نجوم مصرية
منتديات نجوم مصرية منتدى المواهب منتدى موهوبين الادب والشعر



تابع نجوم مصرية على أخبار جوجل




هناك

 

هناك
ومن اعمق اعماق وجدانى
اندفعت تلك المشاعر
اندفعت من الاعماق لتشمل كل وجدانى
وبدون مقدمات
وجدت نفسى اهوى
ووجدت قلبى يهتز
وجدت بقيتى
بقيتى التى كنت ابحث عنها
وجدت المعلم الذى علمنى تلك اللغة
تلك اللغة التى التى كنت اتمنى ان افهمها قبل ان اراه
تابع نجوم مصرية على أخبار جوجل


ولكننى بفضله لم افهمها فحسب
لقد اتقنتها
لقد برعت فيها ونبغت
بل لقد حضرت فيها العديد من الرسائل
ولكنها لم تكن رسائل مكتوبة
لقد كنت ارسل اليه نظرات اودع فيها كل ما علمنى من حروف
كنت اظنه لا يفهمنى حينما كان يعرض عنى فى كل مرة ارسل فيها برسائلى
وبدأت الحيرة تدب فى عقلى وقلبى وكل كيانى
هل علمنى تلك اللغة ونسيها
ام اننى لم احسن تعلمها كما ينبغى
حاولت وحاولت
وفى كل مرة كنت اشعر اننى تقدمت تقدما عظيما
قيمته تساوى الصفر بالتمام
هل حداثتى فى تلك اللغة هى التى تحول بين رسائلى وبينه؟
ام لانه معلم فهو لا يبالى بردود افعال تلميذه
الى ان اهتديت الى الحل الاقرب الى الصواب
لقد كان يفهم رسائلى
كان يعلم انه لى كنجم ساطع فى السماء
كان يدرك اننى اكاد اقسم ان القمر الذى فى السماء هو قمر زائف
وانه هو القمر الحقيقى
لقد علمنى كل حروف ومفردات تلك اللغة
ولكنه نسى ان يعلمنى الحرف الاول منها
وهو الا اعشقه
ولكن لماذا ؟
لماذا؟
__________ . الزيان






المقال "هناك" نشر بواسطة: بتاريخ:
madnet
وجدت المعلم الذى علمنى تلك اللغة
تلك اللغة التى التى كنت اتمنى ان افهمها قبل ان اراه
thank you
عصفور المطر
وحشتنا يا محمد...ووحشتنا ابداعاتك...انتا فين من زمان...ارجوك لا تحرمنا من هذا الاحساس المتدفق...والحرفية الشديدة فى انتقاء المفردات والتعبيرات...ارق تحياتى..
elzayan
انتو والله اللى وحشتونى وان شاء اه قريب راجع تانى
وبجد بشكرك على مروك
الزيان
armouh
كلاااااااااااااااااااام بارع وجيد جدا
تحياتى وامنياتى بتدفق المزيد من هذه الروائع
elzayan
مشكورين يا ياجماعة على تواصلكم
وبعتذر عن غيابى الفترة اللى فاتت
وادينى رجعت تانى اهو
نادية
كان يعلم انه لى كنجم ساطع فى السماء الجملة دى انا حاسة فيها انك واثق زيادة عن اللزوم صعب ان يكون حد واثق فى مشاعر اللى قدامة إلا إذا كان بيحمله نفس المشاعر ومن الواضح فى القصيدة انك مش بتحمل نفس المشاعر بتاعتها فياترى الثقة فى مشاعرها دى جبتها منين انا اسفة الجملة دى ماتجيش الا لوكنت انت مش بتحبها وهى مش عندها كرامة وبترسلك نظراتها وهى مش لاقية منك إجابة فبجد دى بنت ماعندهاش كرامة مااعتقدش ان فى راجل فى الدنيا يستاهل ان واحدة تعمل كدة علشانه وبتمنى من كل قلبى إنى اشوف كل البنات محتفظين بكرامتهم ومايمنحوش قلبهم إلا للراجل اللى هيكون جوزها واللى يهتم بمشاعرهم مش يتبرأ منها بكل كبر انا اسفة يازيان بس انا مش بحب البنت اللى تضيع كرامتها وجميل اوى كبرياء المرأة وبشع كبرياء الراجل انا اسفة يازيان بس بجد القصيدة جميلة لكن بكره الست اللى بتدى للراجل اهمية وهو مايكونش مهتم بيها لكن لوعملت كدة مع جوزها فأنا هحييها

