بسم الله الرحمن الرحيم
السلام عليكم ورحمة الله وبركاته
قال الدكتور ممدوح حمزة على الهواء فى برنامج فى الميدان على قناة التحرير ان مصر ان لم تتفاوض مع رموز سجناء طرة من النظام السابق مقابل الاموال كاملة واللتى تبلغ 70 مليار دولار من اموال الرئيس المصرى السابق حسنى مبارك فمصر لن تحصل على مليم واحد حتى ولم تم الحكم عليهم وان حدث ذلك فمصر تستطيع ان تحصل على الاقل على 70 مليار دولار تبنى بها مصر من جديد ولا داعى للاقراض من الصندوق الدولى بحيث ان اسرة كل شهيد تحصل على 2 مليون جنيه ومصاب العين مليون جنيه على ان يشترط ان يحصل اصغر مصاب على نصف مليون جنيه وعندما وصفته المذيعة بالتصالح مع النظام السابق فقال لها انا اعمل لصالح مصر ولا اعمل لصالح سجناء رموز طرة والدليل على ذلك ان التسجيلات اللتى نسبت لى فى فترة العصيان المدنى جاءت من امراءة احد رموز النظام السابق فى طرة ولكنه رفض ان يفصح عن اسمها واليكم التفاصيل الكاملة فى هذا الفيديو

هو مصادرة الأموال هتم بمزاجهم ؟؟ دى حاجه فى يد القضاء وتبقى ترفض أروبا ساعتها عشان حقيقتهم تظهر أدام العالم اللى بيقولوا على نفسهم دول متقدمه وهما شويه لصوص والتاريخ شاهد عليهم .

هم السبعين مليون دولار دول مش اللى اتقال عليهم اول الثوره؟ و تم انكارهم و دلوقتى بيقولوا سبعين مليار دولار تانى؟
و قلنا بنحاكمه مدنى علشان الفلوس ترجع بالقانون و لو اتحاكم عسكرى مش حترجع؟
و دول اوربا عماله تبعت جوابات لمصر علشان يبعتولهم الاسماء بس علشان يوقفوا الحسابات و الحكومه و لا كأنها سمعت
و مش قناه التحرير دى اتباعت لفلول و دلوقتى عايزه توصل الرساله دى للناس؟
خروج آمن ؟؟؟؟؟؟؟؟ ما فيش قصاص يا اما القصاص يا اما الفلوس؟ الفلوس مقابل العدل؟ يعنى بيشترى زمه الشعب كله بفلوس الشعب برضه

بينى و بينكم؟ انا من رأيى الخاص و لا الزم حد برأى الخاص
انا ما عنديش مانع حسنى مبارك و اهله يطلعوا من مصر بتشريفه و بكرامه و براءه و كمان ياخد الفلوس اللى سرقها بس بشرط و احد و يعمله بمنتهى الذمه ... يطهر البلد من الفساد اللى عمله فيها الستين سنه اللى فاتت و انا باقول ستين سنه لانه هو قال كده فى البى بى سى لما سأله المذيع بقالك ثلاثين سنه فى الحكم قال لا ستين سنه مسئول عن البلد

التطهير بقى انك تكشف كل اللى حصل و الفاسدين الوحشين اللى ضحكوا عليك و على ابنك الطيب الساذج و خلوكوا تعملوا حاجات وحشه فى البلد تفضحهم كلهم و تطهر مصر و بالسلامه انت و عبقرينو و حنضربلك سلام

لكن ترميلنا فلوسنا اصلا اللى انت سرقتها يعنى مش ملك اهلك و لا ورث و تاخد بعضك و تمشى و انت معاك مليارات طبعا لما تعلن عن سبعين يبقى معاك مش اقل من ميت مليار ... عايز تاخد بعضك و تمشى و فلولك فى البلد ؟
انت كنت بتلاعبهم و انت فى المستشفى و اولادك فى السجن مش حتلاعبهم و انت بره مصر حر طليق و فى ايدك مليارات؟ دا انت تخرب البلد اكتر ما هى خربانه و طول ما فلولك فيها عمرها ما حتنضف .. من الاخر لم تعابينك قبل ما تمشى و يتحاكموا و يتعدموا او ينطردوا و يتمنعوا من دخول البلد هم و انت

