كتبت نهلة عزو:
١- يعنى فجأة تلاقى النعمة ظهرت عليهم واقتنعوا اخيرا انهم بنات ولازم ينضفوا

٢- يعنى يوم ماتخرجى معاهم يشيلوكى الحاجات اللى بيشتروها وكفايا عليهم هما شايلين الدبلة

٣- يعنى تدورى على حد فاضى جمعة وسبت عشان يعمل خطيبك ادامهم

٤- يعنى لما توعدوا سوا يفضلوا يتوشوشوا مع بعض وكأنك عيلة عندك اربع سنين عيب تسمعى كلام الكبار

٥- يعنى طول الوقت بيتكلموا عن الهدايا والخروجات والكلام الحلو بتاع خطابهم وانتى ياعينى لو حد قالك ازيك هيغمن عليكى ومافيش اى احساس بيكى‎

ماهو اصل احنا فى زمن اللى فى ايده دبلة بيدوس على مافيش فى ايده دبلة

٦- يعنى تبقى عاملة زى القطة اللى واقفة على باب المطبخ شايفة اللحمة ادمها ومش عارفة تاكولهاا

٧- يعنى عرض رسايل فودافون يجى ويخلص وماحدش فيهم يحن عليكى برسالة فاضية

٨- يعنى تفتحى الماسنجر ماتلاقيش ولا واحدة اون لاين مع انهم موجودين عالنت وكأن بقى عار عليهم يعرفوا واحدة مش مخطوبة

٩- يعنى تفكك منهم خالص بلا حرقة دم وتدورى على صحاب تانين مش مخطوبين

١٠- يعنى تروحى تعملى دراسات عليا وتتفرغى للعلم وخدمة المجتمع وجعلكى الله زخرا للوطن

هو الموضوع مضحك جدااا

بس للاسف الموضع ده بيمثل ضغط كبير على البنات

بيخليها تتعب نفسيا و تحس انها ما عملت اى حاجه فى حياتها

اخلى حاجه انى الموضوع ده مش موجود عندنا كرجاله الحمد الله

اللى خاطب فينا بيكون قاعد على طول مهموم و بيفكر فى المسئوليات اللى وراه