شهدت مبارة الاهلى والمصرى البورسعيدى اليوم احداث مؤسفة ومخطط قذر بكل المقاييس استهدف التراس الاهلى المعروف بدوره البطولى طوال الثورة حيث جائت احداث مبارة الاهلى والمصرى فى الذكرى الاولى لموقعة الجمل لتحمل رسالة معبرة عن دور الالتراس فى الثورة المصرية

وبدات احداث مبارة الاهلى والمصرى قبل بداية المبارة حين حاولت بعض جماهير المصرى الاحتكاك بجماهير الاهلى وهنا فيديوهات ما قبل المبارة

وبشرت احداث ما قبل مبارة الاهلى والمصرى بحدوث كارثة ولكن يبدو ان الامر مخطط بالفعل حيث لم يتحرك ساكن لاحد المسؤلين ويجب التنويه ان هذه المبارة هى اول مبارة بين الاهلى والمصرى لا يحضرها المحافظ ومدير الامن كالمعتاد

ونعود الى فيديوهات احداث مبارة الاهلى والمصرى ونستكملها بهذه الفيويدهات المجمعة التى توضح اقتحام جماهير بورسعيد للملعب وبداية الاشتبكات بين الجمهور والتى انتهت بمجزرة تاريخية

وهنا فيديو لبكاء ابو تريكة على الاحداث

وهذا فيديو غرفة خلع الملابس وبها لاعبى النادى الاهلى وسط الجماهير فى حالة من الزهول انتابت الجميع من كمية المصابين والقتلى ومحاولات من لاعبى الاهلى لانقاذ احد الجماهير

ونختم فيديوهات احداث مبارة الاهلى والمصرى بهذه المكالمة لام احد جماهير الاهلى ولندعو لجميع القتلى بالحمة وللمصابين بالشفاء

اللهم ما ارحم موتنا واشفى مرضنا واحفظ مصر يارب العالمين

الاول رحمة اللة علي شهداء مصر الشباب الابرار واضح ان الموضوع مدبر بس مين اللي دبر الموضوع دة؟ الفلول؟ طيب ازاي ومين هم الفلول يعني اللي جوة في طرة انا حاسس ان الكلام دة مش صح احنا بيتعمل في ثورتنا زي ماتعمل في ثورة رومانيا انا متاكد ان المجلس العسكري وراء هذة الحوادث يعني ام المجلس او الفوضي ولو مش المجلس يبقي مين؟ مبارك اللي اترمي في السجن ولا احمد عز ولا مين؟في رومانيا قامت ثورة شعبية زي اللي حصلت في مصر وتخلي الجيش عن شاوشيسكو وقام الشعب بقتلة وعائلتة في القصر الرياسي وايد الجيش الثورة ظاهريا ولكن في الحقيقة هو الذي كان يقود الثورة المضادة حتي قضي علي الثورة الشعبية في البلاد وهذا مايحدث الان في مصر

يعني حسني مبارك هو السبب برضة؟ دة بقت حاجة تقرف ملعون ابو الكورة ولو الداخلية استعملت الحزم يبقوا مجرمين ولو وقفو يتفرجو يبقو متواطئين ممكن نلغي الكورة دي اصلا احنا مش بلد مرفه جدا يعني ونقصنا الكورة داحنا مش لقين ناكل وكمان بنموت بعض عشان الكورة

صدقونى العيب فينا لاننا افتقدنا الاخلاق والدين ان الله لايغيرما بقوم حتى يغيروا ما بانفسهم صدق الله العظيم

الله اعلم بس واضحة اوى ان وراها ناس والداخلية عامل اساسى فى اللى حصل لان التامين كان فى ايدها

الله يخرب بيت الكوره ايه اللى هيجرى لو اتوقفت علشان منع التجمهر احنا هنموت لو ملعبناش كوره

لما نتعلم نبقى بنى آدم زى باقى بنى آم اللى فى كل الدنيا نبقى نلعب كورة ... دى أخرة التعصب والجهل

اولا ادعو اللة ان يرحمهم برحمتة الواسعة وارجو من كل مواطن مصرى ان يعلم اولادة ان الساكت على الحق شيطان اخرس ولا ننتظر مكتوفى الايد بعد اليوم وان نقول لكل فاسد وظالم لااااااا وان نحافظ على حقوق اولادنا فى هذة البلد ولو على حساب ارواحنا وان يسقط اللة كول فاسد وان يوعين كل مصرىشريف وان يحمى اللة مصر امنة وان نبدة بتغير ما بانفسنا

الرياضة أساسها الترفية عن النفس وقضاء وقت الفراغ فى بناء الجسم والمحافظة على الصحة وتبادل للخبرات الرياضية والتعرف على الشعوب الأخرى و... ولكن ماحدث هو العكس حيث أصبحت الرياضة مثل السكين لم نستفيد منها فى مجالات مفيدة بل أستخدمنها فى القتل وزرع الحقد والبغضاء والغيرة . وهذا واضح بين دول شمال أفريقيا ـ وبين دول الخليج . وكذلك بين النوادى داخل نفس الدولة . لهذا لا أجد غير الدعاء بسرعة أنتهاء هذا الكابوس