نجوم مصرية
منتديات نجوم مصرية منتدى التسلية والترفيه نكت مصرية



تابع نجوم مصرية على أخبار جوجل




نكت صعايدة جديدة 2012 - نكت مصرية 2012

 


واحد صعيدي شغال في السعودية بعت الى أمه كيلو شيكولاته فاتصلت عليه وقالتله الصابون اللي بعته بيوسخ الهدوم .


واحد صعيدي حب يموت سمكة غرقها ف الميه .سألو صعيدي هاتعملوا ايه لو رشو كيماوي؟ قال هاعمل نفسي نايم .


صعيدي بالغلط دخل متحف للفن الحديث .. وقف عند لوحة وسأل أحد المنظمين جنبه : ايه الشكل المرعب ده، هو ده الفن اللي بتسموه حديث؟ رد المنظم : دى مراية يا أستاذ


صعيدي واقف قدام المراية ومغمض عينيه …. مراته بتساله : بتعمل ايه؟ .. قالها : بحاول اشوف شكلى ازاى وانا نايم .


المدرس طلب من التلاميذ كتابة موضوع عن مباراة شافوها في كرة القدم .. كل التلاميذ مشغولين بالكتابة الا عوضين الصغيَر .. كتب جملة واحدة وقعد: ‘بسبب الامطار تأجلت المباراة’ .


واحد صعيدي لقى كنز ، راح دفنه جمب نخله وكتب عليها ” مفيش هنا كنز” فعدى حمدان جمب النخله وضحك ضحكة شريرة وقال اكيد هنا فيه كنز .. وحفر وطلعه … وبعدين شال اليافطة وكتب : ” حمدان مخدش الكنز”




صعيدي زكي ومراته طلبوا قهوة في كافيتيريا بيقولها : اشربي بسرعة … قالتله : ليه؟ … قالها : لانك جاهله ومابتعرفيش تقري، مكتوب قهوة ساخنة ب 5 جنيه وقهوة باردة ب10 جنيه .


صعيدي راح ل ماكدونالدز وقال لهم عندكم حلقات بصل ..قالوا ايه ..قال ادوني الحلقة الاخيرة .


إيه اللي بيكون مكتوب داخل جزم الصعايدة ؟ ورقة مكتوب عليها: أدخل الأصابع أولا.


واحد صعيدي بيقول لواحد ثاني: عيني اليمين واجعاني قوي يابوي وكل ماافتحها أشوف نقط سودا قال له: طيب شفت دكتور عيون ؟ قال له: يا بني آدم باقول لك شفت نقط سودا .


صعيدي من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبا بك في أسيوط
بيقولك ليه بلدينا بيكون ذكي لما يطلع من الصعيد؟ علشان بيكون خارج نطاق التغطية

واحد بلدينا اتصل بالمطافي وقال لهم: إيه؟ هو يعني لو مافيش حريق مانشوفكمش خالص كدا؟

واحد ياباني شغال في مشروع في قبلي، قام فات على بقالة عشان عايز يشتري عشر علب بيبسي، قال لبلادينا: كوميهاني سيبة موفا كالاو بيبسي … بلدينا رد عليه: بتقول إيه؟ عايز عشر علب إيه؟


تلميذين من بلدياتنا وصلوا المدرسة متأخرين … سأل الأستاذ واحد منهم كان بيعيط قوي: إيه اللي جابك متأخر كده … قال وهو بيعيط: أصل الشلن بتاعي وقع مني وكنت عمال أدور عليه علشان ماعييش غيره … فسأل الثاني: طيب وإنت بقى كنت بتدور معاه برضه؟ … قال: لا يا أستاذ، أنا كنت دايس ع الشلن برجلي !!

تسعة صعايدة حبوا يبقوا مشهورين، كونوا فرقة وسموا نفسهم ثلاثي أضواء المسرح

واحد في مأتم واحد بلدينا مات امبارح، بيسأل، هو بلدينا مات بإيه؟ رد عليه اللي جنبه: حط إيده في برميل مية نار قال له: طيب وهو اللي يحط إيده في برميل مية نار يموت؟ قال له: لأ، ماهو لما مالاقاش إيده … دخل راسه في البرميل عشان يدور عليها!!
تابع نجوم مصرية على أخبار جوجل



واحد بلدينا عايز يعمل عملية انتحارية، قام دخل مطعم وضرب نفسه بسكين تلاتة زباين ماتوا من الضحك .

واحد بلدينا ماشي ع الرصيف … شاف واحد سأله: هو فين الرصيف الثاني رد عليه: الناحية الثانية .. بلدينا قال: حاجة تدوخ!! … والله أنا سألت الناحية الثانية قالو لي هنا!!

بلدينا بيسأل صاحبه: هو الشيخ عبدالباسط عبدالصمد أخو الشيخ محمد متولي الشعراوي؟ قال له: يا أهبل … ده مجرد تشابه أسماء .

صعيدي بيفتح الثلاجة على مهله وببطء شديد ليه؟ عشان يكتشف مين بيفتح النور .


بلدينا قال لصاحبه: بتشرب قهوة بالليل؟ صاحبه قال له: أنا إذا شربت قهوة بالليل ما أقدرش أنام … بلدينا رد: أنا بقى عكسك، إذا نمت ما أقدرش أشرب قهوة .


بيسألو واحد بلديتنا: تعرف مين طاهر القويرى؟ قال: مش لما اعرف مين طاهرنى انا الاولمدرس سأل طالب بلدياتنا، لما تكبر هاتكون إيه؟ قاله: عجوز طبعا!!






المقال "نكت صعايدة جديدة 2012 - نكت مصرية 2012" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
نكت صعايدة جديدة 2012-أحدث نكت عن الصعايدة
أجدد رسائل عيد الام مصرية 2012 جديدة لانج
رسائل عيد الام مصرية 2012 جديدة
نكت صعايدة - نكت صعايدة 2011 - نكت صعايدة 2012
حركة 6 ابريل : تحشد قواها لاشعال 25 يناير 2012 ثورة مصرية جديدة

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية