بقالى كتير مكتبتش حاجة ؟؟
طب و فرقت ف ايه ؟؟
أنا بكتب ليه اساسا ؟؟
مشكلتى الأساسية فى السؤال ده … ليــــه ؟؟؟
مش ازاى أو امتى … مشكلتى دايما فى "ليــــــــــه؟؟؟"
ليه أكتب ؟ و ليه أقرا ؟ وليه أفكر أصلا ؟
بيقولك أن الحضارة اللى احنا متشعبطين فى ديلها دلوقت قايمة بالأساس على سؤال
"ليـــــــــــــــــه … لماذا … why … pour quoi
؟
الأساس فى أى علم هو السؤال اللى غالبا ملوش اجابة نهائية ده
السؤال الشاحن للهمم و المستفز للعقول
ليــــــــــــــــــــــــــه ؟؟
——————————
كفاية كدة بقى ……… ممكن أشكيلك شوية ؟؟
أنا عمال أتكلم طول الوقت وعاوزك انت تتكلم شوية
محتاجك أنت تساعدنى و تريحنى أو تفهمنى
فعلا أنا معنديش طاقة نفسية أكمل كتابة …
مخنوق من مليون حاجة و أكتر حاجة تعبانى …
الحمل اللى بقى عليا بسبب الكتابة دى …
سواء هنا أو ف أى حتة
ناس بتشتمنى و بتفسر كل كلمة منى على أنها مؤامرة
وناس بتكرهنى من غير ما تعرف عنى أى حاجة
وواحد صاحبى اشتراكى بحبه جدا بيقولى
جرب تكتب عن الأشتراكية و أنا أبهدلك
وناس برضه بتحبنى و تثق فى كلامى مع أنى
أنا نفسى مش قادر أثق فيه لأنه متغير و مش ثابت ومش نهائى
وناس بقت مقتنعة انى عندى حلول لكل مشكلة
وبتسألنى فى حاجات معرفش اجابتها
و يمكن كمان مستحيل فى يوم أعرف لها اجابة أو أفكر فيها أصلا
بس غرورى و حب الأستطلاع بيجبرنى
أنى أفكر فيها وأحاول ألاقيلها اجابة حتى لو برة حدودى
واحد معرفش غير اسمه بعتلى مشكلة تعبت أعصابى من كتر التفكير فيها ….
لو فكرت فيها من كل ناحية تلاقى ملهاش حل غير أنك تستنى لحد ماتموت
أنا لو مكانه ده الحل الوحيد اللى حعمله …
بس هل لو قلت له كدة أبقى ساعدته ؟؟؟؟؟؟؟
أنا كنت عاوز انشرها يمكن حد يلاقى لها حل بس متهيألى
لو نشرتها مش حتفيده و يمكن تضره أكتر
………………..
الغريب أنى لما بدأت أكتب كنت بحاول أساعد نفسى
و مش عارف و لسة برضه مش عارف
فإزاى حقدر أساعد حد غيرى أصلا ؟؟؟
متهيألى أن ده درس جديد أتعلمه
أن مينفعش أتحمل مسئولية كبيرة زى الكتابة و أنا مش قدها
طول عمرى أهرب من تحمل المسئولية
عشان لما بتحملها بتحملها بضمير و بتتعبنى
زى منضميت للحزن أول ما بدأ تقسيم المناصب
قولت مصلحة دور الشباب اللى بيقولوه عليه
ومقتنع انى محدش هيبصلى من أساسه
عشان كنت متأكد أنى مش حنفع
والحقيقة ان حجتى جاهزة و سليمة
أنا مش مؤهل أنى أفتى و أتكلم و أكتب و الناس تصدق اللى بقوله
خلاص ؟؟ … اتفقنا ؟؟
لأ … صدقنى مش محتاجة تفكير كتير
ده آخر موضوع حكتبه
وياريت كان الخروج من الدنيا بنفس سهولة الخروج من الحمام كدة
وقال ايه يقولولك دخول الحمام مش زى خروجوه ده على الاقل
لما بخرج بحس براحة
وفى الاخر هقول كلام روس وخلاص
…….
مع السلامة
روسيــــ