مســــــلســــــل حكــــــايـــــــات بنــــــــات
نشتغل أمريكاني ..طبــعاً ، نلبس ونآكل أمريكاني ..ماشي ، إنما نحب أمريكاني…….. أكيد لأ
لو حسيت ان في حاجة نقصاك , حاول تعوضها بحاجة تانية , بس لو معرفتش متزعلش …مش كل حاجة في الدنيا بتتعوض
مهم اوي ان يكون شكلك في اللي انت لابسه جميل لكن الأهم ان يكون احساسك بـاللي انت لابسه أجمل ♥
سهل انك تهرب من حاجة مخوفاك, لكن هتفضل مخوفاك على طول, الحل مش في الهروب,الحل انكتلاقي طريقه تتغلب بيها على خوفكـ
العفريت وهم صورهولك خوفك ، خليك شجاع ، عمر ما حيبقى في حياتك عفريت
الست محتاجة راجل تفضفضله ويسمعها … حتى لو مكنش عنده رد عليها
لو حاوطتك الوحدة من كل ناحية!! اوعى تستسلم اكيد هتلاقى حل!!
.............
مكنتش قادرة استوعب انه لسه ماما ماتت، يمكن لما بنحب حد اوي ونطمن بوجوده أوي منعملش حساب لموته خالص لدرجة لو حصل منصدقش أو نخاف نصدقه
كنت بفكر في حاجة قريتها من زمان إنه أي حد بتموت أمه الملائكة بتقوله اليوم مات حبيب فلا حبيب لك بعد اليوم ، لكن في حاجة جوايا كانت رافضة تصدق انه خلاص لا حبيب لي بعد اليوم
..........................
المكان جزء من البني ادم ..مجرد جزء ..عشان كده مينفعش تقف حياه البني ادم علي جزء منه
إنك تفتقدي وجود زوج في حياتك لانك مش متجوزه..شيء قاسي جدا ..لكن الأقسي منه بكتير إنك تحسي الاحساس ده وانتي متجوزة
طول ما احنا عايشين هنفقد ناس و نفتقدهم , لكن أحيانا كتير ربنا بيبعتلنا الى يعوضنا
الطبع غالبا بيغلب التطبع مش لأنه اقوى منه.. ..لا.. لأننا مش بنحاول نتغير بذمة..!!
عيد ميلادك مش حفلة وتورتة وشمعة وهدية لا ده جرس إنذار بيقولك إلحق نفسك العمر بيجرى.
الامومة بالنسبة للست … زى الهوا اللى بتتنفسه … زى الشمس اللى بتدفيها … حاجة ثابته فى حياتها … ما تقدرش تتصور انها تبقى مش موجودة
“الطلاق عامل زي الموت .. غالبا يسبب وجع وألم وعذاب .. لكن أحيانا بيكون نهاية لعذاب أكبر”
أي قرار بناخده ممكن يطلع صح… وممكن يطلع غلط …لكن بنحس بعده براحة لانه خلصنا من الحيرة.
في حاجات ينفع التنازل عنها وحاجات لا ، فبلاش تعند في اللي ممكن تتنازل عنه عشان ماتضطرش تتنازل عن حاجات أكبر.
مفيش حاجه اسمها صدفه ده مجرد انذار بيقولك خلي بالك ان لسه ف حقايق تانيه هتشوفها ف حياتك
النسيان بيتغير لو استخدمناه في مكان متغير….النسيان ده نعمة لو استخدمناه في المكان الصحيح.
مهما كان امبارح مليان حاجات بتوجع …ومهما كان بكره مليان حاجات تخوف ,الحياة , لازم تستمر
