امريكا وفضيحة قضية التمويلات الاجنبية تلك القضية التي هزت الراي العام المصري مؤخرا فكان هناك العديد من الامريكان واخرين متعددي الجنسيات محتجزين لدى القاهرة بتهمة التمويل الاجنبي لمؤسسات غير حكومية وفجأة تنحت هياة المحكمة وتم الافراج عنهم وترحيلهم الى بلادهم !!!

في موقف يعتبر كوصمة عار على جبين الحكومة المصرية و المجلس العسكري واذا بعبد المعز ابراهيم رئيس محكمة الاستئناف يقول ان الافراج نتيجة انها جنحة وليس جناية وهو مايعتبر تدخلا سافرا في القضاء المصري الذي اوهمونا سابقا انه مستقل !!

واليوم يطلون علينا مجلس العلاقات الخارجية الأمريكىة ذاكرين اسباب ومبررات ودوافع الافراج عن الاجانب المحتجزون داخل مصر وجاء في تصريحاتهم ان المسئولين المصريين ادركوا ان التعقل هو اول اساليب الشجاعة , مؤكدين انه تعقلهم هو السبب في عدولهم عن القرار وان هذا ماسيجعل الدعوات التي تدعو لقطع المعونات الامريكية عن مصر تتوقف لكن هذا لم يغير صورة امريكا في مصر !!

وذكرنائب رئيس مجلس العلاقات الخارجية جيمس ليندسى وهو احد اكبر مراكز صنع القرار مؤكدا ان الامريكيين لم يعودوا لبلادهم نتيجة الاعمال العادية للنظام والقانون المصري , بل ان ادارة اوباما قامت بضغوط مبررة على القاهرة مع تهديدات بمنع مساعدات صندوق النقد الدولي وهو ما اوضح اثر واسع لدى المسئولين المصريين لاسيما مع انخفاض الاحتياطي الاجنبي في مصر وسط الازمات السياسية و الاقتصادية التي تمر بها البلاد , مما دفع حكومة القاهرة ان يدركوا أن التعقل هو الجزء الأفضل فى البسالة، وهو سرتراجعهم .

مؤكدا ان المصريين الان يلعبون لعبة اللوم معا بعد رحيل الامريكيين فلا احد يريد تحمل مسئولية الاستسلام لواشنطن ويريد كل شخص ان يحمل غيره مسئولية تلك السقطة مؤكدا ان سياسة تجنب اللوم هي جزء لايتجزا من الديمقراطية وهي مؤشرا على تقدم السياسة في القاهرة لكنها ستزيد من الشحن تجاه واشنطن

عندك حق كان لازم نعرف مقامنا ومنتحداش امريكا
حسبنا الله هو نعم الوكيل

لوووووووووووووووووووووولى علينا وعلى سيادتنا وكرامتنا وعقبال مبارك ان شاء الله لما يخرج بالسلامة ويروح بيته لمراته وعياله والفين سلام وتحية على السيادة المصرية لووووووووووولى

وصمة عاااااار في جبين المجلس العسكري
مجلس حسني الفاسد
ربنا يلعنهم

المجلس العسكرى قصدى المشير ذليل ما عندوش كرامة الحكومة وسخة القضاء تحت السلم

المجلس العسكرى قصدى المشير ذليل ما عندوش كرامة الحكومة وسخة القضاء تحت السلم

يا شباب دى سياسة بلد وبلدنا بيتها من زجاج هو احنا قد امريكا ولاهيا ناقصة ازملت سياسية وعلى راى المثل ان جه غصب خليه جوده يعنى لو جه حاجة غصب عنك قول ده كزم منك

حاسة ان الشعب المصري عامل زي الغريق بس كل ما يجي يرفع راسة يجي واحد واطي زي المشير او زي طنطاوي يضغط على راسه فيغرق تاني ربنا ياخدهم ويطهر البلد دي منهم عايزين انقلاب على المشير و المجلس العسكري مش على الجيش وربنا ياخد مبارك والمشير والجنزوري في نفس اليوم واللحظة خلي البلد تنضف

ايران نفسها الشهر اللى فات لما مسكوا جاسوسين امريكان سلمتهم لبلدهم وفوقيهم بوسه..اساسا لا يوجد امريكى واحد ممكن يتحاكم فى اى دوله من دول العالم مهما عمل...بالعربى وبكل اسف احنا حاليا ع الاقل لانستطيع الوقوف امام قوه امريكا والحقيقه مره

