ههههههههههههههههههه
ايه يا زهير ما انت كنت ماشى كويس ايه اللى جرالك (هى أكيد بديعة اللى جمدت قلبك)
يا عم الراجل لسه داخل مجلس الوزراء من يومين و دا أول اجتماع للمجلس!!!!!!!!!!!!
ماتزعلش منى يا زهير
انت عارف انك حبيبى من أيام الجيزة
يا اسلاماز يابنى ربنا يهديك و تشوف الحقيقه
المجلس جاب الجنزورى و قال صراحه انه قد اعطى صلاحيات رئيس الجمهوريه
و طلع الجنزورى و قال انا ما عنديش صلاحيات رئيس الجمهوريه لانه اعطائى مثل هذه الصلاحيات يعنى نظام برلمانى واحنا عايزنها رئاسى و ده كلام متناقض يعنى ممكن يكون هو معاه الصلاحيات بصفه مؤقته لحين تعيين رئيس للجمهوريه
التناقض فى الكلام بين اللى بيقولوا المجلس و قاله الجنزورى ما يخلكش تشك فى اى حاجه؟؟؟؟؟؟؟
الجنزورى قال انا ما اقدرش اعمل مشاريع كبيره لان فتره مسئوليتى شهور و كل اللى حاعمله حاكمل حاجات ابتدت طب ما ده تناقض لان اللى ابتدى ده انت بتكمله و اللى حتبديه غيرك حيكمله يعنى انت مش عايز تبدأ بمشاريع كبيره مدروسه و جدولها الزمنى معد مسبقا حتى لو جه غيرك و كملها؟ و هل ده هروب من المشاريع الهامه مثل تعمير سينا و النوبه و العشوائيات؟ مانت لازم تبدأ و غيرك حيكمل على الخطه الموضوعه
الجنزورى قال دول كلهم شباب عندهم 14 سنه و شفنا الشهداء منهم الشيخ و الدكتور و الشباب اللى زى الورد و المآسى بنسمعها كل يوم تدل انهم مش عيال و ان فى عيال اندست وسطهم و الله اعلم
حنشوف الجنزورى حيعمل ايه مع اسرائيل اللى زارت جنوب السودان النهارده علشان يتفقوا ازاى يحجبوا الميه عن مصر و يخنقونا .. عمل ايه فى ملف مياه النيل؟ ده حتى خط المترو اللى جاهز تقريبا على الافتتاح لسه ما اتفتحش .. و القائمه تطول
احذوا ممن يناقض كلامه و اللى يقول لكم حاجه و يعمل حاجه تانيه ده تقلق منه
لو فى وضوح و شفافيه فى الرؤيه و السياسه و جدول زمنى محدد و نعرف بيعمل ايه و حيعمل ايه يبقى يا ريت و ما حدش يكره كلنا عايزين مصر تكون احسن بلد فى الدنيا
و هل هو تفضل علينا بان جعل انبوبه البوتوجاز بخمسه جنيه؟ او عشره؟ الواقع انه ما كانش المفروض اساسا يكون عندنا ازمه غاز و نحن نصدر الغاز لاسرائيل و غيرها و ما عندناش ازمه فى الغاز السام اللى كان اسمه مسيل للدموع فى الميدان
و الاخ زهير عنده حق و بكره تشوفوا
و تحيا مصر و ثوره مصر و شعب مصر العظيم
