قال انصار الشيخ حازم ابو اسماعيل المرشح المحتمل لرئاسه الجمهوريه ان الدكتور عبدالمنعم ابو الفتوح بيسمع ام كلثوم وحرام ننتخبه .ومنعوا حمله ابو الفتوح من توزيع الدعايه الانتخابيه عقب صلاه الجمعه بمسجد فجر بمنطقه تعاونيات القاهره بمدينه السويس . وكان الدكتور عبدالمنعم ابو الفتوح قد صرح انه يحب سماع اغانى لأم كلثوم .

وحاول انصار ابو اسماعيل طرد انصار الدكتور المحترم عبدالمنعم ابو الفتوح بحجه ان هذا الاخير يسمع اغانى لام كلثوم وحرام انتخابه .
الجدير بالذكر ان الاخوه السلفين والاخوان المسلمين كانوا يستغلون المساجد فى الدعايه الانتخابيه فى انتخابات مجلس الشعب والشورى .

هههههههههههههههه
هى بصراحه عليها صوت حرام يتسمع ..... لو بيسمع فيروز انا هنتخبه

دى البلد بقت ولا قناة النيل للمنوعات

حقول ايه يا بريتى غير لا حول ولا قوة الا بالله

دول ناس فاضية لمراقبة بعضهم لبعض

شكررررررررراااااااااااا كتير بريتى

لا وحتى كمان ياجده ده مش سبب مقنع لعدم انتخاب الدكتور ابو الفتوح .

ايه الكلام الغريب ده !!!!!!!!!!!!!!!!!!

هو احنا ليه بنعمل من الحبة قبة واحد قال كده ولا كام واحد ايه القيمة انه يبقى خبر يعنى ده طبيعى كلنا مش هنتفق على حد واحد وكل منا ليه اعتراض على الاخر فى حاجات مختلفة مش معنى كده ان نعمله خبر وفرح هو انا لما اقول انى بكره ا حازم ابو اسماعيل علشان مش عجبنى علشان كده مش هنتخبه بقه ينزل خبر ولا مش بحب ابو الفتوح علشان بيسمع اغانى علشان كده مش هننتخبه علشان كده بقى خبر كل واحد هيبنتخب شخص علشان حاجة عجباه اى كانت وكل واحد مش هينتخب شخص علشان حاجة مش عجباه فيه اىا كانت ايه الغريب فى ده علشان يبقى خبر

ابو الفتوح بيسمع ام كلثوم ايه الانحراف ده استغفر الله بلاش بقا حد ييجي جتبه ......... والله الناس دي دماغها ضربت

حاجة هيفا من انصار ابو اسماعيل وملهاش لازمة وهم دول اللى هيخربوا البلد بعميلهم دى وعايز اسال الاعضاء سوال انتم بتسمعوا اغانى ولا ايه وايه اللى ممكن يحصل لو ابو اسماعيل مسك هتقدروا تقولوا له متعنش الاغانى برجاء الرد بصراحة

ماحدش يقدر يمنعنا عن حاجه او يجي يفرض علينا حاجه احنا مش عايزنها .