اسواق مدن رفح وشرم الشيخ والشيخ زويد والعريش تقتظ الان بجميع السلع الاسرائلية والتي يتم ادخالها الي مصر عن طريق عبر الانفاق المنتشرة علي الحدود واصبح المواطن المصري الان حريص علي شراء المنتج الاسرائيلي حيث كان لنا السبق مسبقا بنشر بداية ترويج المنتجات الاسرائيلية ودخولها الي مصر بداية من الزبادي الشيمينت الطازج والذ يتم بيعة ب 5 جنية مصري علي الرغم من انة في اسرائيلي يباع بشيقل واحد اي ما يعادل 1.5 مصري والغريبة هو الاقبال علي شراء المنتجات الاسرائليية ورواجها السريع وتوسعت الان المنتجات الاسرائيلية في مصر حيث دخل علب اللبن الرايب الذي وصل سعرة الي 25 جنية للكيلو وكذلك اللنشون بجميع انواعة والحلاوة الطحينية والشيكولاتة والحمص الشامي وصولا الي بسكوت الشمعدان والصابون الهاواي

واكيد الحجات دي كلها مهربه .. بس نرجع ونقول ايه مصدر الكلام ده ؟

الكلام ده خطأ جدا جدا جدا بحكم انى ربت اسرة واذهب الى اكبر السوبرماركت واصغرها وكثير من المحلات لم ولن اجد هذه البضاعه واذا احد وجدتها صدقونى قبل انى وطنية ام غير وطنيه سوف اخاف ان اشتريها واتناولها انا او اسرتى اغلى من فى حياتى لاننا المصريين دائما عندنا شعور ان اسرائيل اذا ارسلت لنا شىء سوف يكون قاتل وسام وممرض لنا جميعا فكيف اتناولها لو ببلاش ؟
ابقوا فكروا شوية قبل عرض اى خبر لوسمحتم احنا المصريين " الشعب " فى وادى السياسيين والاعلام فى وادى اخر الشعب اكثر عقلانية وتحضر اكيد

والله ياجماعه الواحد مش عارف يقول ايه بصرف النظر عن انها بضائع مصريه المفروض يبقى عندنا حتى اكتفاء ذاتى مش الاغذيه والبضائع كمان بنستوردها من برا

ربنا يستر علينا وعلى البلد
اللهم امين

لا أعتقد ان الشعب سيشترى البضائع الاسرائيلية وحتى لو كانت رخيصة بأسعارها
اذا كان يوجد فعلا بضائع من هذه النوعيات الغذائية
شكرا باراديس مان

يعنى هى جت على اسرائيل ما دول اجنبية كتيره اساءت للدين الاسلامى وبسيد الخلق صلى الله عليه وسلم
وبنشترى منتجاتها يلا بكملت

احب اؤكد لك الناس بتشترى وخلاص مش بتبص دة منتخ صينى ولا اسرائيلى المهم يكون ذو جودة عشان كدة دى مهمة الوزارة مش الشعب الى بتسمح بدخول تلك البضائع

الخوف وكل الخوف من دخول اسلحه مهربه عبر الانفاق اسوه بالبضائع المهربه وتصبح متداوله فى ايدى المصريين .

الاسلحه دخلت خلاص ولسه بتدخل من انفاق الفلسطنين اللى بسيناء ومن السودان ومن ليبيا وما خفى كان اعظم ده غير المخدرات وكل دقيق القوات المسلحه بتمسك اسلحه مهربه حتى مضادات الطيران ال ار بى جى دخل مصر من ليبيا والسودان وسوريا والجزائر ونشكر قواتنا المسلحه اللى بتمسك فيهم والا كنا فى مجازر يبقى جت على الاغزيه الاسرائليه كل البلاوى بتيجى من انفاق فسطين يا ريت تتقفل لقى ماجاش لمصر منها الا المفسدين بالارض--جنااات

انا عن نفسى من وقت ما الصين غزت الاسواق وانا لازم اقرا مصدر المنتج لانى مش بشترى المنتج الصينى بخاف منه علشان اولادى