|
في مفاجاة غير متوقعة بالمرة وتحيرت فيها الاراء واختلفت فيها ردود الافعال نجد تصريحات وزير المالية الاستاذ ممتاز سعد بالامس في احدي اجتماعاتة عن وجود العديد من العروض المقدمة الي الحكومة والتي يتم التناقش فيها الان لابداء الراي السليم واتخاذ القرار الصائب المقدمة من رموز الفساد في النظام السابق والمسجونين في سجن طرة مقابل التنازل عن جميع ممتلكاتهم ودفع المبالغ المالية التي تحددها الحكومة مقابل اطلاق سراحهم واكد الوزير ان الحكومة تناقش الان هذة العروض المقدمة من رموز الفساد في النظام السابق في طرة حيث اكد ذلك وزير المالية اثناء اجتماع الجنزوري مع الوزراء في مؤتمر صحفي لمناقشة استراداد الاموال المنهوبة خارجيا وكانت هناك اقاويل ان مبلغ تهريب الاموال خارجيا وصل الي 5 تريليون جنية
|
|
5تريليون جنيه من دم الشعب المصرى منهوبه ومتهربه وبنقول مصر دوله فقيره وبنتذل لامريكا حسبنا الله ونعم الوكيل ماهمه دول لو اتعاملوا بشده شويه واتخذت تجاههم مواقف حاسمه هيتنازلوا عن الاموال وبرضه يتحاكموا لان الاموال دى مش اموالهم دى حقوق الشعب المنهوبه .............شويه حزم فى اداره امور البلادلوجه الله يامسؤولين وهنيا لك يافاعل الخير والثواب
|
|
خمسة تريليون جنيه
يعنى خمسه مليار جنيه ... ألف مرة ؟ مستحيل طبعا إذا كانت مصر كلها ميزانيتها السنوية حوالى 500 مليار جنيه يبقى المبلغ ده يكفينا عشر سنين بالكمال والتمام ؟ طبعا واسعة شويتين ثم من هو المصدر الرئيسى للخبر ؟ هل تم عقد جلسات اعتراف لكل متهم منهم على حده ؟ ثم قاموا بتجميع المبالغ المعترف بها فى صورة بيان ختامى ؟ أم أنها اجتهادات - وأحسبها كذلك ! ونأتى لقصة أن هناك من يدرس هذا العرض بهدف التوصل إلى تسوية من أى منطلق يتم دراسة هذا العرض ( إن وجد ) وأى شكل من التسويات ستتمخض عنه الدراسة ؟ هل ستكون على طريقة تعويضات ضحايا السلام 98 ؟ أم ستكون على طريقة تعويضات أسر شهداء الثورة والحساب فى البنك والناس تتبرع ولو بجنيه وأين العقاب لمن سرق وقتل وفسد وأفسد ورشى وارتشى وكذب وحنث باليمين هل أيضا يطالهم مهرجان البراءة للجميع ؟ وماهى فلسفة سن وتشريع أى قانون وعقوبة ؟ أليست الردع ؟ وهل تطبيق القانون وعقوباته المغلظة المدنية منها والعسكرية ستظل حكرا على شباب الثورة والنشطاء والمثقفين وأصحاب الضمير الحى ؟ ربنا يجعله عامر |
|
وكانت هناك اقاويل ان مبلغ تهريب الاموال خارجيا وصل الي 5 تريليون جنية
5 تريلون؟؟ ياريت الاقاويل دي تخف شويه علشان كده وسعت قوي |
|
يستقروا فى اماكنهم بالسجون ولا نريد اموالهم والتى هى اموالنا من الاساس
البلد بها مشاكل وهم داخل السجون كيف ستكون الاحوال اذا تم الافراج عنهم انهم مافيا متشعبة شكرا باراديس مان |
|
طبعا المبلغ ىمبالغ فيه جداً بس المهم نأخد فلوسنا ونطردهم من بلادنا
|
|
أنا الشعب او حتى جزء من الشعب وبقول يتحاكموا وتتاخد الفلوس , وكمان عايز حد يجاوبنى , لما تعرض رموز النظام السابق املاكهم على الحكومه الحاليه , طيب ورموز الحكومه الحاليه هيعرضوا أملاكهم على مين لما يتسجنوا ؟
|
|
5 تريليون جنيه مش مبلغ كبير يا جماعه .