يا ريتنا عملنا فيك زى اللى اتعمل فى القذافى كان زماننا خلصنا و اخدنا فلوسنا
لكن قدر الله و ما شاء فعل حنقول ايه
و تحيا مصر و ثوره مصر و شعبها العظيم

معاك دكتور ممدوح اللى حصل الفتره اللى فاتت يؤكد كده . معدش غير اما التفاوض والاسترداد والتصالح او التصالح فقط وانا ليا راى اننا نتفاوض مع جزء منهم مقابل استرداد اموالنا كامله ومحاكمه الجزء الاخر كل واحد على حسب جريمته وربنا يجازى اللى كان السبب ودى كانت تجربه مانديلا فى جنوب افريقيا

هم السبعين مليون دولار دول مش اللى اتقال عليهم اول الثوره؟ و تم انكارهم و دلوقتى بيقولوا سبعين مليار دولار تانى؟
و قلنا بنحاكمه مدنى علشان الفلوس ترجع بالقانون و لو اتحاكم عسكرى مش حترجع؟
و دول اوربا عماله تبعت جوابات لمصر علشان يبعتولهم الاسماء بس علشان يوقفوا الحسابات و الحكومه و لا كأنها سمعت
و مش قناه التحرير دى اتباعت لفلول و دلوقتى عايزه توصل الرساله دى للناس؟
خروج آمن ؟؟؟؟؟؟؟؟ ما فيش قصاص يا اما القصاص يا اما الفلوس؟ الفلوس مقابل العدل؟

بينى و بينكم؟ انا من رأيى الخاص و لا الزم حد برأى الخاص
انا ما عنديش مانع حسنى مبارك و اهله يطلعوا من مصر بتشريفه و بكرامه و براءه و كمان ياخد الفلوس اللى سرقها بس بشرط و احد و يعمله بمنتهى الذمه ... يطهر البلد من الفساد اللى عمله فيها الستين سنه اللى فاتت و انا باقول ستين سنه لانه هو قال كده فى البى بى سى لما سأله المذيع بقالك ثلاثين سنه فى الحكم قال لا ستين سنه مسئول عن البلد

التطهير بقى انك تكشف كل اللى حصل و الفاسدين الوحشين اللى ضحكوا عليك و على ابنك الطيب الساذج و خلوكوا تعملوا حاجات وحشه فى البلد تفضحهم كلهم و تطهر مصر و بالسلامه انت و عبقرينو و حنضربلك سلام

لكن ترميلنا فلوسنا اصلا اللى انت سرقتها يعنى مش ملك اهلك و لا ورث و تاخد بعضك و تمشى و انت معاك اكتر من سبعين مليار دولار و فلولك فى البلد انت كنت بتلاعبهم و انت فى المستشفى و اولادك فى السجن مش حتلاعبهم و انت بره مصر حر طليق و فى ايدك مليالات؟ دا انت تخرب البلد اكتر ما هى خربانه و طول ما فلولك فيها عمرها ما حتنضف
يا ريتنا عملنا فيك زى اللى اتعمل فى القذافى كان زماننا خلصنا و اخدنا فلوسنا
لكن قدر الله و ما شاء فعل حنقول ايه
و تحيا مصر و ثوره مصر و شعبها العظيم

صدقينى اخت بديعه من الاحداث اللى فاتت اتاكدت ان الشعب والدوله ماشيه على طريق التصالح واسترداد جزء من الاموال وكل واحد حسب شطارته للاسف انضحك على الشعب ومعدش قدامه غير كده بس يا ريت قبل التصالح الشعب يعرف غلط فى ايه ومين كان السبب عشان نبقى اشترينا تجربه ونلحق اى استفاده ممكنه وحسبى الله ونعم الوكيل

هو مصادرة الأموال هتم بمزاجهم ؟؟ دى حاجه فى يد القضاء وتبقى ترفض أروبا ساعتها عشان حقيقتهم تظهر أدام العالم اللى بيقولوا على نفسهم دول متقدمه وهما شويه لصوص والتاريخ شاهد عليهم .

