|
اليوم 16-12-2011 فى جمعة أشترى مصرى حاولت فتاه بالاعتداء على قوات الجيش أمام مجلس الوزراء
الا انه قد تمكن قوات الجيش من تأييد تلك الفتاة والسيطرة عليها سيطرة كاملة وذلك بعد أن فرق قوات الجيش المتظاهرين الا انة استمر بعض المتظاهرين فى الشوارع المجاورة لمجلس الوزراء وذلك ليقومون بالاعتصام امام مقر مجلس الوزراء وقال بعض شهود العيان أنه قام رجال الشرطة العسكرية أنهم تعاملو مع الفتاة بعنف وقاموا بشدها من شعرها حتى قامت بالتوسل اليهم والترجى بأن يطلقوا سراحها ولكن لم تستجيب قوات الشرطة العسكرية بذلك وقامو بأعتقالها . ودى صور توضح ذلك
 
  |
|
لابد من مواجهة هؤلاء المتظاهرين بكل قوة و حزم
لا ادري ماذا يريدون و لا من وراءهم حفظ الله مصر من كل سوء |
|
أنا فاكر اننا خدنا فى المدارس زمان ان (يؤيد) فعل بمعنى (يوافق) أو (يناصر) أو (يؤازر)
بس الحقيقة مش عارف ايه علاقة المعنى ده بعنوان و تفاصيل الخبر المنشور هنا هما غيروا معنى (يؤيد) فى المناهج الجديدة ولا أيه؟؟؟؟!!!!!!!! |
|
زهقتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتتتتتتتتتتتتتتتتتتتتتتتتتتت
ايه اخرة الافعال دى؟ |
|
المفروض تقول تقيد بمعنى توثق او تقول حاصرتها ده بالنسبة للمقال اما الموضوع نفسه فانا مش عارف ان كان هؤلاء المتظاهرين مصريين ام لا لان مش ممكن ابدا اللي بيتعمل ده لاننا عمرنا بالشكل ده ولا هاننجح في اي حاجة ابدا ولا ها ينصلح حالنا وخلى بالك اننا لم نغيير انفسنا حتى الان حتى يغير الله ما في البلد
|
|
الصحيح انه يكتب" تقييد " وليس " تاييد" يعنى خطا املائى
|
|
بارك الله فيك اخي الكريم وشكرا
|
|
الله اعلم دى عملت ايه اصلا
بصراحة دلوقت مش لازم حد يصدق اى حاجة تشوفها وربنا يستر |
|
تؤيد ازاي ؟؟؟؟
اسمها تقيد لابد من مواجهة هؤلاء المتظاهرين بكل قوة و حزم لا ادري ماذا يريدون و لا من وراءهم حفظ الله مصر من كل سوء |
|
الثوار الحقيقيين ينتظروا نتائج الانتخابات لتحديد كيفية بناء المستقبل
|
|
يا جماعه عجلة الدوله لازم تدور ، والناس اللى أمام مجلس الوزراء يعطلون العمل فى مرفق عام ، وذلك معاقب عليه قانونا ، علاوة على أنهم فرز ثالث يعنى لا ثقافه ولا علم ولا أدب. والناس اصحبت تروح للتحرش بالجيش أوالشرطة وبعدها يبقى عندهم موضوع ثم يطلعون فى الفضائيات. عايزن مصر تبدأ
|
|
وفين اهلها الى سابوها فى الشارع انا لوبنتى هدبحها واخلص
|
|
و ايه اللي ودي البنية دي هناك
. ؟ ؟ ؟ لما المتظاهر يرمى طوب وملتوف على ممتلكات الدولة يبقى " متظاهر سلمى ولما يتصاب يبقى " بطل مصرى " من لحم ودم وياخد تعويض ولا يجوز محاكمته وقت الانتخابات كان عامل أعتصام ومانع الحكومه من الدخول ومحترمش أرادة شعب وافق على الاستقرار من خلال ...الانتخابات فتقال عليه " ثائر الحق " أنما لما الجيش يدافع عن ممتلكات الدولة ويرمى طوب يبقى " نظام قمعى " ... ... ولما يتصاب يبقى " مهدور دمه وخاين " وكأنه مش لحم ودم ولابد من محاكمته وقت الانتخابات كان شايل على كتفه كبار السن والمعوقين وواقف يحمينى ويحميك عشان يحقق الاستقرار وامان الانتخابات فتقال عليه " كلب النظام " تقدر تشوف الحق زى ما تقدر تعمى عنيك عن الحق حسبنا الله و نعم الوكيل في كل من يريد اشاعة الفوضي في البلد و عدم الاستقرار |
|
|
|
و الله حلال اللى حصل ده .. اعتصموا بس بشروط الاعتصام .. عدم قطع الطرق .. انتظام العمل بمجلس الوزراء .. عدم تعطيل المصالح العامة .. تحترموا 100% .. قلة الادب فى الاعتصام لازم تواجه بالحزم كفايانا رعونة بقى .. و نشوف بلدنا رايحة فين .. ارحمنا يارحمن يارحيم من الدسائس دى .. يارب .....
