الولد الصغير والمدير – نكتة جامده

مره في ولد صغير يروح للبنك كل يوم ويدخل 50 جنيه فى حسابه

الموظفين استغربوا خالص

فقالوا للمدير علي الولد ده
...
فالمدير قلهم لو جه تاني البنك نادوه ده اكيد غني ولازم نستفيد منه ونكسبه اكتر من كده

ولما جه الولد الصغير دخلوه للمدير

المدير قاله : انت بتشتغل ايه

قاله : انا مابشتغلش

المدير قاله : امال انت بتجيب الفلوس دي كلها كل يوم منين ؟

قاله الولد : انا بتحدي الناس واراهنهم والرهان بـ 50 جنيه وكل يوم بكسب

المدير قاله : كذاب قول الحق بتجيب الفلوس دي منين

قاله الولد : خلاص تراهن علي50 جنيه اني ابوس عيني

قاله المدير : اراهنك

قام الولد : خلع اللنسيز من عينه وباسها ورجعها تاني

والمدير خسر الرهان واداله50 جنيه

الولد روح وتاني يوم نادوه للمدير

المدير قاله : انا عايز فلوسي ياولد والا هاسجنك واقول انك حرامى وسرقتنى

قاله الولد: خلاص انا هارهنك اذا انت فزت هديك 3 اضعاف فلوسك

واذا خسرت مش عايز منك حاجه موافق ياعم

قاله المدير : موافق طبعا

قال الولد : شاهدين ياجماعه وكان واقف 10موظفين

الولد قال : تتحداني ان لون البوكسر الى انتا لابسه ازرق

المدير فرح وقاله لا مش ازرق

الولد قال: لا ازرق

المدير قال : لا والله مش ازرق

الولد قال : للمدير اثبتلي انه مش ازرق

قلع المدير البنطلون

وفجأه الـ 10 موظفين قعدو يعيطوا

وراح الواد يلم من كل موظف 50 جنيه وقالهم مش قولتلكم هقلعه البنطلون