وكل المعلومات الاساسية عن الاشخاص تبقى متوفره على النت

يعنى ولاه سرية ولا حاجة

الله اعلم ! ايه مصدر الخبر ده ؟؟؟؟؟

مش جايز يكون اشتغاله ؟؟

ربنا يستر علي البلد - واهم حاجه ان المجلس .. مجلس العار ده يشمي

ويفوض سلطاته السياسيه

ربنا يوفق مصر والمصريين للخير

ممكن تكون المعلومه صحيحه وممكن تكون خطأ لكن المؤكد انه لو صحيح يبقى مش هيعرف يدلى بصوته من اسرائيل ومن مصر فضلا عن ضرورة مراجة جميع ارقام البطاقات التى ادلت بصوتها من الخارج للتاكد من عدم تكرار الادلاء بصوتها مره اخرى فى دائرتها الاصليه داخل الوطن

باين اوى ان الخبر مفبرك
اقصد للجريده

ياجدعان مستحيل يكون فى اسرائيل هما بيقولوا انوا مش فى المركز الطبى العالمى لكن مش وصلت لاسرائيل

يا جماعة المقصود من الخبر ان هناك شخص من اسرائيل قام ادخال بيانات مبارك ورقمه القومي بكل دقة وتفاصيل مما يعكس مدى انه كان مكشوفا لاسرائيل

يجماعة حرام عليكم مش كفايه الناس الا ماتت بسببو وانت يلى جبت الخبر حسب الله ونعم واالوكيل فيك عاوز تخلينى نقتل بعض

اتقو الله في انفسكم يا اخوان وكفاكم ضحك علي الدقون والصحافة الصفراء بتاعتكم دي

اتقو الله في انفسكم وفي الناس وبلاش اشاعات مغرضة

لاحول ولاقوة الا بالله

بطلوا هبل بقي ناس فاضية بجد هو لو راح اسرائيل كان هيفكر فى اي انتخابات او اي حاجة

يا جماعة, مش ذنبي انكم مش بتركزوا اثناء القراءة, الخبر واضح جدا وبيقول ان في شخص وضع بيانات الرئيس من اسرائيل في كشف المصريين المقيمين في الخارج,

يعني الرئيس مش في اسرائيل انما حد سجل بياناته من اسرائيل, تفتكروا ده معناه ايه؟؟؟؟؟؟؟؟؟؟؟؟

صورة البطاقة المنشورة في وسطها النسر
والبطايق بتاعتنا كلها فيه الاهرامات وابو الهول
وصلت

ممكن لو سمحتم ترحمونا شوية من الاخبار اللى مالهاش اى لازمة دى خصوصا اليومين دول .. كفايانا فرقعات .. و ياريت لما نشوف خبر زى ده على موقع معفن زى مصدر الخبر ده .. ما نساعدش فى نشره فتوئد الفتنه فى مهدها مش كده و الا ايه .. الرحمة شوية ؟؟؟؟؟
و خير الختام ذكر النبى عليه الصلاة و السلام *****

انا شفت الخبر دة
شئ غريب جدااااا

عادى واللة العظيم اسرائيل احن علية من اشكالكم يا خونة

يا اى كفاية اخبار مفبركة اللةلا يعودة تانى ولا تعود ايامة السودة بس البلد مش ناقصة علشان فى ناس عايزة توقع البد دى فى حيص بيص وهما يتفرجو عليهاوفرحانين اللة يخرب بيوتهم وحسبى اللة ونعم الوكيل فيهم

كفاية حرام عليكم ارحمو مصر انتو فعلا لو بتحبو مصر متعملوش كدة حرام عليكوا بلاش اشتغالات وتهييج فى الناس هوا لو كان هرب لاسرائيل هيكشف نفسه يا اخوانا البلد موش ناقصه ايه اللى حصل يا شباب مصر خافو على مصر حتى لو كان فى ظلم نصبر ربنا سبحانه وتعالى خلق الدنيا فى سته ايام مع ان الله قادر على ان يخلقها فى يوم واحد ودة دليلى ان الله يعلمنا الصبر واحنا صبرا 30 سنه مش قادرين ان نصبر شويه كمان ومنعطيش الفرصة لاى حد يحول ان يخرب البلد ولا حد يدخل فى شؤنه خافو على مصر وتراب مصر

