تكاثرت الدعاوي علي الانترنت بين الشباب والنشطاء الي ترك ميدان التحرير واللجوء الي اماكن اكثر حيوية في يوم 25 يناير القادم والذي اعتبره البعض بمثابة ثورة اخري ولكن ضد المجلس العسكري هذه المرة

فقد اقترح البعض النزول الي ماسبيرو والبعض اقترح مجلس الوزراء وغيرها من الاماكن الحيوية مما يضر بها في خطوة يقصد بها النشطاء علي المجلس العسكري دون النظر الي مصالح البلاد

وقد قال النشطاء المؤيدون لهذه الخطوة ان ميدان التحرير فقد معناه وان النزول الي هناك لم يعد مؤثرا مما ادي الي اقتراح البعض للنزول الي اماكن اكثر حيوية ومباني المصالح العامة ومنشات الدولة

ومابين مؤيد ومعارض للنزول الي الاماكن الحيوية في يوم ذكري الثورة الاولي يوم 25 يناير القادم نترك لكم هذا الاستفتاء لمعرفة مدي موافقة الرأي العام علي هذا الاقتراح من عدمه

هوا ده الخروج عن سلمية الثوره..لتتحول الثورة المصريه من (ثوره سلميه) الى(الثوره التخريبيه) وده اللي هيخلي الناس تسب اكتر في الثوره والثوار و مش بعيد يوم 25 او 26 يناير ينزل مؤيدين للمجلس العسكري(دول بيكتروا مع الوقت للاسف) ويضربوا فالثوار وتبقى مذابح دمويه وحرب اهليه والشعب يضرب فبعضيه..احذروا من الكلام ده الاعتصام فميدان التحرير فقط واي مكان تاني هيؤدي لمشاكل من اهالي المنطقه توصل للضرب بالاسلحه البيضاء ومشاكل من مؤيدين العسكري.

إستمرار حالة الثورية والإفراط فيها أخذت من الثورة أكثر مما أضافت لها - حيث بدأ الكثير ممن كانوا يبدون تعاطفا ومساندة للثورة والثوار يشعرون بالضجر وينصرفون عنها لأسباب عديدة لايتسع المقام لحصرها - السؤال هنا - كلنا تحدثنا ونادينا بالحرية والديمقراطية التى نتشدق بها وارتضيناها لنا سبيلا - فكيف لنا بعد اتمام هذه الخطوة الواسعة على طريق الديمقراطية المنشودة وبعد ان اصبح لدينا برلمانا منتخبا ان نستمر فى الدعوة للحشد والتظاهر - الشرعية الديمقراطية التى جاءت بهذا البرلمان لابد ان يفسح لها المجال كاملا لفتح كل الملفات العالقة واتخاذ كل التدابير اللازمة حيال طرحها ومناقشتها وايجاد حلول ناجزة لها فالنواب يعكسون ارادة السواد الاعظم من الشعب الذى ذهب وصوت لهم كى ينوبون عنه ويمثلوه تحت قبة البرلمان أليس كذلك ؟ فلاداعى للتلويح باى شرعيات اخرى مزمعة كالشرعية الثورية والشرعية الشعبية - طالما اتفقنا على احترام الديمقراطية فلابد من رفع شعار " لاصوت يعلو فوق صوت الشرعية الديمقراطية " حتى لاينفلت الذمام وتختلط الاوراق اكثر من ذلك ونفاجأ بأننا دخلنا بالبلاد فى حلة فوضى عارمة وحالة جدل لاينتهى وصدام بين أصحاب الشرعيات

