والله الناس بتتكلم وهي مرتاحه على شاشة الكمبيوتر وكل واحد فاكره نفسه هو اللي بيستنتج صح وهو الوحيد اللي بيفهم
ولو الجيش وقع . هتندموا اشد الندم وابقو قابلوني بعد مليون سنه لو قامت لكم قومه تاني
يا عبد الرحمن يابنى ما فيش دوله من غير جيش لكن ما فيش دوله يحكمها جيشها
وعد المجلس تسليم السلطه فى سته اشهر و بقوا عشره و كان عايز سنه بعد الفصال وصلت لست شهور
فى الست شهور سيحرص على تشويه الثوره اكتر و اكتر و يحدث ضغوط اقتصاديه و امنيه و اقتصاديه اكتر و اكتر الى ان يكره الشعب الثوره و الحريه و العداله و كل حاجه حلوه و يمسك فى ديل الجيش و يقول له خليك مش عايزين اكل ولا حريه ولا عداله ولا عيش عايزين امن و قرشين و لقمه نلاقيها اخر اليوم على الترابيزه
و دى السياسه اللى احنا عايشين عليها من ستين سنه كل هم الشعب من اول ما يصحى لغايه ما ينام انه ينطحن فى دوامه الغلاء و البطاله و التعتيم و القهر و الاعتقالات و الظلم و لقمه العيش اللى مش لاقيها من كتر الفساد و السرقه و النهب و السلب
و بالرغم من كل ده قلنا ماشى خلى العسكر كام شهر لكن الواقع بيقول العشر شهور دول لم يتغير شىء بل الى الاسوأ لا مخلوع اتحاكم و لا فول ولا ضابط قاتل فاسد (الظابط الوحيد اللى اتحاكم على قتل خالد سعيد اخد سبع سنين سجن نفس العقوبه اللى نفذت على ولد غلبان سرق جزمه اثناء الثوره من مول تجارى)
الفساد فى ازدياد ما حدش اتحاكم على مدابح و لا قتل و لا شهداء بتروح كل يوم و لا فتن بتنشب و لا تجزىء واضح للشعب و فئاته ... اقولك ايه و الا ايه يا ريت نصحى و يا ريت 25 يناير اللى جاى اما ان تلبى فيه متطلبات الثوره او لا خيار لنا حتقوم ثوره اكبر من ثوره السنه اللى فاتت
و لا بد ان تتحد كل الايدى الاحزاب بكل طوائفها و الشعب و المرشحين للرئاسه و العقلاء و النخبه و النشطاء السياسيون و كل شرفاء مصر للخروج من هذا المأزق و تحرير مصر من حكم العسكر قبل ان تنهار و تفلس (على ايدهم) لانهم لا يريدون تركها لمدنى و الا اتحاكموا مع المخلوع و لن يسلموها و اللى يقول غير كده بيحلم
و تحيا مصر و ثوره مصر و شعب مصر العظيم
