تفتكروا ايه رايكو في الولد اللي اهلة ممكن يفرضوا عليه عروسة معينة يتجوزها او يفرضوا عليه انه يسيب بنت بيحبها جدا عشان دي رغبتهم يعني مثلا عشان مش من مستواهم الاجتماعي ؟؟؟ تفتكروا ده موجود دلوقتي ؟ ولو انت مكان الولد ده هتسيب فعلا حب عمرك عشان رغبة اهلك حتي لو مش مقتنع بكلامهم؟؟ ولا هتعمل ايه شاركوني ارائكم

انا هقولكو رايي بعد لما لما اسمع منكم بس بجد انا فعلا محتاجة اسمع منكم محتاجة اعرف هل فعلا الولد ممكن يسيب حد بيحبه سنين عشان سبب الفرق الاجتماعي اللي اهله شايفينه وهل لو سمع كلام اهله يبقي معاه عذره؟؟؟؟؟

الحكايه دى حصلت مع واحد من اقرب الناس ليا

ومع ذلك اتجوز البنت اللى بيحبها

و ساب بيت اهله و اتجوز فى شقه بره

و بعد ما خلف اول عيل رجعت المايه لمجاريها و رجع قعد فى بيت اهله

و بقو زى السمن على العسل

والله بما ان السوال دة للولد فا انا مقدارش اجاوب
علشان مبقاش متحيازة

مرسي هاري علي ردك بس برده انا مبقولش انه يسيب بيت اهله ده برده غلط بس رده ميكونش البديل انه يسيب الحد الوحيد اللي حبه بجد حب سنين ووقف جنبه بجد مرسي اوي علي مشاركتك

مرسي esoبس علي فكرة السؤال للولد بس احنا من حقنا نناقش لان احنا اللي بنتخدع بجد يعني احنا في الموضوع اللي انا بتكلم فيه ده احنا المجني علينا ومرسي كتييييير ياقمر

والله الموضع يحير جدا

بس مش عارف

يمكن علشان ممرتش بالموقف ده

ربنا يستر ومتعرضش للموقف

=== ( شكرا-- موضوع رائع جدا )

انا من رائي ما سيبش حب عمري ابدا

حتي لو اختلفت مع اهلي وبعدين لو هما اختارولي عروسة مش هوافق لاني انا اللي هتجوز مش هما

وشكرا لموضوعك الجميل ده

انا بنت بس هقول راى لان البنت هى اللى بتتحط فى المواقف دى


طبعا لو بيحبها ميتخلاش عنها ويقنع اهله بيها على قد ميقدر بس ميسبش حب عمره لغيره


ويجرح انسانه حبيته وهو حبها

لانه لو هو وافق اهله وسابها البنت عمرها ما تفهم كده

هتفهم انه استسلم لرأى اهله وانه هو كمان مش عاوزها

مرسي my steroعلي ردك ويارب ابدا محدش يتعرض لموف زي ده

مرسي القلب الطيب علي مشاركتك انت فعلا قلب طيب

مرسي يااحلي خوخة في الدنيا انتي عندك حق

اقولوكو بقي حاجة اكيد انتو كلكو حسيتوها انا اتعرضت للموقف ده حبيت اكتر من 3 سنين وقرينا فاتحة من اول سنة عرفته فيها وقعدنا تلت سنين ونص مش عارفين نلبس دبلة عشان اهله ليهم شرط اننا نمشي من المكان اللي احنا ساكنين فيها بيت بابا يعني عشان هما مش من مستواهم انهم يجيبو بقيت العيلة شبرا عشان نلبس دبلة وهو سمع كلامهم استنيتو لما خلص جيش واشتغل كذا شغلة لحد لما لاقي الشغل المناسب ليه ووقفت جنبه في تعبه لحد ماربنا اكرمه وشفاه وكان تعب خطير لدرجة ان في ناس قالولي اني اسيبه لما جاله التعب ده بس بابا قالي اقفي جنبه ومن غير مابابا يقول وقفت جنبه وكنت معاه في المستشفيات من اول ماعرف انه تعبان لحد ماخف وبقي كويس واشتغل شغل عالي وبعدين سمع كلام اهله وقالي دول اهلي ياياسمين وربنا امرنا بطاعتهم ايه رايكو بقي اايه رايكو في تحطيم حياتي وجرحي وضياع اول حب ليا , اول مرة في حياتي احب واعرف حد يعمل معايا كده ؟؟
اكيد هتقولو عليا عبيطة وهبلة عشان استنيتو كل ده وفي الاخر انا اللي عمري ضاع جنبه

بجد موقف ..............

