فى أجتماع مجلس الوزراء قام وزير التربية والتعليم بعرض مشروعين لرئيس الوزراء كمال الجنزورى الأول بدمج سنتين الثانوية العامة مرحلتى الصف الثانى الثانوى والصف الثالث فى سنة واحدة وهى الصف الثالث الثانوى حتى يتم التخفيف عن الطالب والأسرة المصرية من تكاليف التعليم والدروس الخصوصية المرهقة .
والمشروع الثانى يخص المعلم وهو وضعه فى كادر يناسبه مادياً ووضع حد أدنى للمرتب وزيادة أساسى المرتب حتي يستفيد المعلم مادياً وقال الوزير أيضاً أن الثانوية العامة باقية كما هى بدون تغيير ولايوجد تعديل حالياً ولكن ندرس الأن كيفية تطوير شهادة الثانوية العامة حتى يتم التخفيف عن الطالب والأسرة .

والله قرار جميل جدا.

بس يا ريت يتم تطبيقه.

لأن ما فيش أسهل من الكلام

بصراحه قرار من وجهه نظرى صائب والبيوت ترتاح شويه من سنتين شهاده وبهدله

وتستمر القرارات العشوائية
المشكلة مش فى سنه ولا سنتين المشكلة فى اسلوب التعليم والمناهج
لابد من تطوير نظام التعليم فى مصر بالكامل من الحضانة الى الكلية
لابد من وجود التطبيق العملى
لابد من البحث فى مايتفوق فيه الطالب والتركيز عليه وتنمية مهاراته
انا افتكر زمان ان الكتاب المدرسى شكله كان كالاتى
1- الدرس
2- اكتب ملخص الدرس
3- مادا تعلمت من الدرس او الاستفادة
4- تطبيقات على الدرس
اما الان
1- ملخص للدرس
2- ماذا ستتعلم من الدرس
3- الدرس
4- تطبيقات الدرس
وطبعا كده للاسف قتلنا الابداع فى الطالب وقتلنا التفكير
للاسف لابد من التطوير الشامل

اخيرا وبعد طول انتظار الغينا افتكاسة الدكتور حسين كامل بهاء الدين اللى كان فاكر يومها انه هيتقدم بالتعليم وهيريح الطالب واسرته وعجبى _ نفسى بقى تتعدد المواد الدراسية بهذه السنة حتى لا يتشجع الطالب واسرته من اخذ دروس خصوصية فى كل المواد زى مابيحصل دلوقتى _ ويا ريت الاسر المصرية واولياء الامور يتابعوا مستوى اداء المدرسة والمدرس مع ابناءهم بدل ما يستسهلو ويخدوا دروس _ اللهم احفظ مصر وشرفاء مصر

اللهم أرشدنا وإهدنا الى طريق الرشاد وطريق الصواب ووفقنا الى ماتحبه وترضاه

ياعم الحج القرار دة مينفعش عشان فى السنتين الطالب لو جاب مجموع ضعيف فى السنة الاولى يعرف يجيب مجموع حلو السنة اللى بعدها وشكرااااااااااااااااااا

القرار ده حلوه بس يا ريت المدرسين اللي بتدي دروس خصوصيه اقل حصه في الساعه تكون ٢٠جنيه