حاسس انك نفسك تبقي كويس وربنا راضي عنك بس مش عارف تبدأ ازاي?
حاسس انك نفسك تبقي كويس وربنا راضي عنك بس مش عارف تبدأ ازاي !!!
واواقات بيجيلك افكار تقولك لما ربنا يأذن ان شاء الله هيهديني !!!
طيب ممكن تقولي هو مين اللي محتاج لمين؟؟؟؟
ما هو اصلا انا وانت وهو وهي وغيرنا كتيــــــر مش هنفرق مع رب العالمين في حاجه
يعني لو عملنا كويس وبقينا كويسين اهو خير لينا
ولو عملنا فاسد ولعياذ بالله برضوه الضرر لينا
يعني احنا اللي محتاجين رضاه وعفوه سبحانه وتعالي علينا
يبقي مفيش حاجه اسمها افضل قاعد مستني لما ربنا يهديني !!!
لازم اسعي واحاول مره واتنين وعشره ..
لان اصلا الطريق لربنا سبحانه وتعالي مش سهل
اول حاجه عاوزين نداااوم عليها هي الدعاء بالقول ..
يعني باللسان
لان لو لسانك اتعود علي ذكر الله هتلاقي قلبك بدأ يستجيب ويركز ويفهم
ويقصد كل كلمه لسانك بيدعي بيها
طول ما انت قاعد قول اللهم اعني علي ذكرك وشكرك وحسن عبادتك
الدعاء ده كان وصيه الرسول عليه افضل الصلاه والسلام لسيدنا معاذ
لما الحبيب المصطفي والله اني احبك يا معاذ ..
فلا تدع قول اللهم اعني علي ذكرك وشكرك وحسن عبادتك دبر كل صلاه
صدقت يا حبيبي يارسول الله
يبقي نعمل بوصيه النبي عليه افضل الصلاه والسلام ولا لاء؟؟؟
تاني خطوه بجد حاول تلتزم في صلاه القيام
طبعا ده بعد ما تكون اصلا ملتزم في صلاتك كلها
لان بجد احساس صلاه القيام ليها طعم مختلف خالص عن صلاه الفرض
لان صلاه الفرض واجب علينا وملزمين بيها ..انما قيام الليل علاقه بينك وبين ربك وبتختارها بنفسك
وبيكون هدفك منها هو التقرب من ربنا سبحانه وتعالي ورضاه عليك
وسبحانه من كرمه ورحمته بينا خلاها برضوه سبب لينا علشان نتوب كل يوم من كل ذنب
وكمان جعلها فرصه لينا ندعي فيها كبل اللي نفسنا فيه ونستغفر كتيييير
ونطلب منه سبحانه وتعالي يهدينا لما يحب ويرضي
اتفقنا كده يا شباب ويا بنات؟؟؟
هنحاول ننفذ اول خطوات القرب من ربنا سبحانه وتعالي
ربنا يرضي عليكم وعلينا جميعا ويهدي امه محمد كلها يااارب لما يحب ويرضي
يلا بينا بقي نقوم نصلي القيام
ماهو ده معادنا بتاع كل يوم ..وكمان فرصه ننفذ خطواتنا اللي اتفقنا عليها
اخواني واخواتي في الله
قيام الليل اكرمكم الله
جزاكم ربي الفردوس الاعلي