السلام عليكم
هنتكلم عن مشكلة بتقابل ناس كتير وبالذات في مواسم الاجازات والكلام ده حقيقي ومافيش فيه اي مبالغة او كذب للفنادق الخمس نجوم في شرم والغردقة ومرسي علم اولا الاسعار
المفروض انه المصري ليه سعر مخفض عن اي حد تاني بس للاسف الكلام ده غير صحيح والقصة ك
اي فندق ليه سعرين واحد من وزارة السياحة والتاني السعر الفعلي للسوق
يعني ايه ؟
لما الفندق بيرخص للمزاولة بيحط اسعار ه في وزارة السياحة والفندق اللي بيحدد السعر ده للحجز الفردي وبيبقي اعلي سعر
يعني لو شخص حب يدخل فندق من غير حجز من طرف شركة بيحجز بنفسه بيتحاسب علي اعلي سعر او اقل شوية
طيب السعر الفعلي ده بيبقي حسب نسبة اشغال الفندق وبيدي الاسعار بتاعته للشركات سواء للتعاقد او تسكين افواج في وقت معين
سعر الاجنبي في بعض الفنادق 30 دولار للفرد
يعني حوالي 180 جنيه ولو مصري هيبقي حوالي 350 جنيه اقل سعر ده مع العلم ان الاجنبي بيكلف اكتر بالنسبة لشرب الكحول والخدمات
هتلاقي المصري يتعامل اسوء معاملة والاجنبي لو حصلت معاه اي مشكلة المدير العام شخصيا يطلع يقابله ولو مصري معاه مشكلة مش هياخد غير جملة واحدة ده نظام الفندق
وفي فنادق بتبقي مش عايزة مصريين تسكن فيها ولما تتصل بيهم للحجز رده مافيش اماكن حتي لو كنت مستعد لدفع اعلي سعر
والمشكلة ان ادارة الفنادق دي اللي غاليا بتبقي مصريين ملاك وادارة بتبقي شايفة انه النزيل المصري مش هيبقي مظهر مش حضاري للسياح الاجانب
وطبعا لا تعليق واي حد راح شرم الشيخ عارف الكلام ده كويس انه في فنادق كتير هناك مش بترضي تسكن مصريين
اصبخ المصري غير مرغوب فيه جوه بلده وكمان بيدفع اغلي من اي اجنبي هينزل في نفس الفندق وده اسلوب تاني من اسلوب التطفييش يديك سعر خيالي ولو قبلت يبقي مافيش مشكلة برضه ضحكوا عليك
ولو حبيت تنزل في فندق ومعرفتش خد النصيحة دي
لازم يكون عندك فيزا
اعرف اسم الفندق كويس وعنوانه
ادخل بحث علي الانترنت باسم الفندق واتاكد من عنوان الفندق والاميل
واحجز عن طريق موقع شركة اجنبية
هتلاقي الحجز تم وبمبلغ اقل من الفندق اللي قاله ليك بكتيير
يعني لو فندق قالك مافيش حجز
اتاكد من موقع الانترنت لانه اغلب الفنادق بتبيع حصص من غرفها للشركات باسعار مخفضة جدا وطالما انت حجزت تبع شركة من الشركات دي ميقدرش الفندق يقولك مافيش مكان او يزود عن السعر اللي انت حجزت بيه :d