قبل 30 ساعة من الاعلان عن بدء فعاليات ثورة 25 يناير التى تنطلق فى ميدان التحرير يستعد الشباب الان لاطلاق احدث الهتافات التى تقال يوم الاربعاء المقبل والان يتم توزيعها بشكل كبير سواء على الفيس بوك وتويتر او فى الميدان نفسة خاصة ان الشباب بدا اعداد الخيام من الان وهذا دليل ان 25 يناير ليست احتفال بل هى ثورة غضب وهناك اعتصام مفتوح حتى رحيل المجلس العسكرى عن السلطة . والان مع الهتافات المعبرة بالفعل عن الاحداث

يا اللي بتسأل عايزين إيه حقي وحقك عند البيه
قالوا ماعندناش قناصة مضربناش ولا رصاصة المجلس مالهوش ف السياسة الكدب يا مجلس مش سياسة
عروا إخواتنا من الهدوم والشعب يقول عسكرى مظلوم
آدى مفهومهم للتغيير: عروا بناتنا فى التحرير. قتلوا اخواتنا فى التحرير
قتلوا شيوخنا..سحلوا بناتنا..سرقوا فلوسنا
قال عايزين ياخد ثورتنا,,, الا الثورة على جثتنا
بدلــــة جيشــــك مش هتفيــــدك .. عند بنـــــاتنا هنقطع إيــــــدك
و حياة دمك يا شهيد ثورة تاني من جديد

انا شخصيا اجمل هتاف عاجبنى هو ( بدلــــة جيشــــك مش هتفيــــدك .. عند بنـــــاتنا هنقطع إيــــــدك ) ياترى انت عجبك انى هتاف ؟ وياريت لو عندك هتاف جديدة تضيفة وهنقولة فى التحرير وكل ميادين مصر .

عروا إخواتنا من الهدوم والشعب يقول عسكرى مظلوم
آدى مفهومهم للتغيير: عروا بناتنا فى التحرير. قتلوا اخواتنا فى التحرير
قتلوا شيوخنا..سحلوا بناتنا..سرقوا فلوسنا
قال عايزين ياخد ثورتنا,,, الا الثورة على جثتن

دي حلوة

ثااااااااااااااانكس

اين المواضيع الهادفةاخي الفاضل ؟؟

ربنا يستر على مصر
اللى مخوفنى الناس اللى بتجهز هى كمان دلوقتى ازاى يبهدلوا البلد
ويأذوا الكل

ياريت بلاش اسلوب الإثارة ربنا يهديكم ويهدينا
ومصر تفضل بسلام ان شاء الله

ياريت تكون سلميه تماما. ويحولوا يبعدوا العناصر اللى بتشوه الثوره . وياريت الشعارات تكون بعيد عن اى سباب وتكون محصوره فى مطالب شرعيه فقط لان ده افيد وارقى

انا كمان اكتر هتاف عجبنى هو بدلة جيشك مش هتفيدك عند بناتنا هنقطع ايدك وكمان لزم المجلس العسكرى ينحى