معلومات اول مره اعرفها عن مميزات الشراء من على الانترنت واغلبنا بيفضل انو يشترى الحاجه اللى هو شافها ولمسها وقاسها كمان وانا بينى وبينكم بحب الف على المحلات وما جربتش الشراء من على الانترنت
وعجبنى المقال دا وحبيت افيدكم بيه
اولا: سعر اقل
طبعا حاجه طبيعيه لو بتشتري من محل ما لهوش ايجار ولا كهرباء ولا موظفين كثير وفي الاغلب ما بيدفعش ضرائب لازم هيكون السعر ارخص
ثانيا: توفير للوقت
يعني مش محتاجه تفضي يوم عشان تنزلي تعملي شوبينج ولو بتشتغلي مش لازم تخدي اجازه عشان تنزلي تشتري شوية لبس
ومش محتاجه تتخانقي مع اصحابك عشان حد ينزل معاك
ثالثا : ممكن تشتري في اي وقت
المحلات على الانترنت ما بتقفلش الساعه 12 بالليل يعني ممكن تشتري الساعه 3 الصبح ممكن تشتري في اي وقت 24 ساعه في اليوم
7 ايام في الاسبوع
رابعا : ممكن تختاري من الاف المحلات
على الانترنت عندك مجموعه كبيره من الاختيارات ممكن تتفرجي على ازياء من كل البلاد وممكن تختاري اكسسوارات هاند ميد من الاف
المبدعين حول العالم يعني ببساطه عندك اكبر تشكيله من الاختيارات على الانترنت
خامسا : اختاري براحتك
على الانرتنت ممكن تشوفي صور مفصله وبوضوح عالي جدا لاي حاجه عاوزه تشتريها يعني مش هتلاقي بياع غلس يتضايق اما تنزلي كل
المحل وتتفرجي عليه ومش هتلاقي بياع حشري بيقولك رايه من غير ما حد يساله ومش هتسمعي المحل صوتك العالي وانت بتتخانقي انت
واصحابك تختاري ايه احسن وانهي شكله احلى
طيب ايه اكثر مشكله بتقابلك عشان تشتري من الانترنت ؟
اكيد طبعا هيه الكرديت كارد واللي لسه للاسف في ناس كثير بتخاف تشتري من الانترنت بالكرديت كارد وفيه ناس كثير مش عندها كرديت كارد
احب اقولك عن الزمن ده انتهى دلوقتي ممكن تطلعي كرديت كارت لاستخدام الانترنت بس في اقل من 15 دقيقه وكمان امنه تمام
للاستخدام على الانترنت ومش محتاجه اي ورق او اي حاجه بس صورة البطاقه الشخصيه وبتحطي في الكراد فلوس وقت اما تكوني محتاجه
تشتري حاجه بس
لو انت في مصر
بنك كريدي اجريكول عنده كارد اسمه جيفت كارد او كارد الهدايا روحي اقرب فرع للبنك في المنطقه اللي انت فيها
ي هنا عشان تشوفي اقرب فرع ليكي
خدي البطاقه الشخصيه معاك و 15 جنيه بس ثمن الكارد وهتستلميه وانت واقفه
في العلبه بتاعت الكارد هتلاقي ظرف في البن كود او الرقم الشخصي عشان مكنة البنك (جهاز ال اتي ام )
في اي وقت تقدري تحطي فلوس في الكارد من مكنة البنك القريبه منك ي هنا عشان تعرفي اقرب مكنة ليكي
ومش محتاجه تتعاملي مع البنك في اي حاجه تاني كل حاجه بتم عن طريق جهاز ال اتي ام سواء كان ايداع او سحب
او حتى استفسار عن الحساب
نتمنى تكون النصائح دي مفيده وتساعد على تغير ثقافتنا في الشراء من الانترنت ونحب نعرف راي وتجربة كل البنات
في موضوع الشراء من الانترنت
ها ايه رايكم فى الكلام دا وهل حد جرب فعلا الموضووع دا يتقلنا تجربته
يمكن اتشجع