و خير الختام ذكر النبى عليه الصلاة و السلام **** |
|
و الله حلال اللى حصل ده .. اعتصموا بس بشروط الاعتصام .. عدم قطع الطرق .. انتظام العمل بمجلس الوزراء .. عدم تعطيل المصالح العامة .. تحترموا 100% .. قلة الادب فى الاعتصام لازم تواجه بالحزم كفايانا رعونة بقى .. و نشوف بلدنا رايحة فين .. ارحمنا يارحمن يارحيم من الدسائس دى .. يارب .....
و خير الختام ذكر النبى عليه الصلاة و السلام **** البلد رايحة في داهية بسبب العيال دول ربنا يرحمنا يا رب الاستقرار و عودة الامان "يا رب انت قادر " |
|
يا جماعة الموضوع باااااااااااخ اكتر من الازم وعلى فكرة دور على الالتراس فى كل مصيبة بتحصل فى البلد
|
|
زى ما أنا قلت قبل كده فى أحد المشاركات
أنا أعرف ناس (متمردة) بطبعها, و هؤلاء بيكونوا غالبا فاشلين جدا فى حياتهم الخاصة ولا يستمرون فى عمل واحد لأكثر من شهور قليلة, و بيكونوا قليلى الكفاءة كثيرى الكلام لا يجيدون الا (نقد) أوضاعهم و الأخرين فقط وهؤلاء حلهم هو (عزلهم بقدر المستطاع) عن الأخرين أو استخدام أقصى أنواع (القهر) معهم لأن تركهم (على حريتهم) تضر بهم و بالأخرين |
|
ليس هذا وقت هزار فإما ان ترجع هيبة الدولة وإما أن تعود لتفرض الامن والامان
|
|
حرام واللة اللى بيحصل فى البلد من خراب هل دول شكل ثوار شوية عيال صيعة مورهمش حاجة دول يجب قطع رقابيهم
|
|
كلكم شايفين انهم عيال يستاهلوا الحرق
حكمتم عليهم و فى نفس الوقت بتقروا انكم مش عارفين دول مين و عايزين ايه و منكم من فرز البشر درجه اولى و ثانيه و ثالثه و حكمتم انهم فرز ثالث فين المنطق فى كلامكم شيخ الازهر عماد عفت الشهيد الذى استشهد بعد ما خد رصاصه حيه فى صدره بالامس فى احداث ماسبيروا ده كان فرز اول و الا تانى و الا ثالث؟ كان بلطجى و الا عيل ؟ اتفوا الله البنت اللى فى دى شكلها فرز ايه؟ ياللى بتفرزوا البنى ادمين ... شكلها بلطجيه؟ معاها موليتوف و الا كلاشن كوف و الا حته طوبه علشان يتلم عليها هذا الكم من القوه المسلحه؟ مش شايفين ان الداخليه و المجلس بيتناوبوا على قتل الشعب مره احداث زى ماسبيرو يقتل فيها الجيش الشعب و مره احداث محمد محمود تقتل الداخليه و اليوم احداث ماسبيروا يقول فيها وزير الداخليه ما ليش دعوه كلموا الجيش؟؟؟؟!!! الدور الجاى على الداخليه تانى و مدابح تانيه و المسلسل مستمر و انتو فى بيوتكم ورا الكى بورد مش عارفين ايه اللى بيحصل و لا فاهمين الناس دى بتطالب بايه و بيستشهدوا ليه لكن عايزين الدنيا تبقى حلوه و خلاص و تهدى و العيال دول سبب كل المشاكل فى نظركم و اللى بيقول لو بنته حيدبحها؟ اشك لانك لو عرفت نزلت ليه و عرضت حياتها و شرفها للخطر علشان ايه ما كنتش تقول كده الناس دى عايزه الكرامه و العزه للشعب كله عايزه مصر تتحرر من حكم ستين سنه عسكر عايزه تلغى قانون الطوارىء عايزه تلغى المحاكمات العسكريه عايزه تلغى الظلم و القهر و الزل و المهانه عايزنكم ترفعوا روسكم لفوق و تعيشوا بكرامه و حريه و عداله و الجنزورى شايف انه مش حيقدر يعمل حاجه فى فتره الحكومه القصيره بتاعته لكن موافق على كل اللى بيحصل من مدابح بالرغم من وعده انه لن يستخدم القوه فى فض اى اعتصام طب اللى بيحصل النهارده ده ايه؟ هو احنا موعودين باللى يوعد و يخلف؟ مش وعد طنطاوى انه يسلم الحكم لمدنى بعد ست شهور و عدت عشره و لسه عايز سته كمان؟ ليه؟ علشان بالنسبه له ده وقت كافى يموت فيه الثوره و الثوار و يعزل الثوره عن الشعب و يكره الناس فيها و بعدين يقضى عليها و بعدها الدور على الشعب تانى اللى حيحتاج لاكتر من ميت سنه تانيه على الاقل علشان يخلص من حكم العسكر و المحاكم العسكريه و الاضطهاد و كل يوم خالد سعيد جديد فوقوا و اعرفوا الناس دى عايزه ايه قبل ما تحكموا عليهم فوقوا و انزلوا و كلموهم و فهمو منهم ليه بيضحوا بحياتهم و بيستشهدوا و الباقى مشاريع شهداء؟؟؟ مين اللى عايز يضيع دم الشهداء اللى ماتوا من اول احداث القديسين لاطفيح لامبابه لسفاره الاسرائيليه لماسبيرو للقصر العينى و اللى جاى اكتر؟؟؟؟؟؟؟؟؟ مين اللى عيشكم فى انفلات امنى متعمد و ممنهج؟ مين اللى بيهدد بخراب الاقتصاد و خراب البلد لو الثوره فضلت تنادى بالحريه و الكرامه و العزه ليكم؟ فين محاكمات مبارك و الفلول و الفاسدين؟ فين محاكمات خالد سعيد؟ فين محاكمات القديسين؟ فين محاكمات اطفيح و امبابه و ماسبيرو ؟ فاكرين ان اللى حصل فى القصر العينى النهارده حد حيتحاكم عليه؟ ابدا ..زيه زى غيره (الايدى الخفيه) ما تفوقوا هم فاهمين ان الشعب ده غبى؟؟؟؟؟؟؟؟؟ فكروا شويه و اربطوا الاحداث ببعضها و انتو تعرفوا ليه مش عايزين يجيبوا رئيس وزراء مختار من الثوار و الشعب؟ ليه مش عايزين يسلموا الحكم لمدنى؟ ليه مش عايزين الحقيقه تبان؟ ليه التعتيم الاعلامى و ليه الرقابه العسكريه على الاعلام؟ قالوا رئيس وزرا بصلاحيات رئيس البلد و طلع قال ما ينفعش تكون لى صلاحيات الرئيس؟؟!! طب ليه؟ علشان لو عندى صلاحيات رئيس البلاد يبقى نظام برلمانى؟؟؟!!! مانت لسه قايل ان وزارتك حتقعد كام شهر لغايه ما يجى رئيس بلد يسحب منك الصلاحيات (حد قدر يوصل لمدى التناقض فى كلام الجنزورى النهارده) ؟؟؟؟ و الا شايفين انه كلامه متناسق؟؟ ده كله تناقض و مهاترات و مش مستحمل يستقبل اسئله و لا عارف يرد الراجل خلاص مش مجمع و لا عارف بيقول ايه الجيش ليه شادد حيله على الناس و بيموت فيها و يعتقلها و يحاكمها عسكرى و فارض عليها قانون طوارىء ؟ و ما شدش حيله على اسرائيل لما قتلت ست جنود من ولادنا و ولادهم على الحدود؟ فين حقهم و راح فين دمهم؟ حمى السفاره بجدار عازل و لما راحوا يهدوا الجدار حصلت مدابح تانيه و ماتوا من الشعب ناس تانيه و لامتى حنموت على ايد اللى المفروض يحمونا من داخليه و جيش؟ اصحوااااااااااااااااااااااااااا و شفوفوووووووووو قبل ما مصر تروح من ايدينا انزلوا كلموا الثوار افهموا ايه اللى بيحصل قبل ما مخطط طنطاوى ينفع و تلاقوه هو او حد من ابتاعه رئيس للبلاد طنطاوى قلب على مبارك لانه كان حيمسك ابنه البلد و ابنه مش عسكرى يعنى كانت حتفلت من حكم العسكر و تتحرر منه و لو الثوره ماتت عمركم ما حتتحرروا من الفساد و مصر حتموت معاها اصحوا و لو مش حتنزلوا التحرير على الاقل افهموا الحقيقه قبل ما تكونوا ادوات فى ايد المجلس لتشويه الثوره و الثوار و ادوات للقضاء عليها تحيا مصر و ثوره مصر و شعب مصر العظيم |
|
معنى كلامك إن ثورة الشعب عملت إللى كان يتمناه المجلس العسكرى وإن ثمار الثورة حيقطفها المجلس العسكرى وحده على الجاهز وإن الثورة الشعبية إللى عملها الثوار والشعب جت زبدة على فطيرة للعسكر 00 000 معقولة دى ، دا لو صح الكلام ده تبقى مصيبة كبيرة مالهاش حد 000 لأن شعب مصر بكده يبقى ضاع ، ودم الشهداء ضاع هدر 0 000 ولم يعد هناك أمل فى بكره بالنسبة للمصريين ، ومصر ستستمر كما هى ، متخلفة وحكامها فاسدين 0000 هه هه هه هه هه هه هه 000 ربنا يستر
|
|
يا استاذة بديعة السلام عليكم و رحمة الله و بركاته
بداية القول انا مهندس مسلم اعمل في شركة خاصة بي و لا انتمي للاخوان او السلفيين او اي حزب و لا اري في ذلك اي غضاضة اولا : انا احترم رأيك و لكني لا اوافق علية ثانيا : العزة و الكرامة للشعب لا تأتي بقطع الطرق و تعطيل المصالح و اهدار هيبة الدولة - ان كانت موجودة ( الدولة و الهيبة)- و استنزاف موارد الدولة الاقتصادية ( من يملك قوت يومه يملك حريته) ثالثا: من المستفيد من هذه الفوضي الحادثة في البلد؟؟ و ارجو الا تقولي المجلس العسكري يا سيدتي المجلس العسكري لو كان يريد السلطة لحصل عليها دون ادني عناء كان يكفيه التحالف مع الرئيس المخلوع للقضاء علي الثورة و لكي فيما يحدث في سوريا و اليمن و ما كانت عليه ليبيا اسوة حسنة يا سيدتي البلد تنهار اقتصاديا دون ان يطرف جفن لاحد المعتصمين في ميدان التحرير بالرغم من انهم اول المتضررين من هذا الانهيار يا سيدتي نحن مقبلون علي كارثة محققة تستلزم من كل واحد منا ان يواصل الليل بالنهار في عمله حتي نستطيع النهوض بالبلد و هذا ليس كلام للتهويل