فى ندوة فى كلية الخدمة الإجتماعية جامعة حلوان عن دور الجيش فى حماية الثورة بدأها عميد الكلية بالمديح فى المجلس العسكرى ودوره فى حماية الثورة فقام طالب معترض وإتهم الطالب المجلس العسكري بالكذب بسبب محاولته تخويف الشعب من يوم 25 يناير 2012 عندما أشاع أنه سيحدث حريق بمصر وهجوم على الجيش وهو ما لم يحدث ومر اليوم بسلمية تامة وهو ما قابله الطلاب بالتصفيق ورد العميد بأن هذا لا يعنى كذب المجلس العسكري وإنما يعنى إدراك الشعب الواعي وعندما بدأ أحد لواءات الجيش الحديث قال محمد ناجى عضو اللجنة العليا لإضراب طلاب حلوان : “يا سيادة اللواء أنت جاى تزود عدد “، فطرده العميد فرفض ناجى الخروج، فأنهى العميد الندوة مضطراً، وبدأ الطلاب يهتفون: ’’يسقط يسقط حكم العسكر .. إحنا الشعب الخط الأحمر’’ و’’المجلس العسكري باطل .. والمشير باطل .. وعنان باطل’’ و ’’أول مطلب للطلاب .. الفلول بره الباب’’.. واستمرت الهتافات التي زف الطلاب بها ممثلي المجلس العسكري حتى طردوهم من الجامعة

طبعا عيب جدا واكرام الضيف واجب
ومهما كان فيه اختلافات فالحوار يجب ان يكون بسلوك حضارى نعبر به عن الرأى

كده غلط طبعا

شكرا استاذ

يسقط يسقط يسقط يسقط يسقط يسقط يسقط يسقط

حكم العسكر

هيه دى اخرة مجانية التعليم ؟؟؟؟ فعلا مفروض ان وزارة التعليم العالى يتغير اسمها لوزارة ( التربية الاول ثم التعليم زى زمان ) التربية الاول .. بقى لمجرد راجل محترم زى العميد و لا اعرفه الا من خلال الفيديو المرفق يتكلم ( مفروض مع ابناؤه ) يقوم يحصل اللى فلى الفيديو ده ؟؟؟ بذاءة و عدم احترام للكبير ....بس خلاص ادى طلبة الجامعة بحلوان ( و لا نعمم لجميع الجامعات ) لان الحسنه تعم و السيئة تخص صاحبها فقط مش كده و الا ايه ؟؟؟؟؟؟
و خير الختام ذكر النبى عليه الصلاة و السلام *****

لابد ان يعلم كل المسؤلين ان الشعب المصرى وخاصه شبابه قد كسر حاجز الخوف بدون رجعه وعلى ذالك لابد من تغيير اسلوب الحوار والسياسات لابد من ايدولوجيات جديده للحوار تعتمد على المنطق والصراحه وبلاش الاساليب اللى كانت ايام المخلوع لانها لم تعد تنفع ابدا وذهبت بلا رجعه . ورغم ان عميد الكليه لم يخطا فى تعبيراته بس اخطا لما معرفش يتحاور مع شباب الكليه التى هوا عميدها بدليل تجراهم عليه .لانهم اكيد حسوا انه بيخاطبهم باسلوب اقل من وعيهم . بدليل انه قال ان المصرى لم يكن يهان فى الدول العربيه واستشهد ببعض الاساتذه وعبر عن ان المصريين بالخارج هم سبب اهانتهم هناك ولا يعلم ان الطفل السازج فى مصر يعلم جيدا كم يعانى المصريين فى الخارج من صلف وعنجهيه الشعوب العربيه وكم لهم من حقوق تسلب منهم وكثير من الدول العربيه المصريين يعيشون بكفيل كانه عبد لايستطيع التحرك داخل الدوله الا باذنه بينما لا يجراوا ان يفعلوا ذالك مع اى شخص اوروبى او امريكى سياده الاخ عميد الكليه انت لا تستحق ان تكون عميدا بهذا الغباء اردت ان تضع السم فى العسل فى كلامك ولكنك لم تعرف ان طلبه الكليه عندك ازكى منك واكثر كرامه واكثر ثقافه . انت من اهنت ضيوفك من اللواءات باثارتك لطلابك وكان ممكن تدير الحوار بذكاء اكثر ولكنك اجهل من ذالك وانتا من اهنت طلابك وانت انسان غير كفؤ لشغل هذا المنصب

هيه دى اخرة مجانية التعليم ؟؟؟؟ فعلا مفروض ان وزارة التعليم العالى يتغير اسمها لوزارة ( التربية الاول ثم التعليم زى زمان ) التربية الاول .. بقى لمجرد راجل محترم زى العميد و لا اعرفه الا من خلال الفيديو المرفق يتكلم ( مفروض مع ابناؤه ) يقوم يحصل اللى فلى الفيديو ده ؟؟؟ بذاءة و عدم احترام للكبير ....بس خلاص ادى طلبة الجامعة بحلوان ( و لا نعمم لجميع الجامعات ) لان الحسنه تعم و السيئة تخص صاحبها فقط مش كده و الا ايه ؟؟؟؟؟؟
و خير الختام ذكر النبى عليه الصلاة و السلام *****

التربية الاول ثم التعليم زى زمان


وهو المطلوب فى هذا الزمن العجيب
زمن لا احترام فيه للكبير عامة

مهزله وقله ادب اللى حصل دا..شباب الجامعات دول واخدهم الحماس شويه وفاكرين انهم اساتذه فى السياسه ومش شايل مسؤليه ودا لانه لسه بياخد مصروفه من والده لكن بكرا يتخرج ويصتدم بالواقع ويعقلوا شويه ويعرفوا انه منتهى قله الادب والتربيه وانحطاط اخلاقى لما اشتم لواء او حتى عسكرى فى جيش بلدى وبيحمينى وبيحمى بلدى

اللى مش عاجبه المجلس العسكرى يبص على ليبيا وعلى سوريا وهو يعرف قيمه المجلس العسكرى مهما عمل بقى