من ميدان العباسية فيديو للشخص الذي وشي بالمعتقل السياسي علاء عبد الفتاح والذي كان سببا رئيسيا في دخول علاء عبد الفتاح للمعتقل,

ان كان جميع من في ميدان العباسية بهذه الطريقة فأنا أول من يعارضهم,

لكني اعرض عليكم فيديو شهادة هذا الرجل لاسأل سؤالا واحدا : كيف يمكن للمجلس العسكري ان يعتمد هذا الشخص كشاهد اثبات وكيف يمكن ان يدخل علاء عبد الفتاح المعتقل بسبب شهادة هذا الرجل ان كان هو السبب الرئيسي في القبض علي علاء عبد الفتاح؟؟؟


هذا الشاهد يصرح بتصريحات غريبة جدا جدا , ومنها :


- أنا رئيس حركة الوفاق والتأييد للمجلس العسكري في طنطا

- الشيخ عماد عفت قتلته حركة 6 أبريل حتي يوقعوا بين الجيش والازهر

- عماد عفت كان بيقابل ساويرس وكان بيلبس جينز ويروح مدينة الانتاج الاعلامي عشان يقابل البنات اللي هناك!

- عماد عفت يستاهل لانه قعد مع الخونة وأيدهم!

- أنا قدمت بلاغ في منى الطحاوي (صحفية مصرية أمريكية) إنها كانت بتحرض البنات على رمي المولوتوف!

- أنا من قمت بعمل بلاغ في أسماء محفوظ بأنها جابت البنزين للقصر العيني في الاحداث الاخيرة

- مصر مليئة بالعملاء الممولين من امريكا والسعودية وايران!

- البنت اللي انضربت واتسحلت وتعرت في ميدان التحرير غادة كمال (هي ليست غادة بالمناسبة) عملت كده حتي توقع بين الإسلاميين والمجلس العسكري!

شاهد الفيديو واحكم بنفسك علي هذا الرجل

akiiid kedb ana bgd msh fahma feen el 72ee2a b2a
w meen bykdb w meen el sadek wla hya d el mar7la elly 3yzeen twslona leha

عشان تعرفو كل اللي كانو في ميدان العباسية هم مخبرين بامن الدولة
الرجل تم تعليمه لكيفية جمع المعلومات ورفعها الى جهاز مباحث امن الدولة
لانه كم المعلومات التي نقلها وتحدث بها بالفديو
لاتدل انه انسان وموظف عادي
او مواطن مؤيد للمجلس العسكري فقط

الكلمه الوحيده الصح اللى قالها ان الشعب المصرى ذكى و الشعب المصرى حيعرف مين الشريف و مين عديم الشرف
و مين اللى عايز يقول انه باختصار كل الثوار خونه و كل من يخالف المجلس خائن و العباسيه و توفيق عكاشه و سبايدر و اسفين يا ريس و المشير رئيسا بس هم اللى بيفهموا ان نظريه المؤامره اللى نسج خيوطها المجلس ما هى الا نسيج عنكبوت سام هدفه القضاء على الثوره و الثوار
حسبى الله و نعم الوكيل فى الغباء و لا كلمه راكبه مع التانيه و لو فى عقل فى مصر حيبان انه مش عارف بيقول ايه و بيتخبط
و تحيا مصر و ثوره مصر و شعب مصر العظيم

عشان تعرفو كل اللي كانو في ميدان العباسية هم مخبرين بامن الدولة
الرجل تم تعليمه لكيفية جمع المعلومات ورفعها الى جهاز مباحث امن الدولة
لانه كم المعلومات التي نقلها وتحدث بها بالفديو
لاتدل انه انسان وموظف عادي
او مواطن مؤيد للمجلس العسكري فقط

يا اخى زهير دى مش كم معلومات
دى كم افتراءات مش راكبه على بعضها
جاب الشامى على المغربى
لكن فى وسط كلامه توضيح لخطه المجلس الجديده فى الفتنه
و هى كلمه ميليشيات عسكريه و كلمه توقيع بين المجلس و الجماعات الاسلاميه
و علشان كده عايز ست شهور كمان
علشان يظهر هذه الميليشيات العسكريه و يدبر التهم و يلفق الاتهامات لكل ناشط و ثورى و حر شريف فى البلد و كل معارض لسياسه المجلس الفاشله فى اداره شئون البلاد
اما توقيقه الجماعات الاسلاميه من اخوان و سلف فى المجلس دى انا متوقعاها من بدرى و بكره الايام حتبينها
بس اتمنى ان اكون علطانه و اتمنى النجاه لمصر و ان المجلس يمشى بسرعه قبل المزيد من الخراب ما يحل على البلد
و تحيا مصر و نوره مصر و شعب مصر العظيم

بصرف النظر عن الموضوع دا وكلام الراجل دا الله اعلم بصحته
بس انت عارفه يا بديعه النهارده انا سمعت خبر كويس اوي على قناة روتانا مصريه في برنامج الزفت هاله سرحان وكان المتصل لواء تقريبا من الجيش والراجل جاوب عن كل اسألة هاله سرحان وقال لها خلال الاسبوع دا هتشوفو الايادي الخفيه كلها في القفص ودم الشهداء مش هيروح هدر بني وبينك انا فرحت اوي وقلت خلينا نخلص بقى .
بس بعد كده قولت بديعه وزهير هيقولو ان المجلس لفقت التهم لبعض الناس علشان يبراء نفسه امام الشعب والرأي العام هههههههههههههههههههه

الراجل دة لما هوا عامل ابو العريف وعارف كل حاجة كدة امال الدخلية والمجلس العسكرى مش عارفين لية

بصراحة عندى اقتراح اية رئيك يابو العريف تمسك وزير الدخلية عشان نمن ان الايد الخافية هتتقطع وهتختفى اى حاجة انت هتعرفها وانت فى بيتك

حسبى الله ونعم الوكيل راجل مفترى

بصرف النظر عن الموضوع دا وكلام الراجل دا الله اعلم بصحته
بس انت عارفه يا بديعه النهارده انا سمعت خبر كويس اوي على قناة روتانا مصريه في برنامج الزفت هاله سرحان وكان المتصل لواء تقريبا من الجيش والراجل جاوب عن كل اسألة هاله سرحان وقال لها خلال الاسبوع دا هتشوفو الايادي الخفيه كلها في القفص ودم الشهداء مش هيروح هدر بني وبينك انا فرحت اوي وقلت خلينا نخلص بقى .
بس بعد كده قولت بديعه وزهير هيقولو ان المجلس لفقت التهم لبعض الناس علشان يبراء نفسه امام الشعب والرأي العام هههههههههههههههههههه

يا ريت يا عبد الرحمن يا ابنى يا ريت
احب ما عليا و الله اشوف الايدى الخفيه و اللهو الخفى مقبوض عليه
و بالادله و البراهين و مش بالفوتوشوب و لا الفيديوهات الملفقه
و ربنا يحق الحق و يظهر الحقيقه ان شاء الله
و حنشوف الاسبوع ده حيحصل ايه و لو انى مش متفائله خير بفيديو العيال اللى انقبض عليهم فى احداث الزاويه الحمرا على انهم الايدى الخفيه فى احداث مجلس الوزراء
ربنا يسترها علينا يا رب و ينجى مصر