تكذيب الخبر
بموقع اليوم السابع
لم استطيع وضع الرابط لان المنتدي يرفض

ادخلو علي موقع اليوم السابع

ردا على ما تم نشره عبر موقع "اليوم السابع"، من أن الرئيس السابق حسنى مبارك تم تحديد دائرة انتخابه بإسرائيل، أكد الدكتور أشرف عبد الوهاب المفوض باختصاصات وزير الدولة للتنمية الإدارية، أن أحد المصريين المقيمين فى أحد الدول العربية قام بانتحال شخصية الرئيس السابق حسنى مبارك، ورقمه القومى، وقام بالتسجيل فى قاعدة بيانات المسجلين من الخارج على أنه مصرى مقيم فى إسرائيل.

وأوضح عبد الوهاب فى بتصريحات خاصة لـ"ليوم السابع"، أن هذا سبب ظهور بيان التسجيل على موقع اللجنة العليا للانتخابات، وتحديد الدائرة الانتخابية لمبارك فى إسرائيل، مشيرا إلى أنه تم اكتشاف هذا الأمر أمس الأول، وتم إبلاغ الجهات الأمنية المختصة لتتبع هذا الشخص، وقال إن هناك العديد من الإمكانيات والطرق التى ستساهم فى تحديد مكان هذا الشخص بسهولة، مشيرا إلى أن هذا الشخص المنتحل يريد التشكيك فى العملية الانتخابية، وإحداث ارتباك ليس له مبرر بأن مبارك فى إسرائيل.

وأضاف عبد الوهاب، أن مبارك مسجل فى قاعدة بيانات الناخبين، وأنه لا يوجد حكم نهائى عليه يمنعه دستوريا من التصويت فى الانتخابات، وعندما قام هذا الشخص المنتحل بتسجيل البيان تم أتوماتيكيا تحديث وتعديل بيانات الدوائر طبقا لبيانات التسجيل، فتم تحديث دائرة مصر الجديدة بإسرائيل مشيرا إلى أنه سيتم تغيير البيان.

وأكد عبد الوهاب أنه لا يمكن بالتأكيد تصويت مبارك فى إسرائيل، لأن الأمر يتطلب تقديم مستندات تدل على أن الشخص مقيم فى الدولة التى تم التسجيل منها، وبالنسبة لتصويت مبارك فى دائرة مصر الجديدة، فهو أمر يعود لرئيس اللجنة العليا للانتخابات المستشار عبد المعز إبراهيم ومدى رفض أو قبول والسماح للمتهمين بالإدلاء بأصواتهم.

وأكد الدكتور عبد الوهاب، أن ما حدث لا يمثل اختراقا لموقع اللجنة العليا للانتخابات أو لقاعدة بيانات الناخبين، حيث أن هذه القاعدة منفصلة تماما عن قاعدة اللجان وقاعدة المسجلين بالخارج.

حسنى مبارك بطل ف اكتوبر برضه وقتل يهود وانا من ابناء الثوره ضده برضه لكن حقه لازم ياخده.........طز فيكم وفى اخباركم السخيفة

اذا جائكم فاسق بنيأ
احد الهكر مريدى البلبلة والفتنة هو صانع المقالة وكذلك وضع البيانات على الاستعلام الا ان الرقم القومى للمخلوع ليس الرقم المذكور المفبرك وسيبوا المخلوع المتداعى المرض لمصيرة المظلم والسلام على شعب مصر الطيب

ياجماعة المشكله مش بنقل الخبر

حد للاحظ انهم ممكن يشاركوا بالانتخابات فعلا ؟

مشكله حسنى مبارك سهله تثبت وجوده داخل مصر او حتى تنفيه... لكن الانتخابات والتلاعب فيها ازاى نضمن صحهتا؟

وشكرا لصاحب الخبر ونقله...ويكفى العلم بيه

كفايه حرررررررررررررررررررررررررررررررررام هي