كل دول العالم و اوربا بيبوسو ايد الحكومه المصريه علشان تبعت لهم قوائم باسماء المقبوض عليهم كامله هم و اسرهم و اصحابهم و الحكومه عامله لجنه قال تدور على الفلوس و اللجنه بتشتكى من الحكومه انها عامله ودن من طين و ودن من عجين و مش بترد على رسائل دول اوربا و امريكا علشان يجمدوا الاموال
فى حاجه مش مضبوطه فى اللعب اللى بيحصل اليومين دول
و كل ما ميعاد تسليم السلطه يقرب كل ما الواحد بيقلق اكتر لان المشير مش حيسلم السلطه الا لما يطمن على مستقبل الحبايب
ربنا يستر
و تحيا مصر و ثوره مصر و شعبها العظيم

صدقينى اخت بديعه من الاحداث اللى فاتت اتاكدت ان الشعب والدوله ماشيه على طريق التصالح واسترداد جزء من الاموال وكل واحد حسب شطارته للاسف انضحك على الشعب ومعدش قدامه غير كده بس يا ريت قبل التصالح الشعب يعرف غلط فى ايه ومين كان السبب عشان نبقى اشترينا تجربه ونلحق اى استفاده ممكنه وحسبى الله ونعم الوكيل

يا دكتور عصام دى رساله لازم نستلمها اليومين دول من اعلام الفلول (قناه التحرير اللى اتباعت للفلول) عشان يفهمونا انه ما فيش حل تانى
تضمن منين ان ميارك حيمشى و صوابعه مش حتلعب هنا؟ تضمن الامن و الامان منين؟
هى صوابعه دى مش رجال اعمال و مشاريع و دول و مصالح كان مبارك بالنسبه لها ضهر يحميها و لما يسقط هذا الضهر يبقى يا حتدور على غيره يا حتقلب المعبد على من فيه و حتبقى بالنسبه لها حياه او موت و تخرب البلد اكتر؟ عليا و على اعدائى
هو حسنى مبارك فى منه خطر؟ قد ما الخطر من ابنه و احمد عز و رجال الاعمال و الفلول اللى منخوره فى البلد كلها زى السوس؟ حتطلعهم ازاى و حتاخد فلوسك اللى اتسرقت منهم ازاى؟ هو مبارك يس اللى سرق؟

الرساله دى من حلاوه الروح لكن الثوره اللى اسقطته حتسقط فلوله
القوه لسه فى ايد الشعب بس هم اوهموا الشعب انهم ضعفوه
فصلوا الشعب عن ثورته بتشويه الثوار
فصلوا الثوار عن الشعب بتشويه الشعب قدامهم انه شعب لا يستحق التضحيه
فصلو الاخوان عن الثوره و عشموها بالسلطه و وصل طمعهم للرئاسه
فتتوا القوى و وقعوا بينهم فتن طائفيه و نساء و بورسعيد و التراس و غيره
اعتقلوا الثوار و رموز الثوره واحد و را التانى كله بيتحاكم عسكرى او بيتلم حتى المذيعين و الاعلاميين راجل واحد بس عمل فيهم كلهم بلاغات انهم ضربوه و هم عمرهم ما شافوه اصلا و البلاغ اتعمل بيه و بيتلموا فى السجون (لابعادهم عن المشهد فى الفتره دى)
الاعلام كله خفض صوته رغم ان صوت الشارع عالى جدا بس مش مسموع من الرقابه على الاعلام

الوقت بيجرى و الاخوان بتطمع اكتر و هم بيطمعوا اكتر كل واحد عايز يحقق هدفه بسرعه و يزرع فى البلد من يحمى مصالحه الخاصه سواء المجلس او مبارك او الاخوان او السلفين او الفلول
لو كل دول بيحاولوا يتحايلوا على الشعب و يقنعوه بحاجه
يبقى هم عارفين كويس قوى ان القوه الحقيقيه هى الشعب
و لازم الشعب المصرى يكون واعى لكل ده و يعرف انهم خايفين منه
احنا جمهوريه و السلطه الحقيقيه و الشرعيه الحقيقيه فى ايد الشعب
لو اتحد الشعب و ثار و نزل الشارع بثوره كامله و محاكمات ثوريه و يطلع من رحم الثوره من يرأس البلاد و الدستور يكون من الشعب و لمصلحته و مجلسى الشعب و الشوره ينتخبوا انتخابات حره بجد و حقيقى
يبقى مصر حتقوق و تستقر و تنضف و حنحس بالكرامه فعلا و نرفع راسنا
لو فضلنا حاسين اننا الاضعف يبقى حنموت و نموت مصر معانا
و ربنا يسترها علينا و ينجينا و ينصرنا على من يكيد لمصر
و تحيا مصر و ثوره مصر و شعبها العظيم