انا مش هعرف اقول حاجة اكتر من اللي صاحب الجروب قالة
ومستني ردودكم وارائكم
"احنا ف زمن الحرية
الحرية دى استخدمت خطأ للأسف عند كتير من البنات
والخطأ فى استخدام الحرية جزء منه كان فى لبس البنات
وعشان احنا فى زمن الحرية مش هنقول البسوا او لاء
بس احنا كمان عايزين نعبر عن اللى جوانا بنفس مبدأ الحرية
وبنقول لكل ام واب : يا تلبسوا بناتكوا يا نقلع احنا كمان
واحنا دى مقصود بيها الشباب
زى ما البنت بتلبس كت وبضى ومينى جيب ومش بتتكسف ومش بتراعى شعور الشباب المقهور اقتصاديا واللى بيعانى من البطالة بنقولها خليكى على حريتك . بس ايه رأيك لو انتى راكبة اتوبيس او ميكروباص بلبسك ده ولقيتى ولد جنك لابس شورت وفانلة كت ويبقى جسمه لازق فى جسمك . وكمان لاحظى ان لبسه ده شرعى يعنى برده مش غلطان ف حاجة
الجروب مش بيدعوا لعرى الشباب ولا حاجة
بس احنا عايزين نوصل رسالة لكل البنات واهاليهم
راعوا شعور الشباب احنا بشر
اما الناس اللى بتقول ان اللبس مش سبب وان المحجبة بتتعاكس والمنقبة كذلك بنقولهم بلاش تبصوا للوحش وبصوا للاحسن . اعملوا اللى عليكم واستروا البنات ولو حصل شىء زى ده يبقى العيب مش منكوا ومش كل الشباب وحشين
عايز اوضح ان فكرة الجروب مش للتهديد ابدااااااااا
وانى لا اتبع لا اخوان ولا ولاد عم حتى
والجروب دعوة للاحتشام بشكل عام
لا فرق فى ذلك بين مسلمة ومسيحية
كل واحدة تلبس اللى هى عايزاه بس باحتشام
لا بنقول نقاب ولا بنفرض قيود على اى بنت
يهمنا ف الاساس انها تكون محتشمة اظن ده مش غلط
على فكرة انا معروف عنى انى نصير المرأة وبحب البنات وبخاف عليهم وبقف جنبهم فى مشاكلهم ومش ضد الحرية مطلقا بس الحرية المطلقة غلط ولما الاقى غلط لازم اتكلم"
رابط الجروب علي الفيس بوك:
http://www.facebook.com/group.php?gi...1808&ref=share