|
|
يتاخد منهم الفلوس ويخفف عنهم الحكم على حسب الدفع برضه يتحيسوا لكن يخفف ربع مده سجنهم[/b]
|
|
لا طبعا ميخروجوش من السجن مقابل الفلوس دول لازم يتذلوا زى ما عملوا فين
|
|
ايه المبالغ اللى الواحد بيسمعها دى الكلام ده حقيقى والا...........
|
|
مالمانع تسترد الحكومة الاموال بدل السلفة من صندوق النكد الدولى - ويفرج عنهم ويمنعوا من السفر ويعاد القبض عليهم مرة اخرى خخخخخخخخخخخخخخ
|
|
على كده أى حرامي هيسرق و يتسجن .. لما يتنازل نسيبه يخرج من السجن؟؟ دول مصوا دم الشعب سنين طويلة و مش قادرين يستحملو العقاب سنة على بعضها
|
|
اتفضلوا
خمسه ترليون و احنا بندور على قرض من البنك الدولى و على معونه من امريكا و احنا اغنا من البنك و من امريكا و مش محتاجين و عمرنا ما حنحتاج لحد لو بس بطلنا نتسرق و اللى سرقك و جرحك و مارس عليك الفساد و الغش و البطش سنين طويله لما بقيت واخد على العتمه و نفسيتك اتحطمت و مش قادر تعيش فى النور يجى و يقولك خد اللى فاضل من الفلوس اللى سرقتها منك و خلينى امشى حتخليه يمشى؟ و لكم فى القصاص حياه يا اولى الالباب مصر مش حتقوم الا بالقصاص و العدل و اول ما يطبع شرع الله يطبق على الروس الكبيره علشان البلد تهدى لو ما حصلش عمر البلد ما حتهدى البنى ادم ما يقدرش يعيش باحساس الظلم و القهر كتير الموت عليه اهون و تحيا مصر و ثوره مصر و شعبها العظيم |
|
مصر لن تستفيد بموتهم طبيعيا او حتى اعداما لنفكر بالعقل شويه اللى راح راح واللى نقدر نلمه منهم نلمه هوه الحرامى مش يتاخد فلوسه ويحاسب ناخ الفلوس لصالح مصر وناخد املاكهم كلها تتصادر لصالح مصر ونخليهم يشتغلو ا بمشاريع من داخل السجن بدون اجر ولما نخلص كل ده ينوفوا من مصر زى الملك فاروق بالظبط وبكده نكون استخمناهم لصالح مصر كمشاريع زى طلعت مصطفى ورشيد وغيره بالمجان وبعد اخد كل اللى حيلتهم ومنازلهم همه وعيالهم وبعدين ينفوا من مصر لن نستفيد من موتهم واعدامهم وسجنهم--لنفكر بعقولنا ونطلب من دول الخليج اللى صعبان عليهم مبارك ياخدوه بمقابل وكله بتمنه--اللى عايز حد يدفع---جناات
|
|
مصر لن تستفيد بموتهم طبيعيا او حتى اعداما لنفكر بالعقل شويه اللى راح راح واللى نقدر نلمه منهم نلمه هوه الحرامى مش يتاخد فلوسه ويحاسب ناخ الفلوس لصالح مصر وناخد املاكهم كلها تتصادر لصالح مصر ونخليهم يشتغلو ا بمشاريع من داخل السجن بدون اجر ولما نخلص كل ده ينوفوا من مصر زى الملك فاروق بالظبط وبكده نكون استخمناهم لصالح مصر كمشاريع زى طلعت مصطفى ورشيد وغيره بالمجان وبعد اخد كل اللى حيلتهم ومنازلهم همه وعيالهم وبعدين ينفوا من مصر لن نستفيد من موتهم واعدامهم وسجنهم--لنفكر بعقولنا ونطلب من دول الخليج اللى صعبان عليهم مبارك ياخدوه بمقابل وكله بتمنه--اللى عايز حد يدفع---جناات
المفروض فلوسنا و الحق يرجع لصحابه سواء رضى مبارك و فلوله او ما رضيش ده لو عندنا فعلا قانون و عداله و اجهزه امنيه و لجان نصبت مخصوصا لهذا الغرض و مش محتاجين نتصالح مع الحرامى علشان ناخد فلوسنا منه الفروض ان الفلوس ترجع غصب عنه و هو ياخد قصاصه علنا و من البجاحه انه يقول كلمه (املاكه) و كانه مش حرامى و حنطلع احنا اللى حراميه و حناخد "املاكه" لينا؟؟؟؟!!!! دى املاك الشعب و املاك مصر و تحيا مصر و ثوره مصر و شعبها العظيم |