لكن القصيدة روعة وعجبنى وصفك لإحساسها لأنى بحب اوى اننا نوصف احساس غيرنا
وكلامك رائع وانا مش قصدى واوعى تزعل منى لانى بتكلم على البنات عموماً مش على قصيدتك
وبجد تحفة وانا هسميك الشاعر الرومانسى ذو الا حساس الدافىء
وعشان خاطر اللى بتحبهم اوعى تزعل منى عشان لوزعلت منى انا هضايق من نفسى
ميرررررررررررررررررسى
[/color]
elzayan
لو انا من النوع اللى بيزعل بسرعة ما كنتش حطيت ولا مشاركة فى المنتدى ده

لان انا هاوى شعر

لكن المنتدى كله محترفين شعر

وانا اصلا بحب اللى ينقدنى ويطلع لى العيوب قبل المميزات

وزى ما قال هوميروس :

النقد هو الطريق الوحيد الموصل للكمال

وارجوكى لو كان فيه حاجة فى نفسك عايزة تقوليها وخايفة لزعل

قوليها وانا والله مش هزعل

وعشان خاطرى انا بقى حاولى تقريها تانى عشان انا حاسس ان انتى فيه حاجه فهمتيها غلط
elzayan
*وجدت المعلم الذى علمنى تلك اللغة

تلك اللغة التى التى كنت اتمنى ان افهمها قبل ان اراه

ولكننى بفضله لم افهمها فحسب

لقد اتقنـتـها

لقد برعت فيها ونبغت

بل لقد حضرت فيها العديد من الرسائل

ولكنها لم تكن رسائل مكتوبة

لقد كنت ارسل اليه نظرات اودع فيها كل ما علمنى من حروف

_____________________________________________

حرف التاء اللى تحته خط عائد عليا انا مش عليها هى
ميسره
لقد علمنى كل حروف ومفردات تلك اللغة
ولكنه نسى ان يعلمنى الحرف الاول منها
وهو الا اعشقه
ولكن لماذا ؟
لماذا؟

كلامك بليغ ورائع
لا أقدر على وصف غحساسي عندما قرأت تلك الكلمات الرقيقه وشعرت بتلك الأحاسيس الغريبه


تحياتي إلى
براعتك ومهارتك
elzayan
تحياتى انا الى ذوقك العالى

واحساسك الراقى
zena
الله كلام رااااااااااااائع

تسلم ايدك بجد
نادية
انا اول مرة قريت فيها القصيدة فهمتها زى ماانت قولتلى فى الرد فهمت انك بتتكلم عن نفسك لكن لما قريتها تانى فهمتها بالمعنى اللى رديت عليك بيه وكنت متغاظة منك جداً ومنها عشان خلتك تتكلم عليها كدة معلش هو ده اللى فهمتو فى المرة التانية كدة خلتنى ظلمتها
هسالك على حاجة عشان لأول مرة احس انى غبية فى فهم قصيدة
انت قاصد ان الحب علمك ومافيش اصلاً حبيبة فى الموضوع
ولا قصدك انك علمتها ازاى تحب
انا مش عارفة بس ده يدل على انك رائع فى شعرك وهو انى افهمها بكذا معنى وبتقولى ان انا اللى محترفة وانت هاوى انا دلوقتى حاسة انى مابفهمش وعرفت مين فينا دلوقتى اللى محترف ومين الهاوى
لكن جميلة يازيان وانا قولت كدة من الاول
وعلى فكرة توقيعك رائع انت اللى كاتبها ولادى مقولة ناقلها
عجبنى فى جملة توقيعك انها اختصرت الحياة والموت فى جملة رائعة بجد
وسورى على سوء فهمى بس اصلى بجد كنت مضايقة
elzayan
قصدى ان هى اللى علمتنى ازاى احب
وهى اللى علمتنى حروف لغة الحب
وانا اتقنت اللغة دى لدرجة انى حضرت فيها العديد من الرسائل
اللى كنت ببعتها لها بعينى
وما كنتش عارف هى بتفهمها ولا لأ
وفى الاخر فهمت انها كانت بتفهم رسايلى كلها
كانت عارفة انها بالنسبة لى زى النجوم فى السماء ..................... وهكذا
اقريها تانى بقى هتعرفى ان ده كان قصدى فعلا

