ورق ملون قالوا عليه فلوس
فرّقنا كلنا... ضيّعنا كلنا
علمنا ازاي نفكر بس في نفسنا
علمنا الوطْيَنة ...علمنا النفسنة
علمنا يعني ايه سواد النفوس
كل دة من العفريت اللي اسمه فلوس
عفريت غبي بيصنف الناس بجيوبها
المحترم معاه والغلبان معهوش
اللي معاه يبقى ابن ناس
واللي مش معاه ابن كلب وضهر مالوش
كل دة من العفريت اللي اسمه فلوس
خلاّنا نبص في جيوب غيرنا مغلولين
ما احنا خلاص في جيوبنا مش لاقيين
جيوبنا فاضية من زمان
وعلى كده احنا متعودين
العفريت مدخلش بيتنا
وعلشان كده راضيين
دة جلاّب مشاكل واحنا مش ناقصين
و دي حكمة ربنا واحنا بيها راضيين
مش ناقصين نفسنة
وأنانية ووطينة
وسواد قلوب يقعد كام سنة
معشش في النفوس
ملعون أبوكي يا فلوس
مات الكلام....