نتائج الاستفتاء حتي الان

61% معارض لفكرة النزول اصلا

23% معارض للنزول الي الاماكن الحيوية ومؤيد للنزول للتحرير فقط

16% مؤيد للفكرة

الواحد يحتفل بالثوره لو كانت حققت اهدافها
لكن انا مش شايفه حاجه اتحققت
دلوقتى بقالنا سنه و بنلف و ندور على محاكمات فاشله و انتخابات فاشله و برلمان فاشل و اللى نجحوا فى البرلمان الفاشل بيطالبوا بخروج امن للفلول و المخلوع و المجلس بلد ما يحققوا متطلبات الثوره و لسه قانون الطوارئ شغال و لسه المعتقلات و ما حدش اتحاكم على قتل حد و العدل متراجع و ربنا يسترها علينا ان ماتت الثوره كلنا حنموت معاها و نرجع نطاطى روسنا و نخضع للظلم و القهر و الذل و الفساد .. لازم الثوره تستمر الى تحقيق متطلباتها كامله
و تحيا مصر و ثوره مصر و شعبها العظيم

محدش ضد الثورة ومحدش ضد ان الحقوق ترجع لصحابها
بس اثبتت التجارب ان الاعتصامات الخاسر الاول والاخير فيها هم المعتصمين
يعنى ممكن جدا يدهسوا بمدرعات مسروقة وممكن كمان يتسمموا بوجبه حواوشى نظيفه
وفى الاخر تطلع مجموعه جديدة تطالب بحقوق الشهداء وهكذا لحد ما الشعب يبقى نفرين تلاته يحبسوهم بقى باى تهمة ويأجروا البلد ايجار جديد

ضربنى وبكى وسبقنى واشتكى

دا الحال من اول الثورة ما قامت لحد ما هتقعد

معارض لفكرة النزول اصلا

محتاجين شوية هدوء ونراقب الاوضاع ونحن نعمل ونرى مجريات الأحداث هل هى لصالحنا ام لالالا
فى حالة لالالا ميدان التحرير متواجد ولن يهرب
وشكرا لك كرم

الاستاذة الفاضلة بديعة: كلامك سليم ان الثورة ماحققتش كل اهدافها , لكن المشكلة ان الناس مش مدية فرصة للثورة تحقق اهدافها, انا شايف اننا نروح نشتغل ونحاول نفيد الناس ونسيب المحاكمات او الحكومات دلوقتي يعدونا من المرحلة دي, لان المفروض بعد كده يكون رأينا في صناديق الانتخاب مش في الميادين, مع اني كنت رافض وصول الاخوان للحكم ومعترض علي طريقة دخولهم المجلس المرة دي عن طريق استغلال اسم الدين وترويع الغلابة لكن في كل الاحوال تبقي الصناديق افضل من الميادين, ده رأيي الشخصي وربنا يولي من يصلح لان مفيش ثورة جابت نتيجتها من يوم وليلة والمفروض اننا نسيبنا من محاكمات النظام السابق ونركز في البلد, لان المشكلة في اللي فات, المشكلة في اللي جاي, الثورة قامت عشان الشعب يعيش ومصر تبقي افضل مش عشان نحاكم النظام السابق (ده رأيي الشخصي طبعا والاختلاف وارد)

شكرا لحضرتك

-------------

الزائرة المنورة المنتدي منار : متفق معاكي جدا جدا , الناس فاكرة ان الثورة هي الكلام في السياسة والتعبير عنا الاراء وخلاص, انما الثورة هي اننا نشتغل ونخلي مصر دولة افضل, والصراحة مش لاقي اي حد ع الساحة كلها حاول يشتغل عشان مصر ونفض للمحاكمات او للطموح السياسي

نفسي الاقي جهة مصرية تشتغل خالصة لوجه الله ثم لمصلحة مصر من غير اي طموح سياسي عشان البلد تكون افضل, وفي نفس الوقت نبطل تخوين لبعض عشان الحكاية زادت عن حدها

ردودك متميزة يا منار وانا شخصيا احب اقراها, شكرا ليكي

-----------

ريبل : خير الكلام ما قل و دل

لكن كلامك ممكن يكون علي الوجهين, مرة الثوار هما اللي ضربوا ومرة المسئولين هما اللي ضربوا, خلينا ندعي ان الثورة تقعد لاني تعبتلها من الوقفة والله