حكام مصر وضعو رؤس المصرين فى الطين واصبحنا مضحكة للعالم وبكرة اسرائيل دينا على قفانا . لاان وقت الكرامة والرجالة بحق ماتو احنا فى وقت السلفى والاخوانى الشعب اللى انتخبهم بيشرب الان من نفس كاس مبارك

أرجو أن تفيقنا تلك الفضيحة من ثباتنا العميق
و نعرف أن (من لا يملك رغيفه, لا يملك حريته)

نعم أخطأ المشير و المجلس العسكرى و الحكومة, ولكن هل نحن كشعب (براءة و مظلومين كالعادة) لا أبدا, جرينا أكتر من سنة ورا شوية عيال بتخرب فى بلدنا الخربانة أصلا, و سبنا أشغالنا و مصالحنا و أصبحنا كلنا ماشاءالله(نشطاء سياسيين قد الدنيا) نقطع طرق و نولع هنا و نخرب هناك
الكل حذرنا من أول المشير لعصام شرف للجنزورى من الضياع و الخراب و انهيار الاحتياطى النقدى و زيادة الديون الداخلية والخارجية............و احنا ولا أحنا هنا كأنهم بيتكلموا عن أدغال أفريقيا و ليس عن مصر

و دلوقتى زعلانين علشان خدنا قلم سخن من أمريكا, وبتقولوا المشير و الجنزورى هما السبب, أيوه هما السبب و لكن لو رفضوا تسليمهم و مات عيالكم من الجوع مش كنتوا هتعيطوا و هتقولوا برضه الكلمتين اياهم عن فشل المجلس العسكرى والحكومة فى الأدارة (كأنهم قال يعنى كانوا ماسكين اليابان و جابوها الأرض)

فوقوا بقى الله يخليكم

اوعو تقولو مبارك مشى مش محتاجه هبل ونبى

يااااااااااااا فضايحك ياااااااااا مصر

جميع التصريحات الامريكية هدفها فرق تسد
وعايزين يوقعونا فى بعض

حتي لو مش عارفين نوفر لقمه العيش لولادنا مايكونش ده السبب اننا نستغني عن كرامتنا كشعب له اصول ... بس ناقصنا رجاله يمسكوا بلدنا

انا برد على اللى عمال يئول امريكا هتجوعنا ياعم الأط انت عندك صناديق خاصه فيها أكثر من تريليون يييعنى ممكن تسد ديون مصر ده غير الحسابات الخاصه اللى وراء كل صندوق وعمالين يقولو البلد بتخرب وبيرسمو قصة الوداع علينا كل ده تخويف واجهاض للثوره..........عشان المشير يتبسط ويبسط اللى حواليه ويقولهم انا شغال مش نسيكوم....

عندى سؤال واحد هل كل واحدفى البلد بقى لازم يفتى فى اللى ليه فيه والى مالوش فيه هل احنا فى قلب السلطه عشان نقدر نحكم هما عملوا كده ليه وهل الريس اللى هيجى هيبقى مطلوب منه انه كل اما ياخد قرار يبررلنا هو عمل كده ليه ياريت كل واحد بقى يفكر فى شغله وبس ويحاول انه يغير من نفسه لان المجلس العسكرى اتصرف صح او غلط كده كده الناش مش عاجبها فالله يكون فى عونهم انهم لسه مستحملنا ومعملوش زي جيوش كتير اوى بهدلوا شعبهم وبلادهم

على الامريكان ان ينتظرو ا الرد

الباشا اللى بيقول ان عندنا تريليونات ؟؟؟؟ هو اى كلام و خلاص .... امريكا تقدر تجوعنا و اللى مش عاجبة يشلح .... ايوة دى الحقيقة و بلاش والنبى حكاية الكرامة و الكلام الكبير الحلو دا ... كرامة سعادتك هتكون فين لما تجوع و كرامتك فين لما كل بيتك صينى فى صينى .... كرامة يعنى عمل كرامة يعنى اقدر اصرف على نفسى .... مصر هيكونلها كرامة عندما تستطيع ان تمنح و تمنع غير كدة يبقى هبل

