مين اسلام دة

فين الباقى طيب

(( يادي النمر الغريبة اللى على وش الليل مين ده كمان ))
صافي : الو
الولد : الوو
صافي : مين معايا
اسلام : بلاش هبل انا اسلام
صافي : اسلام مين ؟؟
اسلام : انا شيكو يخرب عقلك
صافي : اه اهلا انت جبت نمرتي منين ياض هو انا مش قلت لك هغير الخط بتاعي
اسلام : جبته خلاص بلاش اسألة كتير .. انتى عاملة ايه
صافي : ايه ايه بشويش جبت رقمي منين عشان اللى قالك هطلع عينه
اسلام : ماهو عشان كده مش هقولك
صافي : اوف ده انت رخم كده طول عمرك
اسلام : ههههههههههههههههههه .. معلش .. انتى عاملة ايه
صافي : كويسة
اسلام : مفيش وانت عامل ايه .. لابجد ده ايه الوش الناشف ده
صافي : ولا تزعل وانت عامل ايه ؟
اسلام : كويس
صافي : طب سلام بائة ومتتصلش تاني
اسلام : ماشي يا خفة سلام

*************

( بعد فترة طويلة فى اجازة قبل الامتحانات )

جيهان : ازيك يا كريم
كريم : ازيك انتى عاملة ايه
جيهان : انا الحمد لله كويسة
كريم : ايه الاخبار .. واخبار صافي ايه وحشاني اوى والله البت دى ليها وحشة
جيهان : كويسة .. على فكرة هى زعلانة منك اوى
كريم : ليه كده بس
جيهان : انت ليه مش بطول معاها فى المكالمة ؟؟
كريم : اطول ؟؟ ازاى يعني هو السلام وبقفل
جيهان : مينفعش الحبايب بيكونوا هيموتوا على بعض ومش بيتمنوا يقفلوا اصلا
كريم : واحنا هنكلم فى ايه يعني ؟؟؟؟؟؟؟
جيهان : فى اى حاجة نت اغاني عربيات موبايلات واقلب على كلام حب كده يعني هات لها هدية هتلاقيها جابت لك هدية
كريم : مش عارف الكلام ده كله مخطرش على بالي اصلا
جيهان : اديني اديتلك انطباع كلمها وقولها بحبك قبل ماتقفل يابني اهبلها عليك خليها تموت منغيرك
كريم : اى نصايح تانية ياست المرشدة
جيهان : خليك زي احمد
كريم : يادي احمد ده ماله انا مش بحب الواد ده
جيهان : ليه اى بنت تتمناه ماله ؟
كريم : عشان دمه خفيف يعني وانا دمى تقبل
جيهان : على فكرة انت دمك خفيف اوى وزي العسل بس انت اللى مش بتخففه لو حاولت هتعرف انت كده بتدي انطباع لصافي انها بالنسبة لك ولا حاجة وكأنها مش عارفة تخليك تضحك وكمان هزر معاها غلس عليها ده مفيش حد مش بيغلس على حبيبته
كريم : ايه ده لالالالا اغلس على صفصف مينفعش
جيهان : لاء ينفع ونص كمان
كريم : كفاية بجد انتى كده بتجبيلي احباط
جيهان : لاء انا كده بجبلك امل كبير
كريم : طيب سلام دلوقتي بائة

*********
جيهان : يلا يا معلم اى خدمة ظبطهولك
صافي : انتى هبلة يابت انتى كريم بيزعل ايه العبط ده ؟
جيهان : طب وربنا انتى اللى هبلة وهو اهبل منك
صافي : جيهان :@:@
جيهان : ههههههههههههههههه .. والنبي لاتتنرفزي وشك الابيض ده بيحمر وبتبقي زي العسل
صافي : ششش اسكتي بائة رخمة صحيح