-----------------

جدتنا الغالية : مش عارف ايه اللي هيحصل لو الناس ركزت في مصلحة البلد وادت فرصة للزمن انه يمشي في مساره الطبيعي, الانتخابات حصلت وبعدها انتخابات الرئاسة وخلاص المولد ينفض, والنتائج عمرها ماهتظهر دلوقتي ابدا, والصراحة انا شايف انه من الانانية جدا ان البلد كلها تتعطل عشان مصلحة بعض الفئات اللي مش عاجبها جزء معين في مصر , انا اصلا مش عاجبني اي حاجة في مصر دلوقتي, ولو حبيت انتقد هاقعد في التحرير 24 ساعة بس مش ده الصح , ان الله لا يغير مابقوم حتي يغيروا ما بانفسهم ,

تسلمي ياجدتنا الغالية نورتي الموضوع بردودك والله

هههههههههههههههههههه الى معارض النزول اصلا وبيقول نشتغل احسن او عايزين هدوء . بالله عليكم كيف ينصلح حال البلاد ومازال نظام مبارك هو الى بيحكم يعنى لو مفيش ميدان تحرير تانى يوم 25 يناير يبقى كانى معملتش ثورة من الاساس او نقدر نقول نصف ثورة هدفها القضاء على مشروع التوريث

هههههههههههههههههههه الى معارض النزول اصلا وبيقول نشتغل احسن او عايزين هدوء . بالله عليكم كيف ينصلح حال البلاد ومازال نظام مبارك هو الى بيحكم يعنى لو مفيش ميدان تحرير تانى يوم 25 يناير يبقى كانى معملتش ثورة من الاساس او نقدر نقول نصف ثورة هدفها القضاء على مشروع التوريث

يا اجتماعى آخر حاجة
اقصد من كلامى نصبر على قدر المستطاع لغاية ما نشوف آخرتها ايه معاهم
نشوف الاحكام على النظام السابق ونشوف الاحزاب الجديدة حا تعمل ايه
وعلشان لما نقوم بثورة اخرى واقوى من الاولى نبقى بنعملها على اسس سليمة
هذا مقصودى
وتحياتى لك

ِكرا يا كرم على الاخبار المميزة وشكرا جدا على كلامك الجميل
ويارب الاحوال تتصلح علشان خاطر البلد

بكل أسف الثورة فى طريقها السريع إلى الخفوت وبسرعة رهيبة ونتج هذا من الإنقسام الحاد بين المصريين أنفسهم.

الاستاذة الفاضلة بديعة: كلامك سليم ان الثورة ماحققتش كل اهدافها , لكن المشكلة ان الناس مش مدية فرصة للثورة تحقق اهدافها, انا شايف اننا نروح نشتغل ونحاول نفيد الناس ونسيب المحاكمات او الحكومات دلوقتي يعدونا من المرحلة دي, لان المفروض بعد كده يكون رأينا في صناديق الانتخاب مش في الميادين, مع اني كنت رافض وصول الاخوان للحكم ومعترض علي طريقة دخولهم المجلس المرة دي عن طريق استغلال اسم الدين وترويع الغلابة لكن في كل الاحوال تبقي الصناديق افضل من الميادين, ده رأيي الشخصي وربنا يولي من يصلح لان مفيش ثورة جابت نتيجتها من يوم وليلة والمفروض اننا نسيبنا من محاكمات النظام السابق ونركز في البلد, لان المشكلة في اللي فات, المشكلة في اللي جاي, الثورة قامت عشان الشعب يعيش ومصر تبقي افضل مش عشان نحاكم النظام السابق (ده رأيي الشخصي طبعا والاختلاف وارد)