الاسلام وتطبيق شرع الله هو الحل - يا ناس الغوا الفوائد الربوية من البنوك والغوا الضرائب والجمارك التى هي اكل لاموال الناس بالباطل لتنتهي حرب الله عليكم افهموا بقى فإن لم تفعلوا فأذنوا بحرب من الله ورسوله

كل واحد أدرى بشغله مش كل ما تحصل حاجة نلعن المشير وغيره لازم يكون عندنا عقل احنا دلوقتى فى فترة حرجة ندعى ربنا انها تنتهى بسلام ولعل وعسى يكون فرجه قريب ويارب يامصر دائما تكونى فى قوة ونصر بشبابك ورجالك

الي الاخوة المنفعلين الهدوء امريكا دوله قوية جدا نعم ولها امكانيات نعم ولكن تعمل كل شئ لا والف لا باعترافهم فلكل شئ قدرة محدودة والادلة كثيرة فماذا فعلت مع كوبا؟ وماذا فعلت مع فنزويلا؟
وماذا فعلت مع ايران؟ يمكن دول ضعاف طيب مع الصين وماذا فعلت مع كوريا الشمالية التي تعاني من ازمات خطيرة المساله هي انها قادرة علي الايذاء بل يمكن لدوله اقل منها مثلا ان تسبب اذي اقتصادي لدوله اخري امريكا فشلت في الصومال وفشلت في افغانستان وفي فيتنام سابقا وضربت في لبنان ولا تقوي علي مهاجمة ايران لانها تعلم انها ستدمر امناطق كثيرة في ايران ولكن الايرانيين سيجعلونها مسخرة هي ومنطقة الخليج كلها واي تورط سيعجل بنهاية هذه الامبراطورية التي هي الان بالفعل في مرحلة الشيخوخة ولكن ماذا علينا نحن؟
علينا ان نطهر بلادنا ثم نبنيها واؤكد التطهير ثم البناء وخلال ذلك يمكنا اقامة علاقات طيبة مع امريكا ومع الشيطان اذا لزم الامر ولا يوج في السياسة ان احبها او اكرهها هناك مساحات شاسعة للتعامل بين الدول وشكرا

والله احنا نسبها لله لان الواحد فمه وجعه من كتر الكلام فى السياسه ولسا ادمنا وقت طويل اوى على بال اما الثوره مفعولها يشتغل لان احنا لسا ما شلناش الا راس الافعه بس لسا الباقى والباقى دا نص الشعب او تلته كمان

احنا كدة الشعب المصرى الا ليه والا مالوش بيتكلم شوفو اكل عيشكم بقا

واضح انها عملية ابتزاز دنيئة من اوباما وامريكا، والضغط هو اللي ولد الحالة دي ولكن هذا لا يعفي السلطة الحاكمة في البلد لاتخاذ الاجراءات الاحترازية لاي فعل لان طبيعي لكل فعل رد فعل ولابد عندما نقوم بشيء نكون قده من البداية والحق لا يعلى عليه، فهؤلاء المفرج عنهم هم متهمين ولابد من اخذ عقابهم ان ثبت عليهم اي تهمة مهما كانت (هذا ان كان فيه قضية تمويل من الخارج من الاساس لانه هناك شك في الموضوع ده) ولكن انقلب السحر على الساحر فمن اراد ان يأخذنا الى فكرة التمويل الخارجي (التي فيها شك من اساسه) هو نفسه من تجرع من كأس الضغوط والابتزاز من سياسة امريكا واوباما. وبناءا عليه وجب الان تغيير كل الرؤوس الذين يحكمون البلد لانها مش واقفه عليهم ولا على سياساتهم المتناقضة مع بعضها وهي مسألة وقت. واحنا كشعب مش حنخلي شخص موالي اين كان لاي شخص او سياسة يحكمنا لاننا من نقرر مصرينا وصبرنا عليهم هو مجرد وقت ليس اكثر حتى نرى الرئيس المحتمل الجديد ان شاء الله. ثم عندها سنقرر مصيرنا بايدينا وليس بايدي هذه الحكومة المؤقته الغير سوية.

المجلس العسكرى عامل ودن من طين والتانية من عجين (أطرش فى الزفة) .

لا حول و لا قوة الا بالله العلي العظيم
ستظل مصر شامخة
فوق الجميع