أحلى أيام الشقاوة و البرأة و التلاقى
هى ايام الطفوله هى ايام ابتدائى
لما كنا نجرى نلعب نجرى نلعب و اما نتعب
نجرى نقعد فى الفصول نسمع الأستاذ يقول
عندنا حصة قرأة عن تاريخ بلد البرأة
عن بلاد الألف مدنة بعدها أستاذنا أخدنا
و قال لنا عدوا البابان و أزرعوا حب و حنان
و الجرس جنب الأذان و أكتبوا فوق الزمان
إحنا مصريين بجد إحنا نيل و تاريخ و مجد
لما غرقنا الطوفان من عرقنا بنينا سد
إحنا أمة كما الفهود لما شفنا علمنا مال
إحنا كنا ولا الأسود لما عدينا القناة
ولا عمرى هنسى دم أخوتنا اللى راحوا فى بورسعيد
و السوايسة لما ضحوا علشان بلدنا تشوف العيد
و برده فاكر من قبليها دنشواي اللى حصل فيها
أمهات راح منها ولادها و قامت الثورة فى ميعادها
عشان تعيشى يا مصر لينا عشان يعيش بعدينا ولادنا
كل واحد عنده فينا قوة بتزلزل مدينة
كل دول من قبلى و بحرى عاموا جابوا رمل سينا
إحنا مصريين بجد إحنا نيل و تاريخ و مجد
لما غرقنا الطوفان من عرقنا بنينا سد
إحنا أمة كما الفهود لما شفنا علمنا مال
إحنا كنا ولا الأسود لما عدينا القناة
قوم يا عوض أعدلى الدفة خد بأيدى و قول هيلة هيلة
لما برد الليل يتدفى على البلد دى نخف الشيلة