كرهـتك قد ما ضحكت على شقايا
كرهــتك قد ما كانت امى تحب رؤيـايـا
و قد رعشة ايدى وانا بكتب
أول قصيده أكتبهالك
كرهتك ودي آخر قصيده أكتبهالك
و آخر قصه فى كتابك
و آخر طيف يبات الليل على بابك
بعترفلك انك بجد كسرتنى
بس انت واحد من ألوف
و ياما طول ما انا عايش هشوف
انت مجوعة قصايد بالمحبه بتبتدى
وهى دى
آخر قصيده أكتبهالك
و كان بودى اسمعهالك
نبرة الحزن فى كلامى مش ندم
ايه يعني جرحت قلبي وسيبلي حبة ألم
كل ما فى الأمر إنى لسه ماشبعتش خيانه
الا قبله تعرف ايه معني الخيانه
مش خيانه تحب غيرى
مش عايزك تبقي ليا
ولا عايزك تبقي طيري
بس تبقى خيانه عظمى
يوم ما يبقى الحب كلمه
يوم ما تبقى مالبدايه
حاطط للقصه نهايه
يا ترى لساك فاكر
فاكر يوم ما رميت قلبى بنظرتك
قلبى اتجرح
كان فرح
أنا لسه فاكر.. كان فرح
قلت احبك
يمكن الحب يداوينى
ودينى
بكره اليوم اللى شفتك
بكره الشارع اللمشينا فيه فكره اللليل اللضمك
بكره كل حاجة بتفكرني بيك
بكره كلمة حبيبي
اكمنها كانت بنسبالي اسمك
بكره انى ابتسم
حتى اترسم
حتى اتدفن
بكره ايديا اللسلمت
بكره عينيه اللحلمت تضمك
حتى حضنى بكرهه لما اتسعلك
بكرهك
ياللي ابتسامتك فرحتني
ياللي لمست ايدك لأيدي طمنتني
و مرجحتنى و زحزحتنى
كنت فاكر الزمن بيك هايصلحني
والحياة بيك راح تنور
قلبي المكسور بيعلن لانتصارك ميت دليل
و انكساري مال على ودانى وهمسلى
قاللى البرئ ما بقاش برئ
قاللى إن كل دا زيف
قاللى صبرك
يا دى صبرى
اياك فاكرنى من حجر
ده اللى قاسى فى حبك انت
لو حجر كان انفجر
كنا زى اتنين فى صحرا
ما فى ناس ما فى عيب مافى خوف ما فى بكره
كنا خيل وليل و مهره
احنا كنا
احنا كنا
والله ناسى كيف ما كنا
بس كنا
مش بقولك
انت مجموعة قصايد
لم ورقك خلاص الحبر جف
شيل عمرك باللى فيه
خدت منك كام قصيده سامحلي فيهم
و ابتسامتى سيبتهالك
احكى للى جى بعدي
احكيله عن حبي ليك وعن حكايتي
قوله فيه زمان حد من حبه فيا عقله خف