في خبر مخيب للآمال للكثيرين قال سامي مهران الامين العام لمجلس الشعب ان خبر تخفيض مرتبي مجلس الشعب والشوري عار تماما من الصحة مؤكد أن هذه شائعة , وقال مهران في تصريحات نقلتها عنه بوابة الاهرام ان هذا الكلام غير صحيح اطلاقا ولم يتم تخفيض اي شئ من مرتب رئيسي الشعب والشوري .. وكان نشطاء علي موقع التواصل الاجتماعي فيس بوك وتويتر قد نقلوا اخبارا عن مصادر غير مؤكدة انه تم تخفيض مرتبي رئيس مجلس الشعب والشوري من 750 الف جنيه الي 30 الف جنيه وهو الخبر الذي اثار موجة من الفرحة بين الناس الا ان سامي مهران نفي الخبر تماما

سامي مهران

ولا مخيب للامال ولا حاجة
يعنى حتى لو كان الخبر صحيح كان الفرق اللى اتنازلوا عنه هيروح للموظفين الغلابه ولا هيتعمل بيه حاجة ماهم كان هيرجع خزينة الدولة ويروح برضوا لصاحب نصيبه


صلوا على النبى

إن شاء الله هيتخفض لإن المبلغ ده خيالى وميخدوش إلا اللى باعوا ضميرهم زى سرور وغيره .

هو سؤال فني

مين ابن التيييييييييت اللي خلا المرتب 750 الف جنيه ؟؟!!!!!!

شخصياً أعرف إن راتب رئيس مجلس الشعب ورئيس مجلس الشورى هو نفسه راتب نائب رئيس الجمهورية وراتب رئيس مجلس الوزراء اللي هو 1500 جنيه دة طبعا الأساسي لكن في بدلات ومكافآت والذي منه والشيء لزوم الشيء بتوصل الراتب الشهري لحوالي 250 ألف جنيه لما تولع ع الأخر يعني أولاً موضوع ال 750 ألف دول واسعة شويتين تلاتة كدة.
تاني حاجة ولا مخيب ولا حاجة لو تم تخفيض الراتب أو لم يتم ولا هنشوف حاجة لإن الخضرة جات عند الشعب ونشفت ومبقتش نافعة
على فكرة كل القيادات في الدولة بتاخد أرقام أعلى من كدة بكتير أوى اتذكر من قبل أن أشرف العربي رئيس مصلحة الضرائب العامة كان يتقاضى راتب شهري مليون جنيه

بسيطه بسيطه خالص متفرقش بس هما يشتغلوا ويقوموا بدورهم صح

الكتاتني دلوقتي بيقول انا باخد من 12 الى 14 ألف بس زيي زي أي عضو في البرلمان على فكرة سامي مهران دة من النظاام البائد وهو من الناس اللي شفطت البلد وهما اللي حطوا المبالغ دي اصلا

شخصياً أعرف إن راتب رئيس مجلس الشعب ورئيس مجلس الشورى هو نفسه راتب نائب رئيس الجمهورية وراتب رئيس مجلس الوزراء اللي هو 1500 جنيه دة طبعا الأساسي لكن في بدلات ومكافآت والذي منه والشيء لزوم الشيء بتوصل الراتب الشهري لحوالي 250 ألف جنيه لما تولع ع الأخر يعني أولاً موضوع ال 750 ألف دول واسعة شويتين تلاتة كدة.
تاني حاجة ولا مخيب ولا حاجة لو تم تخفيض الراتب أو لم يتم ولا هنشوف حاجة لإن الخضرة جات عند الشعب ونشفت ومبقتش نافعة
على فكرة كل القيادات في الدولة بتاخد أرقام أعلى من كدة بكتير أوى اتذكر من قبل أن أشرف العربي رئيس مصلحة الضرائب العامة كان يتقاضى راتب شهري مليون جنيه

طيب انا مش طماعه ياريت يشغلونى شهر واحد وبعدين يرفدونى انا موافقه والله

ياجماعه دى ارزاق ومحدش هياخد اكتر من رزقه واللهم لا حسد ....وعلى راى المثل اجرى يا ابن ادم جرى الوحوش مش هتاخد غير مرتبك و15% حوافز وبدلات