فاكر لما كنت انت اول حاجة بدور عليها او لما اقوم من نومى





دلوقتى بقيت بنام كتير عشان مقومش ادور عليك !!

فاكر لما كنت لا باكل ولا بشرب ولا بعيش بمزاجى عشان أطمن عليك .. دلوقتى مش بطمن عليك ومش باكل ومش بشرب ومش بعيش بس غصب عنى !!

فاكر لما كنت بخلى التليفون جمبى ودايما عينى عليه عشان اسمعك لما ترن مع انى لو حتى مش سمعته هحس بيه ♥ دلوقتى بسمعك وبشوفك وانت بترن بس مش قادرة ارد عشان بطلت احس بيك !!

فاكر لما كنت بعيط وانا متخانقة مع حد ولا زعلانة من حد وكنت اجرى اكلمك واعيطلك واشتكيلك منهم دلوقتى انا بقيت بجرى عليهم كلهم عشان يمكن حد فيهم يسمع شكوتى ال منك !!

فاكر لما كنت بتخلينى افرح يوم وادام فرحته تزعلنى يومين او تلاتة ادى دلوقتى ادام فرحة قلبى كلها وجع ضعفها مرتين !!


فاكر لما كنت بفتح الفيس وبفضل أحط لك أغانى وبوستات وكلام من ال انا بكتبه دلوقتى وبعد ما مسحتك مبقتش حتى بخش ابص على صورة بروفايلك !!

فاكر كل دا ... فاكر دموعى ... فاكر تعبى ... فاكر وجعى
فاكر كنت بتكلم معاك اد ايه
فاكر كنت بقولك اتغير كااام مرة
فاكر كنت بحاول اناقشك ف مشاكلنا ازاى
فاكر كنت بحاول اصلح اى كسر ما بينا اد ايه
فاكر انت عملت فيا ايه
فاكر ولا مش فاكر
متلومنيش على اى احساس وحش بتحس بيه دلوقتى
لانك زمان انت دوقتنى منه كتير
والقسوة والجرح والدموع والوجع دول ف أرحم بعدك

وكل دا مش منى
دا ... منك !!

الحب شىء جميل لكن الفراق بعد الحب صعب اوى والموضوع جميل بجد فى انتظار المزيد

شكرااا لييييك

نورتي