بسم الله الرحمن الرحيم


اليكم التشكيل النهائى و الرسمي لحكومة الإنقاذ الوطني برئاسة الدكتور كمال الجنزوري
وسيقوم كل الوزراء الأربعاء بحلف اليمين أمامالمشير محمد حسين طنطاوي رئيس المجلس الأعلي للقوات المسلحة

التشكيل النهائى ماعداوزارتين سيتم الكشف عن مرشحيها غدًا وهما
التنمية المحلية
الداخلية
تشكيل الحكومة هو:

د. حسن يونس وزيرا للكهرباء

فايزة أبو النجا وزيرا للتعاون الدولي والتخطيط

منير فخري عبد النور وزيرا للسياحة

د. محمد القوصي وزيرا للأوقاف

د. محمد سالم وزيرا للاتصالات

علي صبري وزيرا للإنتاج الحربي

مهندس عبد الله غراب وزيرًا للبترول

محمد كامل عمرو وزيرًا للخارجية

د. جودة عبد الخالق وزيرا للتموين والتجارة الداخلية

د.هشام قنديل وزيرًا للموارد المائية والري

د.محمد فتحي البرادعي وزيرا للإسكان والمجتمعات العمرانية الجديدة
د.حسين مصطفى موسى وزيرًا للتعليم العالي

ممتاز السعيد وزيرًا للمالية

د.فؤاد النواوي وزيرًا للصحة

د.نجوي خليل وزيرًا للتأمينات والشئون الاجتماعية

اللواء أحمد أنيس وزيرًا للإعلام

أشرف الشرقاوي وزيرًا للاستثمار وقطاع الأعمال

د. مصطفى حسين كامل وزيرًا للبيئة

جلال مصطفى سعيد وزيرًا للنقل

حسين مسعود وزيرًا للطيران المدني

د. فتحى فكرى وزيرًا للقوي العاملة

د. محمد إبراهيم على وزيرًا للآثار

المستشار عادل عبد الحميد وزيرا للعدل

جمال العربي وزيرًا للتربية والتعليم

شاكر عبد الحميد وزيرا للثقافة

سعد نصار وزيرا للزراعة

د. نادية زخاري وزيرة للبحث العلمي (بعد فصله عن وزارة التعليم العالي)

ربنا يوفقهم الى ما فيه صالح مصر والمصريين

ولكن يجب أن يفهم الجميع أنها وزارة ذات مهمة مؤقتة فى توقيت بالغ الصعوبة و لا يعلقوا عليها حل هموم و مشاكل 60 سنة فى 6 شهور

عايزين نسيب الوزارة تقوم بشغلها و ان شاءالله هيكون عندنا برلمان قوى شريف من اختيارنا نسيبه كمان يشوف شغله, و الأهم من كل ده احنا اللى نشوف شغلنا و نسيبنا من المظاهرات و الاحتجاجات و الكلام الفاضى ده اللى محدش بيستفيد منه الا قلة قليلة معروفة على حسابنا و على حساب مصلحة وطننا الغالى

بس الداخليه اللي مغلباك يا جنزوري انا اقترح عليك شخصيه حلوه لوزارة الداخليه

توفيق عكاشة

ايه رايك يا عم 100-100 توفيق عكاشة محبوب من الشعب وله دراساته ومن السهل عليه كشف اي مؤامرات او مخططات وحايخلي الماسونيه العالميه تقول حقي برقبتي .
وكمان من حوالي اسبوع كان بيقول انه عايز يمرن الامن الوطني والمخابرات العامه ويعطيهم دورة . اهو عايزين ايه تاني . وحايظبط الامن ومش حايخلي بطه ولا فرخه تخرج من البيت بدون اذن
وراجل مش منافق ومش كداب ومش بيبوس ايد حد خالص

