|
طبعا كلنا عارفين قد اية يا حرام حكومتنا بتتعب علشانا علشان محدش يكون جاهل او عاطل او جعان او متشرد وبتفكر 24ساعة ازاى تخلى الامور موزونة وتمام التمام طب مش عايزين تعرفوا ازاى هما بيوزنوا الامور تعالوا نشوف       
   هااااااااااا اية رأيكم بالذمة مش حكومتنا بتتعب اوى
|
|
انت شايف ان هيه دى حكومتنا
وبعدين ده كاريكاتير فاشل ولا ليه اى لازمة ولا معنى ارجو احترام الحكومة حتى يحترمنا الاخرين |
|
حاااااااااااااااااااااااضر يا ميدو
هحترم الحكومة بس لما هى تحترمنا الاول وتبطل تستخف بعقولنا بلدنا مش وحشة بس ناس معندهاش ضميرماسكين الحكم هما اللى مخلينها كدة مش هقولك كلهم بس معظمهم كلام كلام كلام والا حاجة بتتنفذ تقدر تقولى فين خير بلدنا ولية احنا مش حاسسين بية ولية بلدنا مليانة ناس جعانة مش لاقية تاكل ولية بلدنا مليانة مشردين مش لاقيين حتى اوضة تلمهم ولية محدودى الدخل مش لاقين حتى مصاريف المدرسة لاطفالهم عارف لية علشان فيها ناس زى دول وماشيين بلدنا بالطريقة دى وياريت حكومتنا تزعل اوى كدة علشان الناس الغلابة من كل دة زى ما انت زعلت علشانها من شوية صور وفى الاخر دة رأيك وانا احترمة طبعا |
|
حاااااااااااااااااااااااضر يا ميدو هحترم الحكومة بس لما هى تحترمنا الاول وتبطل تستخف بعقولنا بلدنا مش وحشة بس ناس معندهاش ضميرماسكين الحكم هما اللى مخلينها كدة مش هقولك كلهم بس معظمهم كلام كلام كلام والا حاجة بتتنفذ تقدر تقولى فين خير بلدنا ولية احنا مش حاسسين بية ولية بلدنا مليانة ناس جعانة مش لاقية تاكل ولية بلدنا مليانة مشردين مش لاقيين حتى اوضة تلمهم ولية محدودى الدخل مش لاقين حتى مصاريف المدرسة لاطفالهم عارف لية علشان فيها ناس زى دول وماشيين بلدنا بالطريقة دى وياريت حكومتنا تزعل اوى كدة علشان الناس الغلابة من كل دة زى ما انت زعلت علشانها من شوية صور وفى الاخر دة رأيك وانا احترمة طبعا احنا ليه دايما بنشوف النص الفارغ من الكوب ليه دايما شايفين الجانب السلبى لبلدنا ليه مش بنشوف ونفكر ان زمان مش كان فى كل بيت جهاز كمبيوتر لا دلوقتى مش فى بيت مش فى نت
ليه مش بنفكر اننا بنصرف على التلفونات والشحن للموبايل اكثر من اى دلوة فى العالم ليه مش بنعترف اننا اكتر دولة بترمى اكل فى العالم ليه مش بنفكر اننا الدولة الوحيدة فى العالم اللى شعبها بيرش الميه فى الارض كل يوم ليه مش بنروح نشوف مراكز التسوق زى كارفور وسبينس ونشوف الناس بتصرف قد ايه على الاكل ليه مش بنعرف ان شركة مرسيدس الالمانية محققة اكبر نسبة مبيعات فى مصر هنا يعنى اكتر دولة بتشترى العربيات المرسيدس ليه مش بنعرف اننا كل سنة بنزيد 5 مليون ليه مش بنعرف ان الكثافة فى مصر من اعلى الكثافات السكانية فى العالم مش ببرر للحكومة سلبياتها لا فى سلبيات فى الحكومة فى ناس مش عندها ضمير بس الحكم مشاركة ومساعدة ايدنا فى ايد حكومتنا مش شعار بتاع حزب وطنى ولا كلام اغانى بجد لازم نساعد بعض |
|
والله بجد كلامك جميل جدا وانا فعلا محترمة كل راى فية
انا مش ناسية نص الكباية المليان لكن مش معنى كدة نتجاهل النص الفارغ اة دلوقتى معظم البيوت فيها كمبيوتر ونت لكن فية ناس معندهاش بيوت اصلا اة بنصرف كتير اوى على الموبايلات والشحن بس فية ناس حتى مش قادرة تدفع فاتورة تليفون البيت وزى ما بروح كارفور وبشوف قد اية الناس بتصرف ع الاكل بمشى كمان فى الشوراع واشوف ناس مش لاقية اللقمة بجد انا الناس دى بتصعب عليا اوى لية منحسش بيهم ونحاسب اللى واخدين حقوقهم والا علشان احنا مش زيهم منحسش بيهم اة ربنا طبعا هو اللى مقسم الارزاق بس لما تلاقى غيرك بيسرق الرزق دة يبقى مش لازم تسكت |