بس على فكرة انا زعلان منك عشان انتى قلتى على نفسك غبية

هو اللى يفهم الكلام بمعنى تانى يبقى غبى؟

لو كلامك صح يبقى كل الشعراء اغبياء

مش هما بيقولوا ان القبل بيحس ... وبيظلم ... وبيتظلم .... وبيموت و.... و..... و.....؟

مع ان الناس كلها عارفة ان القلب ما هو الا مجرد عضو فى الانسان وظيفته تنقية الدم اللى بييجى له عن طريق الاوردة ليضخة مرة اخرى فى الشرايين

الشعراء شايفين القلب كده ... طب وماله ما يشوفوه زى ما هما عايزين

الشعراء بيشوفوا العين بحر وسماء ونجوم و...... و.... و......

مع ان العين غير كده خالص

ومع ذلك ما حدش يقدر يلومهم ويقول لهم انتوا اغبياء

انتى بقى ليه بتلومى نفسك وتقولى عليها غبية عشان فهمتى الكلام بمعنى تانى؟

بالعكس بقى يا نودى اللى يفهم الكلام بأكثر من معنى يبقى عنده مرونة فى التفكير

ودى من اهم دلالات الذكاء

ولو مش مقتنعة انا مستعد اتناقش معاكى

فى انتظار ردك .......
نادية
اوك زيان انا كدة فهمت الاختلاف كان على المعنى انما مش على حلاوة الكلام وهى عاجبانى ولو كانت مش عاجبانى ماكنتش هتكلم وكونت هقولك حلوة مع احلى سلام عليكم
وبالنسبة للغباء عادى ماساعات الانسان بيحس انه غبى بالرغم انه بيكون ذكى وميرسى
جميلة يازيان
شكرااااااااااااااااااااااا
elzayan
العفو يا نادية
بس خلى بالك انتى فيه حاجة مضايقاكى النهارده
مش عارف ليه بقول كده
بس ممكن تقولى : مجرد احساس

وشكر خاص للاخت zena
نادية
لا والله عادى يعنى ايه اللى خلاك تقول كدة انا عادية جداً على فكرة بس ساعات بكتأب لكن دلوقتى انا عادى
ميرسى للاهتمام
elzayan
طريقة ردك ماكانتش زى الطريقة اللى انا متعود عليها منك

وعلى فكرة مش فى الموضوع ده بس

قريت لك برضه تعليقين تانى على موضوعين تانيين هما اللى حسسونى انك مش فى المود النهارده

لدرجة ان انا قلت ان انتى اتضايقتى لما لقتينى بقولك ( نودى ) بدل ( نادية)

مش عارف بس والله انا متأكد ان النهاردة مش زى كل يوم بالنسبة لك
نادية
لا والله ابداً مافيش الكلام ده خالص وانا عمرى ماازعل من حضرتك ولا من اى حد فى المنتدى ربنا العالم ان كلكم اخواتى ووالله المنتدى ده هون عليا حاجات كتير وربنا شاهد عليا لاول مرة احس ان فى حد بيسمعنى وبيفهمنى وبيحسنى كمان وده حسيته مع كل اصحابى فى المنتدى لانى بحبكم جداً وشوفتكم وشوفتونى من خلال الكلام
لكن الانسان ساعات بيضايق واوعدكم انى لما اتضايق مش هدخل المنتدى علشان ماحدش يزعل منى لكن على فكرة انا بردو لما بكون مضايقة بحاسب على كلامى مع اللى قدامى لكن اليومين دول بصراحة مخنوقة جداً
واسفة لوكنت ضايقت حد او زعلته منى لانى بحبكم كلكم والله وانتو اخواتى
ولا يازيان انا عمرى ماازعل منك وقول اللى انت عايزة بس على فكرة جديدة نودى انا بيقلولى حاجة تانية من وانا صغيرة بس مش هقولك عليه
ويلا ذاكر وشد حيلك علشان تجيب امتياز يارب انت واللى زيك
وميرسى للاهتمام
elzayan
بصى انا هسيب كل كلامك وهمسك فى :


"لكن اليومين دول بصراحة مخنوقة جداً
واسفة لوكنت ضايقت حد "

ممكن نعرف بقى ايه اللى خانقك؟

ولا مش هينفع؟



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
هل هناك اخلاص مثل هذا
هناك دائما

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية