بحبك اوى وانت زعلان
آه وربنا بحبك وانت مكشر كدا
وعمال تودى وشك الناحية التانية كل ما الفلك :d
منا اصلى ببقى عارفة انى استاهل وانى زعلتك
وكمان ببقى عارفة انك عايز تضحك :d
وكمان ببقى عاوزة اصالحك بئا مهو كفاية زعل كدا
ورغم انى ساعات ببقى مش مقتنعة انى غلطانة اوى
والموضوع مش مستاهل كل دا
الا انى دايما بقنع نفسي انى غلطانة وانى لازم اعتذر
مهو انت لو متلككتش على اى حاجة تافهة عشان تزعل
يبقى مش هتزعل خالص لانى مبغلطش لانى بخاف ازعلك
فانا عارفة انك لما بتشتاق للنكد والخناق كدا بتنقى اى هفوة صغيرة عشان تتامص عليها وانا بعذرك صراحة مانت مش لاقى ولا غلطة هتعمل ايه يعنى هنقضيها حب على طول كدا
:dبلاقى بئا ف أمصتك دى لذة غرييييييبة جدا وانا عمالة اقولك طب خلاص وعشان خطرى طب انا اسفة مش هعمل كدا تانى والله :d
بحس انى طفلة صغيرة عندى تلات اربع سنين مثلا وانت بابايا بئا ال زعلان منى وعاوز تعاقبنى
طب مش هتصالحنى بئا تقولى تؤ
واقولك طب وحشتك تقولى تؤ
طب يعنى انت مش بتحبنى والى بيحب حد لازم ...
أقوم أنا اسكت واقطع كلامممى فجأأأأة أول ما تقولى على دى كمان ... تؤ !!
ألف وأقولك اخص عليك عرفت تقولها
لا انا بجد زعلانة منك ليه كدا مش مستاهلة كل دا
يعنى انت زعلان لدرجة انك تقولى مش بحبك
تقولى انا مقلتش كدا
أقولك امال قلت ايه ؟؟؟
بلاش متزعلش بقولك بتحبنى تقولى تؤ هتفرق يعنى ؟
تقولى آآآه منا مش بحبك !!
أقولك واللـــــــــه أمال ايه بقى ؟؟؟!!!
تقولى : أنا بعشقك وبعشق جنانك وشقاوتك دى ^_^
أقوم انا أسكت ومنطقش ولا كلمة
وبعد ما تمشي أجرى على ورقتى وقلمى واكتب بخط كبييييير ....
أنا بحبه أوووووووى ...
إمتى يارب هنتجوز بئااااااااا