|
السلام عليكم ورحمه الله وبركاته
معبره جدا الصور عن الحاله العامه. لكن للاسف مش الحكومه فقط اللى بتساعد على هذا احنا (الشعب )اللى بننفذ اللى مطلوب ببراعه ،ما شاء الله!! الموبايلات مليانه اغانى وفيديوهات مسفه،والتلفزويون مسف بزياده وحكومتنا بتروج لكن، مين اللى بينفذ!!!!!!!!! ولان الرقابه على وسائل اعلامنا انقلب ميزاها ،وبقينا نصر على التفاهه .........فاحنا اللى بنشجع عليها ! لكن هى الحكومه دى مين مش من الشعب يعنى الناس دى مش من بره(لا يغير الله ما بقوم حتى يغيروا ما بانفسهم) العيب مننا احنا اللى بننفذ هدف اعدائنا وهو ابقائنافى سبااااااااات التفاهه وفى المقابل هناك من المبدعين والادباء ما هم عباقرة ولكن مندثرين واعلامنا يتعمد اخفائهم ولكن! من يريد، يسعى . واللهم ارفعنا بقيمه علمائنا وابنائنا وعقولهم واكثر من امثالهم .ااااااااااااااامين |
|
اسعدنى مرورك يا شجرة الدر
وكلامك فيه وجهة نظر فعلا اكيد احنا لينا علاقة باللى بيحصل و مش مجرد مشاهدين |
|
شكرا للموضوع الرائع
كاركتير هائل |
|
ليه مش بنفكر اننا الدولة الوحيدة فى العالم اللى شعبها بيرش الميه فى الارض كل يوم
لسبب بسيط ان الدول التانية شوارعها نظيفة ومترسفة انما شوارعنا عبارة عن حجارة وطوب شوف الناس وهى بتقع وتتكعبل من الحجارة وانت تعرف ليه الناس بترش مية وانت خايف على المية ليه ده على اساس انها كلها فيتامينات مش صرف صحى انا اتعلمت فى المدرسة ان المية مالهاش لا لون ولا ريحة ولا طعم فتت الحنفية لاقيت ان المدرسة علمتنى غلط |
|
gar7y
kaki اسعدنى مروركم جدااااااااااا ورأيكم وبصراحة يا kakiعندك حق فى موضوع المدرسة اللى علمتنا غلط ياريت علمتنا بس موضوع المية غلط لكن للاسف معظم اللى اتعلمناه كبرنا ملقناش حاجة منة ومتخلنيش ابدء اتكلم عن نظام التعليم فى مصر والا البيئة ونظافتها لان دة موضوع تانى الكلام فية هيكون كتيررررررررررررررررر اوى وبجد ربنا يستر علينا وعلى الاجيال اللى جاية كمان |
|
احنا ليه دايما بنشوف النص الفارغ من الكوب ليه دايما شايفين الجانب السلبى لبلدنا ليه مش بنشوف ونفكر ان زمان مش كان فى كل بيت جهاز كمبيوتر لا دلوقتى مش فى بيت مش فى نت ليه مش بنفكر اننا بنصرف على التلفونات والشحن للموبايل اكثر من اى دلوة فى العالم ليه مش بنعترف اننا اكتر دولة بترمى اكل فى العالم ليه مش بنفكر اننا الدولة الوحيدة فى العالم اللى شعبها بيرش الميه فى الارض كل يوم ليه مش بنروح نشوف مراكز التسوق زى كارفور وسبينس ونشوف الناس بتصرف قد ايه على الاكل ليه مش بنعرف ان شركة مرسيدس الالمانية محققة اكبر نسبة مبيعات فى مصر هنا يعنى اكتر دولة بتشترى العربيات المرسيدس ليه مش بنعرف اننا كل سنة بنزيد 5 مليون ليه مش بنعرف ان الكثافة فى مصر من اعلى الكثافات السكانية فى العالم مش ببرر للحكومة سلبياتها لا فى سلبيات فى الحكومة فى ناس مش عندها ضمير بس الحكم مشاركة ومساعدة ايدنا فى ايد حكومتنا مش شعار بتاع حزب وطنى ولا كلام اغانى بجد لازم نساعد بعض احنا ليه دايما بنشوف النص الفارغ من الكوب ليه دايما