أخى كرم جزاك الله خير
اعترافك بان الثوره لم تحقق اهدافها بدايه جيده جدا
كيف تحقق الثوره اهدافها و لم يلغى قانون الطوارىء و الاعتقالات مستمره و المحاكمات العسكريه و المداهمات لجمعيات حقوق الانسان و الاتهامات بالمكيال للثوره و الثوار بالعماله و الخيانه و لم يحاكم قاتل لشهيد و لم يحاكم فاسد ولا فلول و القائمه تطول؟
فى ظل انعدام العداله الناجزه السريعه و القصاص الحاسم لن تكون لاى شعب حياه (و لكن فى القصاص حياه)
لو عايزين نعيش يبقى نعيش بكرامتنا و على نظافه و تطهير و على اساس صح
هناك من يقاوم بناء الاساس المتين لمجتمع و دوله قانون و حريه و عداله (مش بتاعه الحزب) لكن الحقيقيه اللى لا تتكلم عن ديه لاهالى الشهداء و خروج آمن للفاسدين و القتله و اعدام للثوره و الثوار
علشان نعيش و نحقق متطلبات الثوره لازم الثوره تستمر الى تحقيق كل متطلباتها
و اللى بيعطل تحقيق متطلبات الثوره بالتأكيد مش الثوار و لكن من فى يده حكم البلاد و من فى يده اتخاذ القرارات
يا ريت الثوار لم يعودوا من الميدان و يأمنوا البلد على صديق مبارك و العادلى كان زماننا فى احسن حال
و لكن كلمه لو تفتح العمل للشيطان و اعوذ بالله من الشيطان الرجيم
قدر الله و ما شاء فعل
الحل ان تستمر الثوره الى تحقيق متطلباتها علشان الشعب يعرف يرفع راسه
و الا لو ماتت الثوره و الثوار لن تقوم لنا قائمه و لاكمان ميت سنه
و تحيا مصر و ثوره مصر و شعبها العظيم

أخى كرم جزاك الله خير
اعترافك بان الثوره لم تحقق اهدافها بدايه جيده جدا
كيف تحقق الثوره اهدافها و لم يلغى قانون الطوارىء و الاعتقالات مستمره و المحاكمات العسكريه و المداهمات لجمعيات حقوق الانسان و الاتهامات بالمكيال للثوره و الثوار بالعماله و الخيانه و لم يحاكم قاتل لشهيد و لم يحاكم فاسد ولا فلول و القائمه تطول؟
فى ظل انعدام العداله الناجزه السريعه و القصاص الحاسم لن تكون لاى شعب حياه (و لكن فى القصاص حياه)
لو عايزين نعيش يبقى نعيش بكرامتنا و على نظافه و تطهير و على اساس صح
هناك من يقاوم بناء الاساس المتين لمجتمع و دوله قانون و حريه و عداله (مش بتاعه الحزب) لكن الحقيقيه اللى لا تتكلم عن ديه لاهالى الشهداء و خروج آمن للفاسدين و القتله و اعدام للثوره و الثوار
علشان نعيش و نحقق متطلبات الثوره لازم الثوره تستمر الى تحقيق كل متطلباتها
و اللى بيعطل تحقيق متطلبات الثوره بالتأكيد مش الثوار و لكن من فى يده حكم البلاد و من فى يده اتخاذ القرارات
يا ريت الثوار لم يعودوا من الميدان و يأمنوا البلد على صديق مبارك و العادلى كان زماننا فى احسن حال
و لكن كلمه لو تفتح العمل للشيطان و اعوذ بالله من الشيطان الرجيم
قدر الله و ما شاء فعل
الحل ان تستمر الثوره الى تحقيق متطلباتها علشان الشعب يعرف يرفع راسه
و الا لو ماتت الثوره و الثوار لن تقوم لنا قائمه و لاكمان ميت سنه
و تحيا مصر و ثوره مصر و شعبها العظيم[/quote]

اختى الفاضله بديعه
كل كلامك ده محترم ولا يوجد من يختلف عيه
وانا متابع جدا لرأيك فى هذا الموضوع
ولكن للاسف انا لا اعرف ما قصدق من
(الحل ان تستمر الثوره الى تحقيق متطلباتها علشان الشعب يعرف يرفع راسه)
كلام لا يختلف عليه اثنين
لكن انتى لم تطرحى الاسلوب
هناك عدة اساليب (المليونيات او الاعتصامات او الاهتمام بمؤسسات الدوله وتطهيرها )
انا ارى انه لو تم اختيار رئيس جمهوريه منتخب متفق عليه كل الشعب
وتم تطهير السلطه القضائيه من القضاه الفاسدين (هناك بلاغات ضد 300 منهم منذ 2005)
وتطهير النيابه من المحققين المتورطين فى تحقيقات سياسيه ملفقه
تطهير قيادات الشرطه من الفاسدين
تطهير قيادات الجيش من (الذين حصلوا على الاراضى والذين حكموا على الابرياء )
فى المحاكمات العسكريه
انا اريد ان اعرف رأيك ماذا تقصدين من استمرار الثوره؟

نروح لأماكن حيوية أحسن؛ عشان نولعها ونخربها، ومنستفدش حاجة من الثورة.