و لكن من طبقا لواقع ملموس نعيشه و نحسه نحن رجال الاعمال بكافة الطبقات و الاعمال ياسيدتي ما هي الفائدة المرجوة من حكم بلد منهار تماما - لا صناعة و لا زراعة و لا سياحة و لا تصدير و لا استيراد و حتي تراثها نحرقه الان- فاين هي مقومات الاقتصاد يا سيدتي الجيش الذي تتحدثين عنه انهكناه نحن في مشاكل داخلية لا حصر لها و جعلناه مشتت بين الداخل و الخارج و من الحماقة القيام باي اعمال عسكرية حاليا ضد اسرائيل اما بالنسبة لموضوع السفارة فهل كان المطلوب من المجلس العسكري الذي يحكم البلد ان يترك المخربين و العابثين بأمن البلد يخربون احدي السفارات حتي لو كانت اسرائيل؟؟؟ اعتقد ان تعاليم ديننا تمنع مثل هذه الحماقات طالما بيننا و بينهم معاهدات و مواثيق رضيت بها ام لم ترضي فهذا نظام الدولة التي نعيش فيها و ياليت الامر اقتصر علي سفارة اسرائيل انما امتد التخريب لسفارة السعودية ايضا - و هي دولة اسلامية علي حد علمي - فهل كان المفروض علي المجلس العسكري ان يترك مجموعة من العابثين تدمر الدولة سياسيا بعدما دمرته اقتصاديا؟؟؟ اخيرا ارجو ان يتسع صدر لرأي يخالفك و تقبلي تحياتي |
|
فرز اول و ثانى و ثالث ايه يا اخت بديعة .. هوه احنا بنتكلم عن ( سيراميك و الا ايه ) ياريت نبطل الانحياز للباطل و خلاص ربنا يهدى الجميع و يبقى صريح و لا يخشى الا الرحمن عز و جل مش كده و الا ايه ؟؟؟ مش دش كلام و خلاص .. خلينا عاقلين و حياديين .. و ربنا الهادى الامين ....
و خير الختام ذكر النبى عليه الصلاة و السلام ***** |
|
شكراً أخى ertuio لدعمك للموضوع
|
|
وفرز اول و ثانى و ثالث ايه يا اخت بديعة .. هوه احنا بنتكلم عن ( سيراميك و الا ايه ) ياريت نبطل الانحياز للباطل و خلاص ربنا يهدى الجميع و يبقى صريح و لا يخشى الا الرحمن عز و جل مش كده و الا ايه ؟؟؟ مش دش كلام و خلاص .. خلينا عاقلين و حياديين .. و ربنا الهادى الامين ....
و خير الختام ذكر النبى عليه الصلاة و السلام ***** **** لاحظ انى اعلق على كلام زائر و هذا هو تعليقه بالحرف و اطلع فوق شويه و انت تشوف كلامه كالتالى: يا جماعه عجلة الدوله لازم تدور ، والناس اللى أمام مجلس الوزراء يعطلون العمل فى مرفق عام ، وذلك معاقب عليه قانونا ، علاوة على أنهم فرز ثالث يعنى لا ثقافه ولا علم ولا أدب. والناس اصحبت تروح للتحرش بالجيش أوالشرطة وبعدها يبقى عندهم موضوع ثم يطلعون فى الفضائيات. عايزن مصر تبدأ انا لا افرز الناس بل الزائر هو الذى حكم بانهم فرز ثالث و تعليق الزائر استفزنى فرديت و لكن تعليقه لم يستفزك و لم تلتفت اليه و قريت فقط تعليقىى كالعاده و شكرا تحيا مصر و ثوره مصر و شعب مصر العظيم |