شايفين الجانب السلبى لبلدنا ليه مش بنشوف ونفكر ان زمان مش كان فى كل بيت جهاز كمبيوتر لا دلوقتى مش فى بيت مش فى نت لان النص الفارغ هو البسطاء فى مصر وهو الجانب السلبى اللى الحكومة مش مدياله اى اهتمام لانه مش عارف حقوقه وزمان كان ديمقراطية وكان فى كل بيت 7 او 8 قنوات وكلها محليه اما الان فالعالم اصبح قرية صغيرة قرية ابناء صهيون بيها يقدروا يسيطروا على الانظمة والحكومات وحكومتنا جزء من ده تنفيذ اهداف العدو ليه مش بنفكر اننا بنصرف على التلفونات والشحن للموبايل اكثر من اى دولة فى العالم ليه مش بنعترف اننا اكتر دولة بترمى اكل فى العالم لان شبابنا ضايع فى نذواته مفيش اللى يملى فراغه بطاله بقه اما الاكل ففى كتير مش لاقى يأكل البسطاء طبعا ليه مش بنعرف ان شركة مرسيدس الالمانية محققة اكبر نسبة مبيعات فى مصر هنا يعنى اكتر دولة بتشترى العربيات المرسيدس لان البلد اتخصخصت واحنا والشعب المصرى فين من مرسيدس وارباحها فين ولا نسبة مبيعاتها محنا بلدنا مليانه خير لكن فين انت بتزل ميادين عامة وتشوف الزحمة مش بتشوف انت متعرفش ان ثروة جمال مبارك 750 مليون دولار ولا مش عارف انت متعرفش ان احنا بنبيع الغاز لاسرائيل اقل من تمنه انت متعرفش ان فى ناس بيرفضوا يعالجوها علشان ممعاهومش تمن العلاج انت متعرفش ان فى ناس كتير بتنام من غير عشاء روح فى جهة حكومية علشان تخلص مصلحة شوف هيجرالك ايه لازم تدفع للموظفين علشان تمشى انت متعرفش ان اسوا بلد فى حقوق الانسان هيا مصر انت تعرف ان المعونة الامريكية كانت 80 مليون دولار واتقلصت الى ما يقارب ال 35 مليون دولار ليه مش بنعرف اننا كل سنة بنزيد 5 مليون دى بقه مشكلة مين مشكلة النظام لانه مفيش الوعى الاجتماعى ولا فى مسألة قانونية ليه مش بنعرف ان الكثافة فى مصر من اعلى الكثافات السكانية فى العالم الكثافة دى مش جديدة لكن الحكومة من 20 سنة ملقيتش حلول اذا الحكومة لا تخطط الحملات الدعائية اللى حنا بنشوفها فى التلفزيون تبرعوا للفقراء - اكسى يتيم - افطر فقير ووووووووووووو الى اخره اذا اين الحكومة هقولك ما الذى تدعمه الحكومة الخصخصة - المحسوبية - رجال الاعمال . فى مصر قناة السويس - البترول - سياحة - ضرائب ودول كافيين لجعل المواطن المصرى يعيش حياة كريمة لكن رجال حكوماتنا فى مكاتبهم وقصورهم اه بالنسبة للقصور انت عارف انت اعداد كبيرة من رجال الحكومة يسكنون قصور بعقود ايجار قديمة وكان سيصدر قانون بارجاع الملكيات لاصحابها لكن من سيعلن هذا القانون لديه قصر بعقد قديم ووجدوا معظم الوزراء لديهم عقود قديمة فالغى هذا القانون لو لم اكن مصريا ....... |
|
اه والله يا دودى فكرتينى بالنظافة دى القاهرة كانت مذبلة
الحكومة مدفعتش اللى عليها اى يا عم ميدو انت مش عايش فى مصر ولا ايه لا مبالاءة يا ميدو مفيش اللى يقول لالالا كفاية |
|
اه يا كاكى صرف الصحى وخلطة بمياه الرى لرى المحاصيل دون تحقيقات وعلاجه
ولا القمح الروسى المسرطن مهو كله لمين للبسطاء اللى هما 90 % من الشعب المصرى والـ 10 % طبعا امريكانى مش هيجوا جمبه ربنا يصلح الحال هانت لكل طريق نهايته |
|
شكرا لمرورك للمرة التانية يا جارحى
وعجبتنى اضافتك خصوصا موضوع الخصخصة فعلا تلت تربع البلد مبقاش بتاعنا اصلا بس مفيش فى ايدينا غير اننا نقول حسب الله ونعم الوكيل وبالنسبة لميدو دى وجهة نظرة واكيد احنا نحترمها |