انت شايف كدا يا كرم انها ممكن تتفهم من ناحيتين ؟؟؟؟؟؟؟؟؟؟؟؟؟؟؟؟؟


ماشى

اختى الفاضله بديعه
كل كلامك ده محترم ولا يوجد من يختلف عيه
وانا متابع جدا لرأيك فى هذا الموضوع
ولكن للاسف انا لا اعرف ما قصدق من
(الحل ان تستمر الثوره الى تحقيق متطلباتها علشان الشعب يعرف يرفع راسه)
كلام لا يختلف عليه اثنين
لكن انتى لم تطرحى الاسلوب
هناك عدة اساليب (المليونيات او الاعتصامات او الاهتمام بمؤسسات الدوله وتطهيرها )
انا ارى انه لو تم اختيار رئيس جمهوريه منتخب متفق عليه كل الشعب
وتم تطهير السلطه القضائيه من القضاه الفاسدين (هناك بلاغات ضد 300 منهم منذ 2005)
وتطهير النيابه من المحققين المتورطين فى تحقيقات سياسيه ملفقه
تطهير قيادات الشرطه من الفاسدين
تطهير قيادات الجيش من (الذين حصلوا على الاراضى والذين حكموا على الابرياء )
فى المحاكمات العسكريه
انا اريد ان اعرف رأيك ماذا تقصدين من استمرار الثوره؟ [/quote]

اخى الفاضل كامل
الاسلوب السلمى هو المطلوب فى الثوره طبعاااااااااااااااااااااا
نجحت ثورتنا جميعا (كشعب مصرى راقى) لانها اتبعت الاسلوب السلمى ولا بد ان تظل سلميه
و الاساليب السلميه و القانونيه كثيره و هى الاسلوب الاوحد و الافضل دائما
انا لم و لن اطالب يوما بحرق او عنف و لكنى انبذ العنف ضد الثوار المطالبين بحقوقهم المشروعه و المعترف بها من قبل المجلس قبل اى حد تانى بدليل انهم يصرفون اليوم التعويضات للمصابين و الجرحى و اهالى الشهداء

و فى نفس الوقت انا ضد من يفض الاعتصامات بالعنف و القتل
بمنتهى البساطه حقق المطالب المشروعه و سينفض الجميع و لكن العند و القمع و الدماء لن تنهى دائره العنف التى لا يريدها مصرى و الاعتصامات هى اسلوب من اساليب التطهير فكل مؤسسه او فئه ادرى بمن هو فاسد فيها و بالظلم الذى يقع عليهم و سبب الاعتصامات ليس المعتصمين و لكن من يعلم بالظلم و لا يحقق المطالب الا بالاستفزاز الذى يجبر المظلوم على الاعتصام فيقال فيما بعد انهم يوقفون عجله الانتاج و انهم يخربون و يتهمون المظلومين و يزيدوهم ظلما على ظلم

ارجو ان يهدأ و يفكر من يحكمنا اليوم و يفكر الشعب كله فى وقائع واضحه وضوح الشمس
الثوره ليست السبب فى نقص انابيب الغاز و لا البنزين و لا تدهور البورصه و لا الاقتصاد و لا السياحه و لا الانفلات الامنى فالثوره لم تحكم يوما واحدا و لم تحقق مطالبها الى اليوم باعتراف الجميع
بالعكس لو حكمت الثوره كما تحكم كل الثورات لما حدث لنا كل هذا و غلطه الشعب المصرى انه سلم القط مفتاح الكرار و وثق فى حماه الثوره المضاده و أئتمنهم على ثورته

