الأوله آه "كلمات نادر الأسيوطي"

الأوله آه والتانيه آه والتالته آه
الأوله آه علي ألف شهيد وشهيد
والتانيه آه والمشهد بيتكرر من جديد
والتالته آه علي شباب جاي من بور سعيد
********
الأوله ألم والتانيه ألم والتالته ألم
الأوله ألم شايفه بيتكرر
والتانيه ألم وحياه بتتمرر
والتالته ألم علي بلد بتتدمر
********
الأوله مين؟ والتانيه مين؟ والتالته مين؟
الأوله مين اللي قتل الثوار؟
والتانيه مين حرق المجمع بالنار؟
والتالته مين قتل شباب أبرار؟
********
الأوله كفايه والتانيه كفايه والتالته كفايه
الأوله كفايه مشاهد القتل والموت
والتانيه كفايه زهقت من الجبروت
والتالته كفايه ذل بقي وسكوت
*******
الأوله يلّه والتانيه يلّه والتالته يلّه
الأوله يلّه بقي يا بلادي

والتانيه يلّه هاتوا الأمل يا ولادي
والتالته يلّه ناخد بالتار والظالم البادي
كلمات "نادر الأسيوطي"

الأوله يلّه والتانيه يلّه والتالته يلّه
الأوله يلّه بقي يا بلادي
والتانيه يلّه هاتوا الأمل يا ولادي
والتالته يلّه ناخد بالتار والظالم البادي

كنت اتمنى ان يكون هذا الطرح الأكثر من رائع بالمعانى

يكون موجه لعدو لبلادى

ولكن للأسف انه ضد ولادى

فالمعتدى والمعتدى عليه مصريين وعلى ارض واحدة تضمهم

فكرتنى بشاعر راقى مثلك اسمه خالد

متميزين انتما الاثنان حقيقة

شكرا لك

اشكرك جدتي العزيزة واتمني لك التوفيق