ربنا يكون فى عونك

وان شاء الله يجى اللى احسن منه 100 مره

ويقدرك ويحترمك

وانا بقدرك على موقفك العظيم ده

مرسي my steroعلي ردك الجميل بس المواقف العظيمة الايام دي بقيت سخافة واللي يعملها بيتجرح كتير اوي

انا عن نفسى هاوافق اخدها استبن
هههههههههههه
لا يا جماعة انى بنهزروا

مرسي ادسنس بس مش المفروض تسخر من جرح الناس ومن مشاعرهم وعلي اي حال شكرا

لا طبعا






الموقف ممكن يحصل بس من البنت مش من الولد




والموضوع ده حصل كتير اوي قدامي



لكن الولد لازم يبقي ليه كلمه وراي لان هو صاحب قراره

وشكرا ليكي يا ياسمين

مرسي روميو علي ردك بجد ميرسي

ولا يستاهل شعره واحده منك ولاتندمى فى يوم عليه انتى كتير عليه . الولد غير البنت وبعدين لما يكون راجل ويقول كلام اهلى يبقى ميقدرش يفتح بيت ومسئول عن اسرة .انا اعرف واحد قريبى مستواه الاجتماعى عالى والده دكتور فى الجامعه ومستواه عالى واتمسك بالبنت اللى حبها واقنع اهله واتجوزها اهم حاجه الاخلاق انا قصتى مشابهه بس الفرق ان مستوانا واحد صبرت عليه لما خلص جيش واستنيت يقول حاجه سكت باع سنين ضاعت من عمرى معاه اضطريت ابعد عشان يختار مفيش شهور وكان خاطب وماشى من قدام البيت عشان يورينى الدبلة فى ايده

عندك حقkakiفعلا هو مايستاهلش حاجةبس علي فكرة انا وخطيبي الاولاني مستوانا المادي واحد وكل حاجة هي الفرق بس في المكان اني انا مقيمة في شبرا وبابا متمسك جدا بالبيت لانه بيت باباه بس هو يقدر انه ينتقل في اي مكان بس طبعا متجيش شرط من واحد عشان يتجوزني وعلي رايك هو مايستاهلش شعره مني وانتي كمان نفس الموضوع برده مايستاهلش الموضوع مش موضوع ولد وبنت الموضوع موضوع حد بيحب وحد مبيحبش ومرسي ياجمل كاكي

انا مشوفتش الردود بس كل اللي اقدر اقولو

ان فعلا الاهل بيبقوا خايفين علي ولادهم اوي
وشغل الافلام والمستوي الاجتماعي والكلام ده فعلا موجود
وهاتتعبي فعلا لو ماخديش راي اهلك

وانا لو منك اصلي صلاه استخارة
وربنا يوفقك


راغب

علي فكرة ياراغب انت مقريتش الموضوع كويس اقراه وبعدين مستنية ردك يارغوبة انت دلوقتي رديت علي كلام تاني خالص

عمر المستويات بتسعد الأ نسااااااااا ن
ولا تخلهم بسعاده
عا يشن
انا طبعاً مهما كان
هخطر المستقبل
الأ نسانه اللي بحبها
وتحبني
رغم كل شيء

مرسي ياشاعر الاحزان علي مشاركتك بجد شكراااااااااا كتيررر

بصراحة يا ياسمين قصتك اثرت فيا اوي لانى مرت بنفس القصة

واتعذبت كتير بس في الاخر خدت موقف من الموضوع ده لان اللي حبيته مقدرش باي حال من الاحوال

انه يقنع اهله فقررت ابعد وفعلا ده لازم يكون الحل والنهاية للجرح ده

ربنا يعوضك خير ويصبرك يارب ويوعدك باللي احسن منه

مرسي يااحلي نايس جيرل في الدنيا وبجد ربنا بيعوض كل حد اتجرح واتظلم وانا عارفة ومتاكده انك رنا اكيد شيلنا حاجة حلوة

اتمنى يكونى راىى راى ياخذ بيه
انا احب اقول ان الحب لازم نضحى من اجله وموش معنى ان انا حبيت واتخدعت اقوم اندم
لو كل واحد مشي بالنظريه دى

يبقى الكل عايش فى كابه
وده راى عن تجربه شخصيه
حبيت واحد لمده تسع سنين والله العضيم ما ببالغ
فعلا تسع سنين
من قبل ما عرف الحب
والحب كان بجنون ومن طرف واحد ومع ذلك ماندمتش لحظه انها راحت لغيري

بالعكس انا المشاعر اللى حصلتلى معاها
عمرها ما حصلت ولا هتحصل
والسؤال بتاعك يا
اجمل ياسمين حصل معايا لكن الوضع مقلوب

مرسي اربح ذهب علي مشاركتك الجميلة دي بس انا مش ندمانة اني اديت مشاعر او حب انا ندمانة اني اديتهم لحد مايستاهلهومش وميعرفش معناهم بس لكن المشاعر الجميلة عمرك ماتندم عليها ابدا

ولا تزعلى نفسك

كتير من الولاد كده

مش كل الولاد تمام وبيعرفوا يحبوا

لا بالعكس ده كتير منهم بيحب يجرح

وبيكون فرحان وهو بيقول مش سبت فلانه

بس انا عايزاكى تعرفى حاجه واحده بس

اللى عمله فيكى هيتعمل فيه

ليكى ربنا وعمره ما هيسبلك حقك

مري ياخوخة ياجميلة بس انا مش عايزاه يتعمل فيه حاجة خلاص ربنا يسامحه والحمد لله انها جت علي اد كده