و كانت النتيجه هى اسلوب على الشعب فى امنه و رزقه و حياته و تشويه الثوره و اتهامها بأنها السبب فى كل هذا و للاسف هناك من يصدق هذه المهاترات و يلقى باللوم على من يطالب بكرامتهم و حريتهم و يصطف مع الثوره المضاده و الراغبين فى استمرار مصالحهم باستمرار الفساد

و ربنا ينجى مصر و ثوره مصر و شعبها العظيم

اختى الفاضله بديعه
انا اختصرت من كلامك هذه الاجزاء من المطالب

الاسلوب السلمى هو المطلوب فى الثوره طبعاااااااااااااااااااااا

نجحت ثورتنا جميعا (كشعب مصرى راقى) لانها اتبعت الاسلوب السلمى ولا بد ان تظل سلميه

انا لم و لن اطالب يوما بحرق او عنف
و لكنى انبذ العنف ضد الثوار المطالبين بحقوقهم المشروعه و المعترف بها من قبل المجلس

و فى نفس الوقت انا ضد من يفض الاعتصامات بالعنف و القتل

بمنتهى البساطه حقق المطالب المشروعه و سينفض الجميع و لكن العند و القمع و الدماء لن تنهى

ارجو ان يهدأ و يفكر من يحكمنا اليوم و يفكر الشعب كله فى وقائع واضحه وضوح الشمس

هذا كلام رائع ومطالب مشروعه وينقصها
محاسبة المتسببين فى قتل شهداء ماسبيروا ومحمد محمود والقصر العينى
ومحاسبة الفاسدين فى جميع الاجهزه الحكوميه السابقه والحاليه
ومثل ذالك كثير
ولكن انا اسأل على( الاليه ) بمعنى كيف ستطلبين ذالك
لو سالتنى انا كيف ستطلب ذالك سارد بالاتى
اولا الخروج يوم 25 يناير للم الشمل مره اخرى تحت علم مصر
ثانيا رفع جميع المطالب الى اعضاء مجلس الشعب بصفتهم نتاج ما بعد الثوره
ثالثا وضع جدول زمنى لمجلس الشعب لتنفيذ ما تبقى من مطالب الثوره
ومساندة الشعب لهؤلاء الاعضاء لتنفيذه
رابعا المراقبه الشعبيه للبرلمان والحكومه مما سيجعلهما دائما تحت طائلة الميدان

اولا الخروج يوم 25 يناير للم الشمل مره اخرى تحت علم مصر
ثانيا رفع جميع المطالب الى اعضاء مجلس الشعب بصفتهم نتاج ما بعد الثوره
ثالثا وضع جدول زمنى لمجلس الشعب لتنفيذ ما تبقى من مطالب الثوره
ومساندة الشعب لهؤلاء الاعضاء لتنفيذه
رابعا المراقبه الشعبيه للبرلمان والحكومه مما سيجعلهما دائما تحت طائلة الميدان

أخى اسلاماز
اولا : مضبوط كلامك حكم
ثانيا: ارفع المطالب ازاى لاعضاء مجلس الشعب و الاخوان حاطين ايدهم فى ايد الجيش و الشرطه و مش نازلين مع الشعب و الثوره؟ وبيطالبوا بخروج آمن و حصانه للقتله؟ ازاى؟
ثالثا: جدول زمنى لمجلس شعب اصلا المفروض مدته ست شهور لانه مؤقت و لا بد ان يحل اول ما يستلم الرئيس القادم السلطه؟ ده مجلس مؤقت لا مجلس ثوره ولا له علاقه بالثوره اصلا لانه مجلس منتخب على اساس دينى و طائفى و عليه ميت قضيه مرفوعه من انتهاكات للقانون و ان شاء الله القضايا تكسب كلها
رابعا: مرافبه ايه بس فى برلمان الالتفاف على الثوره و لا يعبر عن رأى الشعب و اللى يقول كده يبقى بيغالط نفسه
المهم الايام بيننا و ميعادنا يوم 25 علشان نشوف اراده الشعب الحقيقيه ان شاء الله
و تحيا مصر و ثوره مصر و شعبها العظيم