1- حاول ترغب واحد أوأكتر من الجيران أوالأصحاب أوالزملاء في الصلاة لو كان مبيصليش، لو حب الصلاة ممكن يرغب غيره في الصلاة، والثواب يشتغل عليك في حياتك وموتك.
2- امتنع عن مشاهدة المسلسلات والأفلام اللي بتضيع الوقت، كده سوق الفنانين يفقد واحد، دي حاجة كويسة ترضي ربنا، عاوز تزود ثوابك ممكن تكلم حد من جيرانك وأصحابك وزمايلك، وهو ممكن ينصح غيره، وده يساهم في تنظيف البلاد من الفن القبيح الفاسد، دي حاجة كبيرة أوي عند ربنا، والثواب ينزل عليك زي المطر في حياتك وموتك.
3- حاولي تنصحي حد من الجيران أوالأصحاب أوالزميلات بارتداء الملابس الشرعية، اللي مش بتكشف ولا بتوصف ولا هي زينة تجذب الأنظار، وهي ممكن تنصح غيرها، وده يساهم في نشر العفة والطهارة في دولة الإسلام، وينهال الثواب عليك في حياتك وموتك.
4- لو كنت صاحب مال وفير حاول ترعى بيت أوأكتر من بيوت الفقراء، وتبقى حاجة حلوة قوي لو قدرت تعمل مشروع لواحد كبير أوطفل بيبيع مناديل في الشارع ودخله ضعيف، ممكن محل صغير مش كبير، أوتدفع له مبلغ يعمل له مشروع، الصدقة ثوابها كبير، دي بتخفف على البلاد أزمة الفقر، ولو كل واحد غني ساعد شوية من الفقراء كان المجتمع يبقى قوي، دي حاجة كبيرة عند ربنا، عشان كده الثواب كبير أوي، وممكن تخليها في السر؛ احنا عارفين صدقة السر تطفئ غضب الرب، يبقى ثوابها أد إيه لو بتطفي غضب ربنا؟!! متحرمش نفسك من الخير ده لو كان بإمكانك.