**** ( وبعديها بيومين )

كريم : ازيك يا صافي
صافي : الحمد لله ازيك انت
كريم : الحمد لله .. تعرفي بجد انا مش مصدق بجد شكرا اوى
صافي : مش مصدق ايه ده هزار ولا تريئة ولو بجد يارب اكون عند حسن ظنك داينا
كريم : صافي انتى مش عارفه انتى سببتى ليا ايه انا بقيت اعيط من الى انتى قلتيه وانا هانفصل معاكى
صافي : تاني يا كريم نفس الكلام ؟؟ هنعد نعيط ونزعل ونتحايل تاني
كريم : اولا انا مخلتكيش تتحايلى عليا وثانيا انى عندى كرامه وبعد الى حصل ده راااااااااحت كلها فاليه اضيع اغلى حاجه عندى وثالثا وده اهم حاجه انتى عارفه ان انتى اكتر بنت حبتها فى حياتى
صافي : اه صح صح والدليل انك عايز تسيبني دلوقتي .. مين اللى لعب فى دماغك تاني يا كريم انت بتسمح للناس انهم يفرقوا مابينا
كريم : مفيش حد فرق بينا يا صافى اقلك على حاجه حلوه اعتبرى انى اتجننت وعايز كدا ماشى
صافي : ماشي خلي هاجر تنفعك
كريم : هاجر هاجر هاجر كل حاجه هاجر كل حاجه انا اعملها غلط تقولو هاجر ماشى
صافي : هى خلاص كده بقيت كل حاجة عندك مش مفهومة ومنغير سبب كمان ؟؟
كريم : متقليش من غير سبب انا مش عبيط علشان اعمل كدا من غير سبب وكمان قصدك من كلامك انى انا الى بلعب احب افهمك بس انى عندى 20 سنه وعمرى ما هلعب ببنت لأنى اخلاقى مش سامحه بكدا واكيد انتى اكتر واحده عارفه كدا
صافي : والنبي انا مابقيت عارفة حاجة اصلا !!
كريم : صافي انسى الموضوع خلاص اعتبرى ان ديه فتره وراحت لحالها وخلاص
صافي : يعني انا كأني فترة من عمرك وانتهت وكأني خاتم عندك او ورق خلصته وماستفدتش منه حاجة ورميته وانا اللى عملت المستحيل عشان اضحكك وانا اللى دافعت عنك وبيعت صحابي عشانك وكل الناس اللى بيكرهوك وقفت قدامهم وخيبت املي صحابي عشانك ايه اكتر من كده يا اخى ارحمني بائة
( وطبعا مشيت وهى بتعيط )

