الاخت بديعه حضرتك بتقولي الشعب بعد اذن حضرتك ان من الشعب وعايز استقرار و30_6 ليس ببعيد فياريت مش كل واحد يتكلم باسم الشعب كله
أخى الفاضل محمود
المجلس وعد من قبل انه سيسلم السلطه فى ظرف سته اشهر و فى نقس المده سيلغى قانون الطوارى و لن يعاد تفعيله الا باستفتاء شعبى و اللى حصل ان قانون الطوارىء انتهى بموجب قانون دستورى وضعه المجلس و لما لقى نفسه مزنوق طلع و قال انا قررت ان انهى حاله الطواىء ؟؟؟ ما هى اتلغت خلاص قرار ايه بقى؟؟؟
الحاجه التانيه حكايه ست شهور فى ست شهور ايه الضمانات انه المره دى يوفى بوعده؟ و ما يروحش دم و قتلى و انفلات امنى و مدابح زى اللى عشناها طوال السنه اللى فاتت؟
اللى بيقرا التاريخ حيلاقى ان العسكر و الضباط الاحرار فى ثوره 52 وعدوا بتسليم السلطه لمدنى فى خلال ست شهور و طلبوا بعدها مده و اعطاهم الشعب المهله و ست شهور فى ست شهور مرت سنتين بعدها بقى جمال عبد الناصر رئيس و من ساعتها حكم العسكر لم يسلم فى الست الشهور بقوا ستين سنه و سيناريو ثوره يوليو بيتكرر طبق الاصل (كورس الست شهور مش مفهوم و الا لسه؟) المؤمن الذى لا يلدغ من جحر مرتين
بتقول طب فيها ايه لما نستنى باقولك فى السنه اللى فاتت عملوا اللاللى علشان يشوهوا الثوره و الثوار و يفصلوا الشعب عن ثورته و بعدين يستفردوا بالناشطين و الثوار و يقضوا عليهم و يكسبوا تعاطف الشعب لانهم عارفين ان الشعب مع الجيش و مع الاسلام نلعب عليهم جيش و اسلام و نسيطر على الدنيا تانى و السنه عدت و لسه الناس بتطلع فى ثوره و لسه بتقول يسقط حكم العسكر يبقى و لسه مبارك لم يحاكم و لسه مدلل هو و اهله و فلوله و لسه الفساد قائم و علشان كده محتاجين ست شهور تانى يمكن يقدروا يكرهوا الشعب فى ثورته و الناس اللى بتطالب لهم بالحريه و العداله و الكرامه
عايزين الناس كلها تقول فى داهيه الكرامه يحكمنا العسكر و يعمل فينا اللى هو عايزه
لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالا
و لما قامت ثوره العبيد فى امريكا اكتر من نص العبيد ما كانوش عايزين يتحرروا لكنهم لم يخونوا الثوار اللى عايزين يحرروهم و لم يكرهوهم و لم يقولوا لا للحريه لكنهم قالوا احنا اخدنا على العبوديه و ادينا بناكل و نشرب و عايشين و فى النهايه انتصرت الحريه و الثوره و الكرامه الانسانيه و الشعب العظيم
و شعب مصر لا يقل عظمه عن اى شعب فى العالم و فيه الواعى و اللى فاهم و دول اللى باخاطبهم و باتكلم بلسانهم و باقول للباقى خلونا نحرر ولادنا و اولاد ولادنا لو انتوا واخدين على العبوديه
خلونا نحرر مصر من ظلم ستين سنه حكم عسكر
و لو مش عايز تنزل التحرير أضعف الايمان بلاش تشوه الثوره و الثوار و الناس اللى عايزه لكل مصرى الكرامه و العزه و العيش الكريم و قاعدين فى عز البرد و بيضحوا بارواحهم و اعضائهم و عيونهم علشانكم و علشاننا كلنا
و تحيا مصر و ثوره مصر و شعبها العظيم