مش هممني اني رايح اندفن
بس شايل هم ماما لما تاخد جثتي
... خايف انها لو شافتني تتوجع
اسمعوني وبلغوها وصيتي
ماما اسف عارف انك في انتظاري
بس مش هقدر اعود
عارف انك كنتي خايفة وقولتلك
ليه تخافي بورسعيد جوة الحدود
روحت مطمن لاني جوة بلدي
وكنت فاكر امن بلدي دول اسود
بس طلعو مش اسود طلعوا
خاينين للامانة مش جنـــود
شافوا دمي وهو سايل من وريدي
شافوا دمعي سمعوا صوتي
كنت بترجي ضمايرهم تغيثني
بس تركوني لتابوتي
وقتها حسيت باني مش هشوفك
افتكرت معاية صورتك قلت ابوسك
بس صورتك للاسف وقعت هناك
هتلاقيها في اللي باقي من حاجاتي
سيبت صفارتي وبطاقتي والتيشرت
سيبت بينهم حلمي سايب امنياتي
ولما تاخديني ي ماما بــأمنك
احضنيني لحد ما ادفي
اوعي تدفنيني ابدا بالدموع
الا دمعك انتي عارفة
طمنيني عليكي يا خوفي اوجعك
عارف انك لسة خايفة
بس وحياة حب قلبك الكبير اتحملي
قدري اني اموت هنا وانتي شايفة
البشر بقوا مش بشر والقلوب صارت حجر
وانا واصحابي الضحية وانتي عارفة
الوداع يا امي والف شكر ليكي
كنتي درة .. كنتي رحمة .. كنتي نور
الوداع يا امي والف بوسة ليكي
واعذريني قدري ارجع عالقبور ...
بس شايل هم ماما لما تاخد جثتي
... خايف انها لو شافتني تتوجع
اسمعوني وبلغوها وصيتي
ماما اسف عارف انك في انتظاري
بس مش هقدر اعود
عارف انك كنتي خايفة وقولتلك
ليه تخافي بورسعيد جوة الحدود
روحت مطمن لاني جوة بلدي
وكنت فاكر امن بلدي دول اسود
بس طلعو مش اسود طلعوا
خاينين للامانة مش جنـــود
شافوا دمي وهو سايل من وريدي
شافوا دمعي سمعوا صوتي
كنت بترجي ضمايرهم تغيثني
بس تركوني لتابوتي
وقتها حسيت باني مش هشوفك
افتكرت معاية صورتك قلت ابوسك
بس صورتك للاسف وقعت هناك
هتلاقيها في اللي باقي من حاجاتي
سيبت صفارتي وبطاقتي والتيشرت
سيبت بينهم حلمي سايب امنياتي
ولما تاخديني ي ماما بــأمنك
احضنيني لحد ما ادفي
اوعي تدفنيني ابدا بالدموع
الا دمعك انتي عارفة
طمنيني عليكي يا خوفي اوجعك
عارف انك لسة خايفة
بس وحياة حب قلبك الكبير اتحملي
قدري اني اموت هنا وانتي شايفة
البشر بقوا مش بشر والقلوب صارت حجر
وانا واصحابي الضحية وانتي عارفة
الوداع يا امي والف شكر ليكي
كنتي درة .. كنتي رحمة .. كنتي نور
الوداع يا امي والف بوسة ليكي
واعذريني قدري ارجع عالقبور ...