ربنا معاها ومعانا لحد ما تكمل القضه دى
مشكوره ياقمر وياريت الباقى
تقبلى مرورى

7elwa awy ya 2mr
kmleha yala

الحلقة الواحدة والعشرون

صافي : يعني انا كأني فترة من عمرك وانتهت وكأني خاتم عندك او ورق خلصته وماستفدتش منه حاجة ورميته وانا اللى عملت المستحيل عشان اضحكك وانا اللى دافعت عنك وبيعت صحابي عشانك وكل الناس اللى بيكرهوك وقفت قدامهم وخيبت املي صحابي عشانك ايه اكتر من كده يا اخى ارحمني بائة
( وطبعا مشيت وهى بتعيط )
وصلت صافي الي بيتها منهارة و لم تستطع الافلات من اختها رندة
التي كما تقول صافي "كابوس حياتها" فهي دائما ماتريد التدخل فى حياتها الشخصية
وكانت صافي ترفض ذلك رفضا تاما
ودخلت وبدلت ملابسها ووجدت هاتفها المحمول يرن لكنا لم تكن تريد الرد على اى مخلوق
ولكنها ردت لانها صديقتها المفضلة بسنت من ايام الثانوي ولم تتردد ومسحت دموعها وقامت بالرد :
صافي : سلام عليكم ..
بسنت : وعليكم السلام .. ازيك يا صافي ايه يابنتي فينك ؟؟
صافي : انا موجودة انتى اللي فين و ايه اخبارك
بسنت : نفسي احكيلك على مصااايب يابت يا صافي قبلها قوليلي .. اخبارك انتي ايه ؟
صافي :زفت ف زفت
بسنت : يادي الهم .. ليه كده بس هو انتو اتخانقتوا
صافي : اه والمرادي بجد بجد
بسنت : هههههههههه زي كل مرة وبتتصالحوا متزعليش نفسك شكله ميستاهلش
صافي ؟: ممكن .. انا مبقتش عارفة حاجة اصلا
بسنت : ولا يهمك يا عسل تحبي نخرج دلوقتي طيب ؟
صافي : ماشي بس هنروح فين ؟
بسنت : فى جنينة كده قريب من بيتي تعالي نعد فيها مع بعض اهو تغيير جو
صافي : معاكي حق الجو حلو النهاردة اوى
بسنت : ماشي رنيلي قبل ماتنزلي
صافي : اوك .. سلام يا قمر .
-------
وبالفعل قابلن بعضهن بالاحضان و القبلات
بسنت : وحشتيني يا صفصف
صافي : وانتى كمان يابت والله ليكي وحشة
بسنت : شوفتي اللي حصل
صافي : ايه احكي .. وحشتني الحكاوي السودة بتاعتك اتقفشتي تاني ؟
بسنت : لاء الحمد لله بس كان ساعتها تكة واتقفش
صافي : احكي يلا ..
بسنت : انتى عارفة اني بكلم محمود الصبح بدري دايما على اساس ان البيت بيكون نايم كله وانا بكلمه بقا قالي انه زعلان مني .. سألته ليه .. قالي بذمتك مش عارفة .. قلت له لاء فى ايه .. قالي الحيوان اللي اسمه شادي لم شاف صورتك وانتى فى المكتب عند بباكي قعد يبوس فى ويقول عسل وحضرتك تضحكي .
صافي : وبعدين .. ؟
بسنت : قلته له لا ابدا والله ماحصلش .. وبعدين مين اللي قالك .. قالي هيكون مين شادي الزفت .. قلت له والله العظيم ابدا ابدا انا استحالة اعمل كده
صافي : وبعدين ..؟
بسنت : قفل فى وشي وزعل ولسة كنت هطلع من البلكونة لاقيت اخويا فى وشي وقالي بتعملي ايه ؟؟ قلت له كنت بكلم صاحبتي .. ومن حسن الحظ مدققش لانه كان لسة صاحي من النوم وقالي طب حضريلي الفطار عشان نازل الشغل بدري
صافي : طيب الحمد لله .. ايه اللي فى الشنطة بتاعتك ده ؟
بسنت : ده لاب توب فى نت وكل حاجة
صافي : كويس
بسنت : وانتى مش هتصالحي كريم ؟
صافي : استحالة هو اللي ييجي مش انا
بسنت : مين اللي صالح التاني المرة اللى فاتت
صافي : متهيألي هو .. مش فاكرة
بسنت : طب قشطة يا جامدة هنفتح النت هنا وشوفيه على ايميله ولا لاء ؟
صافي : بس بلاش هطل مش هكلمه تاني
بسنت : انا جنبك هغششك بس يلا افتحيه .. تعرفي مرة محمود رد عليا من غير سلام ولا اى حاجة وقالي عايزة ايه يابسنت وكان متنرفز وهيقوم يضربني .. قلت له سلامتك يا حبيبي وهدي خالص ..
صافي : لا والنبي
بسنت : يلا اهو كريم فاتح .. كلميه
صافي : طيب
( وعلى الايميل )
****
{ صافي : هاى }
{ كريم : ازيك }
{ صافي : الحمد لله .. وانت }
{ كريم : تمام جدا }

صافي : موجهة كلامها الي بسنت : شايفة الحيوان بيقول ايه
بسنت : معلش صدقيني ثوانى وهتتصالحوا دلوقتي

{ - ممكن سؤال يا كريم }
{ -اتفضلي يا صافي }
{ -انا مفهمتش احنا اتخانقنا ليه ؟ }
{- عشان انتي مش صريحة معايا }
{ - ازاي بقا انشاء الله ؟؟؟؟ }
{ - المفروض تصارحيني بعيوبي مش تبعتي صبحتك }
{ - بس انا مبعتهاش هى اللي جت لك من نفسها }
{ - بس كان انتى برضو المفروض من نفسك تقوليلي ابقي طول معايا فى المكالمة مكنتش هقول لك لاء !! انا مستغرب اوي من تصرفاتك }
{ - مكنش ينفع عيب عليا .. فى بنت تقول لولد ابقا طول معايا شوية ؟؟؟ }
{ - اه في }
{- طيب ممكن طلب .. }
{ - اتفضلي }
{ - اديني فرصة تانية عشان اكون افضل معاك }

بسنت : (بجانب صافي) ايوة يابت ظبيطيه

{- يا صافي صعب اوى }
{ - طيب لم تيجي تقول مكانش عندى دم ومجتش صالحتك يبقا هتشوف وش خشب مني مش حلو }
{ - بصي انا بحبك جدا جدا وفعلا مش قادر .. ومش قادر اعيش منغيرك يا صفصف }

صافي : الحقي بيقول ايه ياربي هموووت
بسنت : ردي عليه يا هبلة

{ - ولا انا والله .. انا بحبك اوى }

بسنت : قوليله مش بحبك .. بموت فيك يلا بسرعة

{ - ياكريم انا .. مش بحبك .. انا بموت فيك }

جميل يا قمر تسلمى

سورى ع التاخير