بالفيديو : أنفراد .. الكشف عن شخصيه وزير الداخليه الجديد

الحمد لله الوزارة تم تشكيلها ولم نسمع عن وزير للشباب والرياضة وعموما ربنا يوفق الدكتور الجنزوري ووزراؤه (وياريت كل واحد يروح يشوف شغله ) ونحن في طريقنا الي انتخاب برلمان بايدينا وان شاء الله رئيس جمهورية وبعد ذلك ح تستقيل هذه الوزارة ونبداْ عهد الديمقراطية بحق

المسؤلية ليست كرسى ولكن المسؤلية محتاجة همة ونشاط وربى يوفق الجميع

لواء احمد انيس للاعلام الاعمى

طول ما فية لواءات انا متفائل

البلد عايزة اللى يمسكها بالحديد والنار

اقترح بردة للصحة يبقى لواء عشان يريحهم وميعانوش كتير

هههههههههههه
بافكر فى بيت موضه كبير
جوا البيت فى مصمم ازياء و ترزى و اللى بيشطب و اللى بيخيط و اللى بيطرز و اللى و اللى الخ
و بره فى باترينه فيها مانيكانات و لابسه اللى بيلبسوهولها صانعى الموضه
احنا مغلبين نفسنا قوى و معترضين على المانيكانات اللى فى البترينه دى
و ما حدش فكر فى اللى بيفصل و اللى بيصمم الموديل و اللى بيلبس
و المانيكان قبل ما يتحط فى البترينه لازم يفهم حجمه كويس قوى (انت مانيكان تلبس اللى نلبسهولك)
الوزرا دول شماعات و احنا مش عايزين نغير شماعه
احنا عايزين نوصل للطابور الثانى (اللبيسه و اللى بيفصلوا القوانين و النظام كله)
وده معناه تغيير النظام مش افراد و اسماء و شمعاعات و مانيكانات
الطابور التانى من مستشارين و صناع القرار و ترزيه النظام لسه هم هم بتوع مبارك
اضف عليهم اللى مركز قوى على ان اللى يلبسه المانيكان ده لازم يكون شرعى و مش مهم هو مين او اللى بيفصله مين يعنى مش مشكله سجاده صلا يصنعها كافر و انا لا اصنعها فى بلدى و لا حتى سبحه و لا اسدال و لا خمار صنع فى الصين انمى اقتصاد الكفره و اهد اقتصادى بس العب مع الترزى كويس (شيلنى و اشيلك)
و الثوره مستمره و يا رب الناس تفهم
و ربنا ينصر مصر و ثورتها و يهدى الشعب للنور و الحق
علشان نعيش بكرامه مرفوعين الراس
لازم نفهم ايه اللى بيتعمل فينا

احلا حاجه بعد مالمجلس العسكرى ظرفنا بحكومه فيها وزير اعلام لواء واحنا مالحقناش نفوق من الصدمه ام داخل على المجلس الاستشاري وظرفنا برضو على العموم العيب مش عليهم العيب على الانتهازيون المتخلون عن دم الشهداء وحقوق المصابين وعن الثوره من اساسه وكل منسكت او تواطأ معهم لمصلحته والكل يشرب بقي ومنكم سلط عليكم

الحمد للة الجنزورى تاريخة مشرف ربنا يوفقة ويوفق اللى اختارهم ولكن سؤال يا جماعة حد يعرف وزير التربية والتعليم نظامة اية بظبط

ربنا يوفقهم يا رب ويعملو حاجة كويسه للبلد

الحكومة دي مرفوضة جملة و تفصيلا إحنا عاوزين حكومة من الميدان

التعليق بتاعى اتمسح ليه ؟؟ ....................

طول عمرك يابديعة كلامك تافة وبايخ شكلك ياساذجة
كلامك كله مابنزليش من زور وخصوصا في الدين

الحكومة دي مرفوضة جملة و تفصيلا إحنا عاوزين حكومة من الميدان

كتر الله من امثالك يا اخى الفاضل الرحاله العربى

الحكومة دي مرفوضة جملة و تفصيلا إحنا عاوزين حكومة من الميدان

بس كده
تحت أمرك يا باشا
رجع له يا بنى حكومة عصام شرف!!!!!!!