بسم الله الرحمن الرحيم
السلام عليكم ورحمة الله وبركاته
اعلن موقع اليوم السابع منذ قليل ان هناك مصادر مصرية قضائية اكدت بانه قد تم رفع عددا من المتهمين الامريكيين المتورطين فى الشروع بتمويل منظمات اهلية فى مصر بدون تراخيص من قوائم الممنوعين من السفر بسبب قضية التمويل الاجنبى ولكن ياتى ذلك بعد تنحى هيئة المحكمة اامسئولة عن مباشرة القضية بالامس واكدتت مصادر ان اللذى وراء تلك الانسحاب او التنحى هى وزيرة الخارجية الامريكية هيلارى كلينتون حيث قالت هيئة المحكمة اللتى تنحت بالامس انها قد تنحت بسبب استشعارها الحرج يذكر ان السلطات المصرية قد القت القبض على 19 اجنبيا منهم امريكيون بسبب تمويلهم لبعض المنظمات الغير حكومية فى مصر بدون ترخيص وتتصاعد المشاكل فى تلك الايام بسبب تلك القضية بين القاهرة وواشنطن

يعنى ايه الكلام دا يعنى خافو ولا ايه بالظبط

وإيه المصيبة دي؟ أنا سمعت الخبر من شوية بس لسه مش مصدق.

شكرااااااااااااااااااااا مستر على الخبر

على رأى إتش دبور المجلس العسكرى جاب ورا. أهم شئ انهم علينا عاملين أسود

والله انتوا ما بيعجبكوش العجب الدنيا كلها ووسائل الاعلام كانت هايجة اليومين اللى فاتو علشان المجلس العسكرى هاجم المنظمات الاجنبية وقبض على الموظفين اللى شغالين فيها ودلوقتى بيتهاجم علشان بيضغط على القضاء علشان يحل مشكلتهم وبرضه مش عاجب

اللي مش مصدق يراجع تصريح الدكتور جنزوري لما جه قدام مجلس الشعب وقععد يعيط والناس كلها عيطت على عياطه لما قال بالحرف مصر لن تركع أبجاً لغير الله لكنها ستسجد لأمريكا ههههههههههههههههههه
يا دكتور جنزوري يا مجلس يا عسكري إذا كنا سنسمح للأمريكان بالسفر للخارج فلماذا منعناهم من البداية ، لماذا لم تدور عجلة الانتاج بعد أن توقفت المليونيات ولا العجلة حد سرقها ؟؟؟؟ محدش شاف العجلة اللي كانت واقفة في التحرير يا جدعان اللي لقاها يجيبها دي عليها أقساط

اللي مش مصدق يراجع تصريح الدكتور جنزوري لما جه قدام مجلس الشعب وقععد يعيط والناس كلها عيطت على عياطه لما قال بالحرف مصر لن تركع أبجاً لغير الله لكنها ستسجد لأمريكا ههههههههههههههههههه
يا دكتور جنزوري يا مجلس يا عسكري إذا كنا سنسمح للأمريكان بالسفر للخارج فلماذا منعناهم من البداية ، لماذا لم تدور عجلة الانتاج بعد أن توقفت المليونيات ولا العجلة حد سرقها ؟؟؟؟ محدش شاف العجلة اللي كانت واقفة في التحرير يا جدعان اللي لقاها يجيبها دي عليها أقساط

ههههههههههههههه
هم يبكى وهم يضحك
الشئ لوحيد اللى يحتسب للمجلس هو اغلاق المنظمات المشبوهة
لكن فين نتائج التحقيقات
والناس دى طلعت براءة على اساس ايه ؟؟
والمجلس العسكرى عملهم سندوتشات مربى ولا حلاوة بالقشطة بس؟؟؟؟؟؟؟؟؟؟؟

يافرحه ماتمت خدها الغراب وطار ........................

هما مطلعوش براءة يعني لا هما على ذمة القضية هيروحوا امريكا وبعدين يرجعوا يكملوا محاكمة بعد كدة علشان يكونوا شاهدين على السجود .... الحاجة المهمة دلوقتي يا جماعة إن الحكومة خدعتنا أزاي هقولكم هما قالوا عايزين نعمل مبادرة العزة ناخد فلوس من المصريين بدل أمريكا لإن مصر مش هتركع طيب هما فعلا دلوقتي خدوا فلوس من الشعب وركعوا وخدوا من أمريكا طيب مصير أموال الشعب اللي خدوها أية هيردوها ولا خلاص بح الحاجة التانية هي فين عجلة الانتاج اللي يلاقيها يرجعها عليها أقساط

معلش ياشاطر حسن ماتزعلشى يمكن قصدهم على الركعه التانيه ولا التالته اما العجله فلسه قدامها بعض التصليحات

من حكمدار بوليس العاصمة إلى الدكتور كمال الجنزوري القاطن بدير النحاس العجلة اتسرقت

من حكمدار بوليس العاصمة إلى الدكتور كمال الجنزوري القاطن بدير النحاس العجلة اتسرقت

ماتقلقش يا استاذ حسن
العجلة كانت متأجــــرة لفتين والعجلاتى هو اللى اخدها

نو بروبليم.

أمريكا لوت دراع مصر.

عادي محصلش حاجة.

الحمد لله

البلد دى عمرها ما خيبت ظنى فيها

لا حول ولا قوه الا بالله العظيم
مبروك عليكم ياأهل المحروسه
مبروك عليكم الترامواى والعتبه الخضره
وعقبال مايدقوا هلى أصداغكم العصافير الزرقه